إيفاد الطلبه الأوائل

أني متخرجه من 2009 وتم قبولي كمعيده وأني معادش مشيت ولا وقعت عقد وفي 2010 صدر لي قرار إيفاد للدراسه بالخارج لآني الأولي علي الدفعة متاعي وتو طلعت ليااسبوعان ونبي لما نروح ونأخذ لغة نقدر نرجع 4شهور متلا معيده وبعدين نكمل ماجستير

مبروك عالقرار في بعض المؤسسات الجامعية تطلب من المعيد التنازل عن قرار المعيد أي أنه يتنزال عن وظيفة معيد لو كان تحصل على قرار أيفاد الأوائل بيش أيفعلوله القرار أمتاعه تبع الأوائل لأنه من شروط عقد المعيد أنك تقعد معيد في المؤسسة لمدة سنه عالأقل بيش تتحصل على قرار الأيفاد اوبعض الجامعات ماتطلبش في البرنامج هادا يعني عادي حتى لوكنت معيد عادي تمشي والتكمل دراستك كان تحصلت على قرار امتع الاوائل او مكانك يقعد محفوظ أوهانا أنا التقولك يعني البرنامج هادا توكل على الله اولا ثم شوف البرنامج كيف في الجامعة امتاعك والعلاقات امتاعك ليها دور ايضا أوكان بديت في أجراءات الايفاد خير اوخير
أو بالتوفيق أنشأ الله

عفوا انا قصدي لما نروح لليبيا بعد دراسة اللغة الانجليزية هل يقبلو الجامعة نوقع عقد معاهم كمعيدة علما بان قبل عقدي التغاء لآني معطيتش مبرر لعدم توقيعي وبعد 3شهور متلا نرجع نكمل ماستر وبعدين نلقي مكاني قاعد ويقبلوني استادة مش متعاونه ونبي معيدة حتي عالخاطر المعاش لآني مكان عملي طلبوا مني نكتب اجازة من غير مرتب ولكن لو أني معيدة راهو خديت ربع مرتب

أسف عالتأخير على كلامك أنا النقولك الله اعلم لكن انت قلت متخرجة من 2009 يعني بينك اوبين عرض وظيفة معيد علييك ليها وقت لذلك يمكن والله اعلم ان الجامعه أو الكلية ممكن غطت نقص امتع الجامعة من المعيدين بعناصر أخرى وانت أوحظك المهم أنت لما التروحي أمشي شوفي الجامعة شوفي مكتب المعيدين شن بيقولولك وانا من رأيي انت كملي اجراءات الأيفاد لأنك حتى كان كملتي تلقي مكانك محفوظ ماهو انت جايا بشهادتك وأنشأالله بالتوفيق