الحصول على التأشيرة الكندية في ظرف 45 يوم بدون اجراء مقابلة

السلام عليكم ورحمة الله وبركاته أخوتي أعضاء المنتدي
نظرا لاستفادتي الكبيرة من منتداكم الرائع أحببت أن أشارككم تجربتي التي أدت الى حصولي على التأشيرة الكندية في ظرف قياسي وهو 45 يوم والمفاجأة هي أنه لا داعي لموعد وطابور ومقابلة, فقط جهاز كمبيوتر ومعرفة جيدة باللغة الانجليزية واجادة استخدام الكمبيوتر + طابعة 
1_ فتح موقع http://www.cic.gc.ca/english/index-int.asp
2 - اختيار Apply online
3 - بعدها نختار study permit 
4 - بعدها تقرأ التعليمات وتنفذ بدقة
مجرد أسألة جاوب عليها وبعدين افتح أكاونت وعبي الابليكشن وديريلهم ابلود واتبع التعليمات
انا قدمت اونلاين يوم 08/04/2013 ,الكشف الطبي 2 - 05 - 2013 وستلمت التاشيرة 06/2013
ماتغلطوش غلطي وهو ان قدمت على السفارة واونلاين الزوز
بعتولي ايميل طبعا مش من تونس قالولي عندك زوز ابليكيشن واحد اونلاين والتاني عن طريق السفارة ويجب عليك تلغي متاع السفارة لان الاونلاين جاهز
علما بأني مقدم في السفارة من يوم 24/04/2013 والى حد الان حتى الكشف مابعتوش 
كنت بي نتعمق في الشرح لكن لظروفي الصحية ماقدرتش
ماتنسونيش من صالح دعائكم في اجراءات التفويض
وبالله اللي قاعدين في مونتريال ياريت يتواصلو معاي لان ان شاء الله بنمشي غادي

بجد بارك الله فيك على المعلومه هذي ،،ربنا يجعلها في ميزان حسناتك
وألف لاباس ،،وبالشفاء العاجل إن شاء الله يارب

عفوا وبارك الله  فيك على دعائك... اذا أي حد عنده استفسار اوواجهاته صعوبة يطرح السؤال هنا في الموضوع باش يستفيد الجميع

بارك الله فيك اخي وموفق انشااله

جزاك الله خيرا

اختي Lotus flower ربما انا لا املك مهارة السرد لكن تقدري تساليني عن اي حاجة او اي صعوبة
الموقع تابع لوزارة الهجرة والمواطنة الكندية, بدأت خدمة التقديم على التأشيرة الكندية اونلاين بداية شهر فبراير 2013 وذلك لتخفيف الضغط على السفارات
تمتاز عن الطريقة التقليدية بالسرعة في الانجاز لكن يجب ان تكون اوراقك كاملة لانهم لايرونك ولا يتحدثون معك أوراقك هى التي تتحدث
عندما ارادو بعض المعلومات ارسلو لي طلب استيضاح بعض المعلومات ودرتله ابلود
لا يوجد لديهم رقم تلفون
لا يوجد لديهم ايميل للاستفسار فقط هم من سيخاطبونك وتاكدي بانهم دقيقين وسريعين للغاية
فقط مشكلة واحدة هي طريقة الدفح حيث انهم عادة لايقبلون ببعض انواع الفيزا كارد الليبية

بارك الله فيك على المعلومة وهو فعلا موقع االرسمى للهجرة كندة..cic
بس سوالى ياخوى...كيف تمت عملية الدفع..الرسوم...كيف ادفعتهم..
وبالنسبة للاوراق مثلا رسالة دعم التاشيرة..والقبول..اتنزلهم فى الجهاز وبعدين اديرلهم ابلود ولا كيف
وبارك الله فيك وجعله انشالله فى ميزان حسناتك يااخى

اخي الكريم...
قي نهاية كل ابليكيشن هناك توقيع...هل طبعت  الابيليكيشن ووقعته ثم عملتله سكان "scan" ويعده ابلود...ارجو توضيح الطريقة لاني عبيت الابليكيشن وحانقدم اونلاين

thanks alot my brother
I have a question ,, where did you run the medical examination?
Have they send you visa online or how?

best!

مشكور اخي الكريم علي هذا الشرح..
وكان من الافضل لو ذكرت سبب زيارتك لكندا هل هو ايفاد علي حساب الدولة او علي حساب الشخصي ونوع الفيزا وغيره من الامور..

لانه مثل هذه الامور مهمة فيما يتعلق بالتأشيرة الكندية

أخي mohalzenad التوقيع هنا يختلف,,,ماتسحبش الابليكيشن, بعد ماتعبيه ديرله ابلود بعدين بعد ماتستكمل كافة المستندات الخطوة اللى بعدها هي التوقيع الالكتروني يعني وكأن انت تتعهد انك وقعت الكترونيا على الابليكشن متاعك
على فكرة انى كيف مروح من السفارة توا حطيت جوازي باش يلصقو عليه التاشيرة وبعدين بنولي ناخده
هل تعلم ان الموظفة الكندية المسؤولة عن التاشيرات لما سلمتها الجواز مرفق معاه الرسالة اللي بعتوهالي تفيد بان يعطوني التاشيرة استغربت وقالتلي انها اول مرة تسمع بالتقديم اونلاين...يعني مافيش زحمة تاني    مافيش مواعيد بالشهر والشهرين تاني   مافيش انك تجي من بنغازي لطرابلس تاني

اخي amir libya انا موفد واجراءاتي اذن دراسة لموفد
حتى السفارة الكندية بطرابلس استغربو وسالتني قداش ليك مقدم؟ قلتلها شهر وشوية استغربت لان هم كنديين وماسمعوش بيها
انا ندعو زملائي الموفدين وغير الموفدين ان يقدمو على النت اسرع وانظف واقل تعب وكل واحد في مدينته
اكرر اي استفسار ولا مساعدة تفضلو وياريت يكون هنا في الموضوع باش يستفيد الجميع

السلام عليكم hm1897
أمس بعد ماقريت رسالتك..اتبعت التعليمات وفتحت حساب my cic
ودخلت كل المستندات المطلوبه باش اتكون جاهزا لعملية الابولد...اشحنت الفيزا كرت متعى من مصرف التجارة والتنمية ومقرر اليوم نبعتلهم للاسف اصابنى  احباط لما قلت انه الفيزا متع مصرف التجارة ماباش ياخده النظام CIC
ياريت لو فى اى فكرة كيف ندفع الرسوم...وهده الاشكالية الوحيدة عندى
على فكرة انى مقدم قبل اونلين فى سنة 2008...بس من داخل كندا..وفعلا الاجراءت سريعه وابسط

اهلا خوي مصطفي...عبى فكرة اسمي محمد
في الحالة هادي ماعليك الا تشوف حد عنده فيزا من برا ويخلصلك وتعطيه انت كاش
على مااعتقد فيه هلبا مكاتب متاع شراء اونلاين ويجيبو في بضاعة ويشرو في كروت قوقل بلاي وايتيونز تقدر تعطيهم 10 دولار على ان يخلصو عليك ومش راح يرفضو
موفق خوي

اخوتي الكرام استفسار بخصوص المستندات المطلوبة في مرحلة upload docuoments هناك ملف بالنسبة للمتزوج وهو Marriage License/Certificate ارجو المساعدة لم قامو بارساله

اخي ibroo84 مافهمتش سؤالك...ممكن تصيغه بطريقة اخرى؟

السلام عليكم
اولا شكرا خوى محمد على التفاعل الممتاز منك وانشالله جعله فى ميزان حسناتك
بالنسبة لى اخى Ibroo
الملف Marriage Liecnce هو عقد الزواج..يعنى خود عقد الزواج وترجمه
وياريت ياخوى لو عندك شخص يدفع اونلين..ادلنى عليه وانى مستعد ندفعله كاش مع عمولة الفيزاء....لان بطريقة التقليدية فى السفارة حاتاخد منه حوالى 3 شهور...وانى قبولى الاكاديمى يبدا شهر 9 
وانشالله ربى ايسهلا الامور

خوي Mustafa76 انت في طرابلس؟  ممكن نشوف احد اصدقائي ونسقلك معاه لو ان الفيزا متاعه موجوجدة وباذن الله بدون اي عمولة ولا اي حاجة

بارك الله فيك يامحمد
ايه انى نسكن فى طرابلس...وبجديات منور 
وياريت تبعتلى تلفونك على الخاص

hm1897 كتب:

nona light  +  أم منتهى الله يبارك فيك وشكرا هلبا على كلماتكم الطيبة


Joy Libya انا قدمت يوم 08/04/2013 بعتولي نماذج الكشف الطبي على ايميلي بشكل عادي يوم 02/05/2013 يعني فترة قياسية بالمقارنة مع تعطيل السفارة

درت الكشف الطبي زيني زي اي واحد في عيادة السلام جنزور ..ملاحظة: النماذج يمشو لفرنسا لسفارة كندا غادي بعدها هي توزع النماذج كل واحد حسب الجهة اللى قدم فيها وذلك اعتمادا على رقم الابليكيشن ورمزه 
طريقة الحصول على الفيزا : يبعتولك ايميل ان امورك تمام وارفع الرسالة هادي للسفارة في برج طرابلس + الجواز وتمت    موفقين ان شاء الله واي مساعدة تفضلو


Thanks alot for your clear explanation & congratulation again on your visa getting
Wishing you all the best

السلام عليكم
اخي العزيز انا موعدي لتسليم اوراقي في السفارة الكندية هو يوم 24/6
والله زدت لخبطني ومعاد عرفت شن ندير
نرفع وراقي ونكمل من غادي
وندير اللي درته انت من هنا ؟؟؟
والله معاد عرفت
ممكن رقمك ع الخاص اخي العزيز