هام لجميع الطلاب الراغبين في الدراسة في المانيا

ملاحظه الايفاده وكشف درجات و شهادة الميلاد يجب ان تكون مصدقه عليه من القضاء والخارجية طرابلس

وادا كنتي لم تعبي ابليكيشن هدا اسم المكتب يعبي لك مكتب ابابيل\\ شارع الزواية خلف جامع مولاي محمد قرب السفارة المانيا سابقا هاتف 0925082540 والاورق المطلوبه لتعبيت ابليكشن هي صورمن جواز سفر لك والمرافقين اداكنتي متزوج صور من عقد الزوج+قبول اللغة         اتمنا لك التوفيق

اخي الكريم انا موفدة علي حساب الدولة ونبي نستفسر عن المرافق في الما نيا الدولة الليبية عندنا تصرف علية ايام الدراسة ولا لا ولك جزيل الشكر ويا ريت تقعد متواصل معي لاني عندي استفسارات اخري  وشكرا

السلام عليكم  انا حسب علمي ان الدولة تصرف علي المرفق ولكن يجب ان يكون الزوج ولكن ادا الاخ او الاب لاتقوم الدولة بصرف علية  والله اعلم

kalid2010 كتب:

وادا كنتي لم تعبي ابليكيشن هدا اسم المكتب يعبي لك مكتب ابابيل\\ شارع الزواية خلف جامع مولاي محمد قرب السفارة المانيا سابقا هاتف 0925082540 والاورق المطلوبه لتعبيت ابليكشن هي صورمن جواز سفر لك والمرافقين اداكنتي متزوج صور من عقد الزوج+قبول اللغة         اتمنا لك التوفيق

مشكور جدا اخي خالد بس سؤال اخر شن هيا رسالة الحافز ما عرفتهاش

مهندس ميكانيكي كتب:

السلام عليكم 
انا طالب موفد للساحة الالمانية تخصص هندسة ميكانكية ( بكالوريوس ) اريدد ان اقدم على قبول لغة مادا افعل . ارجو من اصحاب الخبرة افادتي وشكرا ااااااااااا علما بان رسالة دعم قبول للغة عندي للساحة الالمانية

وعليكم السلام اخي 
اول شي تخش علي موقع اسمه القسم الثقافي برلين طبعا تكتبه في القوقل تفتحه تخش علي قسم اسمه ركن الطلبه تلقى فيه متطلبات الطلبه الجدد تلاقي فيه ايميلات اكتر من موظفه كل وحده متخصصه في حاجه طبعا حتلقى موظفه اسمها ايمان محمود هده المتخصصه بقبولات الطلبه الجدد تاخد ايميلها تلاقيه مكتوب جنب اسمها وفي حتى رقم تليفون بعدين تراسلها على الياهو ميل حتطلب منك صوره من جواز سفرك عربي وانجليزي وتجديد اذا كان متجدد وصوره من جواز سفر المرافق عربي وانجليزي وتجديد وصوره من قرار الايفاد وصوره من الدعم المالي لقبول اللغه وصوره من ايفاد التخرج عربي وانجليزي وكشف الدرجات وحتطلب منك ان تختار مدينه في المانيا علشان تقرا فيها اللغه وطبعا في الموقع حتلاقي حاطين مدن معينه يتم فيها قبول اللغه اختار وحده منهم
وبالتوفيق ان شاء الله

السلام عليكم ورحمة الله وبركاتة  اختي ا\\ لحافز يعني هو الشيء الدي جعلك تختاري فيه المانيا \\\\ يعني خودي ورقه واكتبي فيه انا اخترت فيه المانيا لانها تتميز بتطور علمي كبير ونظرا الي جمال اللغة و الي الشعب الطيب هذا انا ماكتبته في الحافز فقط ولاتكثري الكلام لان الالمان لايحبون كثرة الكلام تم بعد دلك قومي بكتابة اسمك في اخر الورقه كما هو في جواز سفرك ثم قومي بترجمته للغه الالمانيه وضعيها مع اوراق التأشيره \\\ ملاحظه عندما قمت بتقديم التاشيره اول ورقه طلبوها هي الحافز وعندما وجدوها قالو لي هدا جميل       والله اعلم

انا موفدة في القرار 802 الاخير كلية الطب البشري
نبي نستفسر عن الدراسة في المانيا من ناحية:1-هل كل الجامعات باللغة الالمانية ام في جامعات باللغة الانجليزية
2-هل يسمح للمرافق الزوج تكملة دراسته ام اللغة فقط3-هل من السهل الحصول على التأشيرة الالمانية
4-وكم اطول فترة للحصول على التأشيرة
5- هل يمكن تغيير التخصص بعد الوصول الى المانيا ام التغيير يكون من ليبيا
ارجو الرد ولكم مني جزيل الشكر
     

ارجوكم الرد 

اخي المهندس الميكانيى تواصل معي وان شاء الله اجد لك حل
اختي توتي لا يوجد في المانيا طب باللغه الانجليزية مطلقا وبالاضافة الى انه يتطلب امتحان دي اس ها 3
بالتاكيد يمكنك تخير التخصص بكل سهوله
يعطوك فيزا 3 شهور وتجددها بس توصل كل سنة او سنتين حسب المقاطعة او الولاية
سكايب :papers22
بالتوفيق للجميع

شكرا اخي smilodon وبارك اله فيك على الرد

السلام عليكم
هل يسمح مرافق اخ حصوله على تاشيرة ؟ وهل يسمح له بدراسة ام لا على حساب دولة ؟
شكرا لكم

ولله لا اعلم حد عندو تجربه يا اخوان بموضوع المرافق يفيدنا

السلام بخصوص التاشيرة الله اعلم ولكن بخصوص الدارسه ادا كانت انت المرافق اعتقد لا تسطيع الدراسه علي حساب الدوله ولكن ادا كانت زوجتك هي الموفده تستطيع الدراسه وا عكس ولكن ادا كان انت مرافق الي اختك لاتسطيع الدراسه حت تتحصل علي وراقه من البعتات ان الدوله هي تتحمل مصريف الدراسه والله اعلم

kalid2010 كتب:

السلام عليكم ورحمة الله وبركاتة  اختي ا\\ لحافز يعني هو الشيء الدي جعلك تختاري فيه المانيا \\\\ يعني خودي ورقه واكتبي فيه انا اخترت فيه المانيا لانها تتميز بتطور علمي كبير ونظرا الي جمال اللغة و الي الشعب الطيب هذا انا ماكتبته في الحافز فقط ولاتكثري الكلام لان الالمان لايحبون كثرة الكلام تم بعد دلك قومي بكتابة اسمك في اخر الورقه كما هو في جواز سفرك ثم قومي بترجمته للغه الالمانيه وضعيها مع اوراق التأشيره \\\ ملاحظه عندما قمت بتقديم التاشيره اول ورقه طلبوها هي الحافز وعندما وجدوها قالو لي هدا جميل       والله اعلم

اخي خالد جزاك الله الف خير انا ختمت اوراقي من القضائيه والخارجيه وموعد المقابله ان شاء الله الاسبوع القادم فياريت تقولي شن مضمون المقابله وشن سألوك لاني نحس في روحي خايفه شويه ياريت اطمني وشكرا اخي الكريم

السلام عليكم اختي هل صدقتي على الاوراق في السفاره اما بشأن المقابله هي عباره عن بصم الكتروني وتوقيعك على اوراق البليكيشن وانت والمرفق ويسالوك ليش اخترتي المانيا وشن تخصصك وشن اسم المدينه هلي ماشيتلها
ملاحظه:- لازم اديري تلاث نسخ من الاوراق المترجمه اثنين صور وواحد اصلي بالنسبه للمرافق ادا كان زوج شهادة ميلاد مترجمه وصوره من جواز السفر مترجم وصوره من عقد الزواج مترجم واداكان اطفال شهادة ميلاد مترجمه وصوره من جواز السفر مترجم.......بالتوفيق

kalid2010 كتب:

السلام عليكم اختي  هل صدقتي على الاوراق في السفاره اما بشأن المقابله هي عباره عن بصم الكتروني وتوقيعك على اوراق البليكيشن وانت والمرفق ويسالوك ليش اخترتي المانيا وشن تخصصك وشن اسم المدينه هلي ماشيتلها
ملاحظه:- لازم اديري تلاث نسخ من الاوراق المترجمه اثنين صور وواحد اصلي بالنسبه للمرافق ادا كان زوج شهادة ميلاد مترجمه وصوره من جواز السفر مترجم وصوره من عقد الزواج مترجم واداكان اطفال شهادة ميلاد مترجمه وصوره من جواز السفر مترجم.......بالتوفيق

اهلين اخي خالد لا مزال ماصدقتش الاوراق من السفاره هما عطوني موعد للتصديق وللمقابله
والابليكيشن ماعبيتاش لاني ترجمت اوراقي في مكتب الظهره وقالي المترجم السفارة هيا اللي تعبيلك الابليكيشن وحتى لما اتصلت بالسفاره قالولي لما تجي لموعد التصديق نعبولك النماذج هكي انت درت؟؟

ونبي نسألك على التأمين الصحي كيف درته   

السلام عليكم ورحمة الله وبركاتة بنسبة الي الابليكشن ان عبيته في مكتب ابابيل خلف جامع مولاي محمد بنسبة تعبية الابلكيشن في السفارة هده جديده عليا بنسبة للتامين الطبي انا عبيتة حت هوفي مكتب ابابيل \\\ولكن التامين الطبي تعبيه بعد متحصلي علي تاشيرة\\\\\\ قيمةالابليكشن علي كل جواز 20 دل............وقيمة التامين الطبي علي جواز 100 دل للبلغ وطفل 55دل \\\\ وفيه مكتب تاني مقابل السفارة المانية طول........

kalid2010 كتب:

السلام عليكم ورحمة الله وبركاتة  بنسبة الي الابليكشن ان عبيته في مكتب ابابيل خلف جامع مولاي محمد بنسبة تعبية الابلكيشن في السفارة هده جديده عليا بنسبة للتامين الطبي انا عبيتة حت هوفي مكتب ابابيل \\\ولكن التامين الطبي تعبيه بعد متحصلي علي تاشيرة\\\\\\ قيمةالابليكشن علي كل جواز 20 دل............وقيمة التامين الطبي علي جواز 100 دل للبلغ وطفل 55دل \\\\ وفيه مكتب تاني مقابل السفارة المانية طول........

وعليكم السلام ورحمة الله وبركاته اخي خالد مش عارفه كيف نشكرك علي مساعدتك بارك الله فيك
انا بصراحه لما اتصلت بالسفاره رد عليا شاب قالي لما تجي تصدقي نعبولك الابليكيشن
نبي نسألك سؤال تاني اخي خالد انا طبعا مش من طرابلس وخويا كان في طرابلس واليوم جابلي الاوراق كلهم مختومات ومترجمات ماعدا الصوره من جواز السفر والسيره الذاتيه مترجمات لكن مش مختومات من القضائيه والخارجيه خويا قالي الموظفين في القضائيه والخارجيه قالولي مانختموش فيهم وانا اخي خالد لما نبي نمشي للسفاره مانبيش تكون ورقه ناقصه او ختم ناقص لاني مش من طرابلس والمسافه طويله فياريت تقولي هل انت ختمولك علي الصورة من جواز السفر والسيره الذاتيه او لا
واسفه طولت عليك وبارك الله فيك علي مجهوداتك الطيبه وربي يوفقك

السلام عليكم نعم اختي جواز السفر وسيرة الداتية لا يتم الختم عليهن وتفضلي في اي وقت حت انا من خارج طرابلس

kalid2010 كتب:

السلام عليكم  نعم اختي جواز السفر وسيرة الداتية  لا يتم الختم عليهن وتفضلي في اي وقت حت انا من خارج طرابلس

ربي يطمنك زي ما طمنتني يارب
باهي الشهاده الثانويه ضروري يكون عليها ختم الجوده او لا انا ختمولي عليها من القضائيه والخارجيه من غير مايكون عليها ختم الجوده هل ضروري نختمها ختم الجوده قبل مانمشي بيها للسفاره ؟؟