القادمين لمدينة أديلايد.... مقاطعة جنوب أستراليا

أخوتي القادمين لأدليد لكم هذه المعلومات التي قد تفيدكم ,,,,
وصولك للمطار ستجد تاكسي ينقلك إلي السيتي أطلب من صاحب التاكسي طبعا
التاكسي غالي شوي لكن الله غالب الباص ارخص بكثير لكن مش حيكون معاكم تكت
(تذكرة) له وفي نفس الوقت التاكسي أحسن لنقل الحقائب .... المهم في السيتي
فيه عدة فنادق وننصحكم السكن في موتيل motel لأنها أرخص بكثير مجرد تضع
حقائب في الموتيل توجه لأقرب فرع لبنك الكومنويلث عنده فروع بكل الاماكن
ومن أشرع الفروع فرع شارع الملك ويليامking William street او الفرع
الموجود في شارع pulteneny street وهذا الشارع فيه جامعة أدليد وجامعة جنوب
أستراليا المهم بعد تفتح حسابك تاخذ منهم ورقه وديرلها سكانر عشان تبعثها
للمكتب الشعبي طبعا تبي محل تعمل فيه سكانر فيه محل اسمه kopi موجود في
شارع واي ماوث waymouty streetطبعا هذا الشارع متقاطع مع شارع الملك وليام
وتكون مجهز مسبقا كل أوراقك الاخرى عل فلاشك تتجه لأقرب نت لترسل أوراقك
للمكتب الشعبي طبعا وين أقرب نت موجود في نفس شارع محل السكانر .....أو يمكنك المراسلة من الجامعة
ولكم جميعا كل الود وأطيب المنى ....

السلام عليكم

والله ياأخصائية التغدية من كتر ما اتحفتينا بالمعلومات الدقيقه والملمة هدي الواحد اتمنى ايكون بيقرى في جامعات جنوب استراليا .... مانحصلوش وحدة زيك في ميلبورن ..ولا انقولك حولى غادي .. على العموم بارك الله فيك هلبا هلبا و وربي ايوفقك ويفتح عليك وايجازيك عنا كل خير وياريت الكل يحدو حدوك ومايبخلوش علينا

السلام عليكم

شكرا أخي عماد .... وبارك الله وفيك ورحم الله والديك وأهلك جميعا في هذا الشهر الفضيل
أخجلتني بحسن كلامك ..... وكل ما أكتب لا أملك فيه شيئ ولا جميل فيه فكله من فضل ربي سبحانه وتعالى .... فكيف أمسك ما أعطاه الله سبحانه و تعالى ...
وكل ما أريده دعاءكم أخي ....
ولكم دوما كل الود وأطيب المنى .