تفويض 13 نقل

السلام عليكم

يا الله نبدأ رحلة المعاناة مع التفويض نقل 13 بعد ما كنت نعتقد اني في تفويض نقل 12
ياريت لو فيه امكانية تتواصلوا امعانا لمعرفتة اخباره

السلام عليكم ...بالله من عنده القوائم الخاصه بتفويض نقل 13 ينزلهم وجزاكم الله خير

بالله عليكم يا ريت حد اطمنا شن صار في تفويض 13 نقل و ين وصل و الله تعبنا من التأخير
و رمضان كريم

السلام عليكم ورحمة الله وبركاته
اني اليوم في الخزانة اخر تفويض 13 نقل معناها تفويضكم في الخزانة هكي قالي الي في الاستعلامات. وربي يسهل الامور للجميع

اخ صالح شن صار فينا امتي ينقلو تفويض 14 للخزانة اليوم الاخ عبدالله الترهوني قال مازال ما نقل

السلام عليكم ورجمه الله وبركاته ورمضان كريم عليكم جميعا ...بالله نبي نسألك ياخوي Salah Moh ممكن توضحلي التفويض اللي قلت عليه في الخزانه هل هوا تفويض نقل 13 او طلبه جدد...ادا كان تفويض نقل كيف ممكن نتأكد من اسمي فيه او لا وبارك الله فيك فيك وجعله الله في ميزان حسناتك

السلام عليكم أخي Salah Moh و بارك الله فيك و ياريت يا اخي تنزل قوائم تفويض 13 نقل و اتأكدلنا انه فعلا وصل للخزانة لاني و الله تعبت المفروض اسمي نازل من تفويض 11 نقل و لا حول و لا قوة الا بالله

خواتنا في طرابلس بالله عليكم لو فيه حد يسألنا عن تفويض 13 نقل و ليس تفويض طلبة جدد لان قالوا التفويض 12 نقل موجود في الخزانة نبى نعرف هل التفويض 13 نقل تحرك للتعليم و الا مازال

السلام عليكم اخواتي

ياريت لو حد اطمنا شن صار ف البعثات اشتغلوا و الا مازال و التفويض النقل 13 شن صار فيه [/u]

بالتوفيق وعقبالنا ان شاء الله

مبروك لاخواتنا في التفويض 12 اليوم استلموا برقياتهم يعني البعثات تشتغل يا شباب التفويض 13 نقل شدوا الهمة عشان تحركوا التفويض

يا الله يا الله يا الله فرج علينا بفرج قريب فانت بيدك كل شئ و أنت على كل شئ قدير اذا ارد شيئا أن يكون تقول له كن فيكون

السلام عليكم ....بالله عليكم من عنده قوائم التفويض نقل13 ياريت ينزلهن ووين واصل اجراء التفويض وبارك الله فيكم

أخيalhlfawy الواضح أن ما فيش حد ايهم التفويض 13 نقل غير أنا و أنت
توقع من البعثات كل شئ مرات ايكون مازال ما انولد اصلا التفويض و قاعدين انعيشوا في الاحلام
و ربك يستر

السلام عليكم
اليوم كلمت صديق العائلة في طرابلس بخصوص تفويض نقل 13 و ذهب للخزانة و لم يجد الا موظف الاستقبال و قاله انحن اتجينا تفويضات و انطلوا في تفويضات بس ما نعرف اي تفويض وصل و الا اي واحد طلع و لا حول و لا قوة الابالله
عموما اتصل صديقنا بموظف في البعثات بالهاتف قاله التفويض انختم من التعليم و رد عندنا بس توا كل الامانات امسكرة عشان هكي ما دزينهش للخزانة
خواتي كنت نعتقد ان التفويض يطلع من البعات ثم التعليم ثم الخزانة هل التفويض لما يطلع من البعثات للتعليم لازم اردت للبعثات عشان هي ايلى ترسله للخزانة ؟ افيدوني افادكم الله

السلام عليكم

اي حد عندى معلومة عن عودة البعثات للعمل ايقوللنا عليها و الله انحن مقهورين و دراستنا قريب تبدأ
يا يا يا اللـــــــــــــــــــــــــــــــــــــــــــــــــــــــــــــه

السلام عليكم والله مااعرف ولا احد يعرف متي ستبدأ إدارة البعتات ف العمل يتوقف ع الأوضاع لكن أنا دراستي في 9 كيف ناجل والي متي

هذا الاعلان نشرتة إدارة البعات الدراسية على النحو التالي
حرصاً من إدارة البعثات الدراسية ووزارة التعليم العالي والبحث العلمي على مصلحة طلابنا الموفدين وتسهيل إجراءتهم فإن لجنة الازمة المشكلة حالياً تقوم بعدة جهود لتذليل الصعاب امام الطلاب لاستكمال إجراءتهم وفيما يخص التفويضات المالية فإنه يسرنا أن نعلمكم أن :

- تفويض رقم 11 جاهز وتم تسليم جزء كبيرمنه للمندوبين والجزء الاخر في انتظار المندوبين لاستلامه وعلى الطلبة مراجعة المندوبين بخصوصه

- تفويض رقم 12 تم تسليمه لمندوب الهيئة الوطنية للتعليم التقني والفني وعلى الطلبة التواصل معه.

- تفويض رقم 13 في المراحل النهائية بإدارة البعثات وسيتم تسليمه للمندوبين خلال الايام القليلة القادمة.

- تفويض 14 تم تحويله اليوم الاحد 17/8/2014 الى وزارة المالية.

- تفويض 15 في المراحل النهائية بإدارة البعثات وسيتم تسليمه للمندوبين خلال الايام القليلة القادمة.

- كل من تفويض 16 و17 تحت الاجراء بإدارة البعثات.

وعلى جميع المندوبين سرعة استلام برقيات بداية الصرف للتفويضات الجاهزة وتسليمها للطلبة .

كما تقوم اللجنة بمتابعة موضوع طلبة المواصلات الدارسين في بريطانيا وجاري العمل على ايجاد حل لمشكلتهم بالتنسيق مع عدة اطراف.

وكذلك تم التنسيق مع المكتب الكندي CBIE وذلك لمعالجة مشاكل الطلبة الموفدين لأمريكا وكندا.

وجاري العمل على عدة مواضيع اخرى بخصوص الطلبة الموفدين بالتنسيق مع الملحقيات الثقافية بالخارج.

ملاحظة مهمة: على جميع الطلبة الذين ستنتهي مدة تأشيرتهم والطلبة الذين اقترب موعد مقابلتهم بالسفارات لغرض التأشيرة وكذلك الذين ستبدأ دراستهم قريبا ضرورة الاتصال بالإيميل المخصص للطلبة المتواجدين داخل ليبيا و الذي تم الاعلان عنه سابقا وذلك لمعالجة اوضاعهم.
وسنوافيكم بكل المستجدات لاحقاً.

المراجعين من داخل ليبيا:
Scholarshipinquiries1( عفوا, يمنع نشر البريد الإلكتروني, استعمل الرسائل الخاصة )
استراليا ونيوزيلندا واسيا (بإستثناء الدول العربية):
Scholarshipinquiries2( عفوا, يمنع نشر البريد الإلكتروني, استعمل الرسائل الخاصة )
الأمريكيتين:
Scholarshipinquiries3( عفوا, يمنع نشر البريد الإلكتروني, استعمل الرسائل الخاصة )
الدول العربية وباقي الدول:
Scholarshipinquiries4( عفوا, يمنع نشر البريد الإلكتروني, استعمل الرسائل الخاصة )
الدول الاوروبية + تركيا وقبرص:
Scholarshipinquiries5( عفوا, يمنع نشر البريد الإلكتروني, استعمل الرسائل الخاصة )

المعلومات المطلوبة هي :

إسم الطالب -بلد الدراسة - رقم القرار- الدرجة الموفد لها - رقم التفويض بالنسبة للطلبة الجدد- التخصص - جهة الترشيح - المشكلة باختصار

إدارة البعثات الدراسية


الاعلان لا يوجد فيه اي معلومة عن تفويض 13 نقل و مش عارفة بالضبظ وين وصل
بالله عليكم اخواتى في تفويض 13 نقل تحركوا و شوف الموضوع وين وصل و الله لولا بعد المسافة لكنت راجعت الموضوع بنفسي خواتنا في طرابلس ياريت اتساعدونا ايساعدكم ربي

السلام عليكم
اللاسبوع الماضي الاخت نهلة  نزلت اعلان فيه ان تفويض 13 نقل سوف يتم ارساله لوزارة التعليم هذا الاسبوع
ياريت لو حد ماشي هذا الاسبوع للوزارة ايأكد على وجوده هناك و لو فيه امكانية اينزل القوائم
ملينا من الممطاله

يا شباب ما هو عنوان وزارة التعليم الذي سينقل له تفويض النقل, لان مقر صلاح الدين لايزال مغلقاً

من فضلكم اخواني الموفدين المتقدمين ع تفويض نقل ماهي الأوراق المطلوبة التقديم

السلام عليكم ماهي اخر اخبار التفويض 13 نقل

السلام عليكم

خوي راجع على التفويض يوم الاحد الماضي في البعثات و قالوا ان التفويض مازال في وزارة التعليم و ممكن اجي الاسبوع الجاي من الوزاة و قاله الموظف اول اسبوع بعد العيد حتستلم برقيه بدايه الصرف و إن شـاء الله خير

السلام عليكم اختي عطر الشأن
أمس أجريت اتصال بمندوب المعاهد وسألت على التفويض 13نقل. وقال مازال في إدارة البعتات ولم يتحول إلى وزارة التعليم. هل المعلومات التي لديكي اكيده بأنه قد تم تحويله. أرجو الرد وبارك الله فيك.

السلام عليكم بالنسبة لتفويض نقل 13 انا نعطيكم المعلومة اكيدة التفويض مازال في البعثات انا كنت يوم الثلاثاء في البعثات والمسئول علي تفويضات قالي انشااللة يوم الخميس سوف يتوقع من مدير البعثات ويوم الاحد الجاي سوف يتحول الي الوزراة وياخد الموضوع من الوزراة الي خزانة حوالي 3 اسابيع انشاللة يوم الاحد ان كان لينا عمر سوف ادهب للبعثات حتي اتاكد من دهاب الي الوزراة

شكرا اختي Shahadعلى المعلومه وبارك الله فيك. وياريت لو سخر ربي ومشيتي للبعثات اتطمنينا. وجزاك الله خيرا