طريقة التقديم علي التأشيرة الامريكية , تعبئة النموذج DS-160 وتحديد موعد المقابلة

الغراري كتب:

السلام عليكم جميعا وشكرا اخي الجيد على المجهود الكبير والله انا مريت بنفس التجربة لكن اناعندي ملاحظة عند تعبئة الابليكيشن الوقت المحدد لتعبئة الابليكيشن "DS-160" هو 15 دقيقة وعندما تتخطى الزمن المحدد لابد ان تعود من البداية وقصة التخزين ادا كنت بتكمل الابليكيشن في وقت اخر وتقدر تخزنه كصفحة على سطح المكتب وحاجة تانية الصورة اللي تبي تدرجها متفوتش 240 كيلوبايت انت الصورة تقدر تشوف كم سعتها قبل الادراج وياحبدا تصور صورة 5×5 سم والخلفية بيضاء وتيرلها سكان كان ادرجتها في النمودج معاش يطلبوها في السفارة لكن الواحد يرفع معاه وحدة للاحتياط وشكرا .


والله ولي التوفيق

sara كتب:

السلام عليكم اخى the good الشرح اكثر من واضح وقدرت نكمل الخطوات بسهولةبس سؤالى عن السيفيس لو انا مغيرة من معهد لغة لآخر ودفعة سيفيس فهل لازم ندفع سيفيس جديد ..وشكرآ بارك الله فيك فى ميزان حسناتك ان شاء الله...

شكرآ جزيلآ توا نحاول ونشوف شن ايصير امعاى والفيزا انا مازال ما طلعتة مقابلتى ان شاء الله يوم 8-10

sara كتب:

راسلتهم زى ما فى الرابط الى بعثتة لى وقالوا حيردوا على بعد 24 ساعة...ان شاء الله خير

sara كتب:

بالنسبة لابليكيشن الفيزا انا عبيتة بالقبول الجديد بس السيفيس ماعرفتش ندفع مرة ثانية او لا بس هم قالوا تو يحاولوا يرحلوا السيفيس القديم بس بعد ما يخاطبوا المجلس القومى هكى اسمة على ما اعتقد...

بوادي ليبيا كتب:

السلام عليكم ورخمة الله وبركاته

من تجربتي اللي ما عرفتش شن معناها انا مقدمة من شهر 5 وحتى الان ما جتش التأشيرة يعني مازال تحت الاجراءات الادارية

يعني نقول ما تقدموش للتأشيرة قبل موعد الدراسة بشهر يعني انا قدمت قبل الموعد بثلاثة شهور باش نكسب الوقت في اجراءات البعثات و التفويض المالي شوي الباين جت على راسي.
شن رايكم

star2010 كتب:

الف الف شكر لك أخي وبارك الله فيك ونفع بك وجعله الله في ميزان حسناتك
أنا قاعدة في دوشة القبول ويارب نوصل هالخطوة قريبا