ماهى التحضيرات لسفر طويل ؟

السلام عليكم
زي ما قلت في العنوان انا انقبلت لتلقى المنحة لسنة 2015 و لازم نسافر بعد 22 يوم و بجد مش عارفة شن الاولويات اللى لازم نهتم بيهم عشان سفرة لمدة سنة او اكثر ارجوكم ساعدوني علما بأن الاقامة حتكون في بيروجيا
صدقونى أى معلومة حتساعدني
شكرا

وعليكم السلام.

اولا اجراءاتك الاولية اولها ايجار شقة مادابيك من ليبيا تشوفي وحدة معينة، فيه هلبا مواقع تعرض هذه الخدمة وهلبا ناس يعرضو في شققهم في النت للايجار تقدري تراسليهم، جامعة بيروجيا عندها ايميل للترحيب Welcoming يردو فيه على الطلبة الي يستفسرو زيك ويساعدو في الطلبة بشكل جيد جدا، يساعدوك في معرفة اجراءات الاقامة والبحث عن سكن وتأمين ومواصلات وفتح حساب وغير ذلك، ان كنتي ماشية للدراسة الجامعية او الماجستير بعد دورة اللغة في جامعة بيروجيا يستحسن ان ترفعي شهايدك معاك باش ما يقعدوش يبعتولك فيهم من ليبيا، الجو مش عارف شني بالضبط في بيروجيا لكنه صقع ومطر في ايطاليا عامة في الشتاء فخودي بالك، وهذا الي اسعفتني الذاكرة بذكره.

في المقابل نبي نسألك على التأشيرة كيف درتي فيها، والله الموفق.

الله يبارك فيك و يفتح عليك ساعدتنى انى نعرف من وين نبدا.
اخشى انى مش حنقدر نساعدك واجد لان المنحة من الايطاليين نفسهم و هما طلبوا منى الاوراق عشان هما اللى حيديرولي التاشيرة (صورتين بخلفية بيضا - الشهادة الثانوية مترجمة للايطالي - تأمين صحي لمدة سنة - جواز سفري) و الاستلام شخصي من طرابلس
ربي معاك و شكرا مرة ثانية

ولا يهمك، موفقة في مساعيك بإذن الله