د الغرياني في استراليا غدا

يسافر بادن الله غدا الدكتور مدير البعثات الى استراليا للأطلاع على مشاكل الطلبة هناك بالتوفيق للطلبة في استراليا وهنيئا لادارة البعثات بهدا الدكتور الفاضل

انشالله يوقع البريد قبل ما يسافر .

انشالله غي كلف حد في مكانه انا بنقدم على التفويض انشالله ماعطلش بس

لأسف ياخوتي دائما التسرع في الردود الدكتور دائما لما يسافر يكلف من نوب عنه وماني قلتها امغير يبقى في الادارة الي كي الغرياني يا خوفي يغيروه وتقولوا ياريت ايامك ي الغرياني يعاودن

الاخ الكريم الحسن محمد
تحية احترام وتقدير
انا احس انك من نشطاء المنتدى ولديك اخبار مفيدة جدا .....فهل من الممكن تفيد اخوانك المعيدين في الجامعات هل هناك بالفعل قرار ايفاد خاص بهم قريبا ؟ وفيه منهم معيد ومتحصل على الترتيب الثاني من 2007 كيف حالتي انا ومازلت لعند توا ننتظر في ايفاد الله يبارك فيك فيدنا باي خبر ولك الاجر وفي ميزان حسناتك ان شاء الله
اخيكم في الله

ان شاء الله بس يا استاذ نا الحسن فيه من ينوب عن الدكتور لان تفويضي ما توقع....وان شاء الله يمشي ويرد سالم غانم.

انشاءالله يرجع بالسلامة

wafia pasha كتب:

ان شاء الله بس يا استاذ نا الحسن فيه من ينوب عن الدكتور لان تفويضي ما توقع....وان شاء الله يمشي ويرد سالم غانم.

**************************************

أختي وافيه فيه واحد مكلف في مكان الدكتور الغرياني اسمه حاتم سلام يقوم بالعمل مكانه وتمشي الأمور إن شاء الله

عدل سابقا من قبل الوحيشي في الثلاثاء 19 أكتوبر 2010, 11:50 pm عدل 3 مرات

لا الفايدة أختي أسماء مش حتحصل لأن فيه فجوة كبيرة عندنا نحن الليبيين كان رخا المدير الطلبة بيطمعوا وكان الطلبة سكتوا المدير بينزل عليهم

فكرتني في شعرة معاوية رضي الله عنه عندما قال لو أن بيني وبين الناس شعرة ما انقطعت إن شدوها أرخيتها وإن أرخوها شددتها

بس شعرة معاوية عندنا إحنا اليوم من الجهة الثانية خلف المراية (المرآة )
وتقبلي تحياتي

لماذا بالله تاخر قبول الدكتوراه فى استراليا شن القصة

عن تجربة شخصية قدمت عالدعم امتاع القبول وقعد مايقارب شهرين وشوى نراجى فى توقيع الغريانى قالو مسافر هداك الوقت والكلام اكيد ومافيش حد يوقع عليه والبريد كان مكدس فى البعتات يستنو فيه امتا بيروح وتوا مقدمة عالدعم امتاع التاشيرة وليه اكتر من شهر ومازال وتوا بعد مابيمشى لاستراليا تبيلا بيش يجى ويوقع البريد كان الله فى عونا

لسلام عليكم
اختى 2006 ارجو انك تمشي بنفسك للبعثات لان الورقتين يمكن انك تاخذيهم فى نفس اليوم وهذا ما حصل معى بصراحة ارفعى صورة من جواز سفرك وامشي غادي تو ما تروحي الا بيها انشاء الله

اللهم اهدنا الى الخير والى الطريق السليم اللهم اصلح الاسلام والمسلمين
اللهم اهدى ولاة المسلمين الى مافيه خير الرعية
اللهم اصلح احوال الموفدين ويسر لهم اهل الخير لخدمتهم واصلاح امورهم
اللهم وفق الموفدين ووفقهم للاصلاح
اللهم ارزقهم واغفر لهم وارحهم واعطيهم ايمانا ليس بعده شك
امين امين امين

الله يسمع منك ياخوى البحرى ...............أميييييييييييييييييييييييييييييييييييييييين

امين يارب العالمين

بعد السلام:
خيركم هكي إخوتي وأخواتي نشعر بطريفة تعليقاتكم إنكم متشائميين وقلقانيين وخايفيين من المجهول, تصوروا لولا أني نعرفكم مسلمين لقلت كلام تاني,
أني قبل قتلكم أصبروا وإنشاء الله اللي جاي خير لان الله سبحانه مع الصابرين , وبالنسبه للدكتور قاعد جديد ولابد بل إلزاما علينا نجربوه وبالنسبه ليا أني متفائل بيه خير لان من لما إمسك الوزاره والأمور ماشيه, (وربي يوفق الجميع)