نبي نقرا يا ناس

والله نفسيتي ىتعبت ماعاد عرفت وين نقرا او ادا بنقدر نقرا والا شن لازم اندير ومن وين نبدا والوضع كل ماله  يزفت ما يتحسن (استغفر الله) الواحد قريب يتفجر على رحمة والديكم نبي نصيحه

خيرا ان شاء الله شنوا الموضوع بالزبط

بارك الله فيك خوي مسعود على التواصل بس الساحه اللي نحاول فيها تتسكر ما عادش عرفت كيف نتصرف والا من وين نبدى

استغفري ربك وتوكلي علي الله والامور راح تتحسن بادن الواحد الاحد وراح تقري كيف ماتمنيتي ان شاء الله صبرك بس صبرك كلنا في الهواء سواء بس صبر عن صبر بيفرق
تحياتي ليك اختي

يا اختي كلها مضروبة بعصا واحدة ..ربي يفرج عليك وعلينا ..ان شاء الله خير ..ضاقت فلما استحكمت حلقاتها.... فرجت وكنت أظنها لا تفرج

فطمه عبدالقادر كتب:

بارك الله فيك خوي مسعود على التواصل بس الساحه اللي نحاول فيها تتسكر ما عادش عرفت كيف نتصرف والا من وين نبدى

الموضع الصراحة مش واضح بش الواحد يقدر أيساعد لكن فهمت من كلامك انك تبحثي علي قبول جامعي؟ ولا تبحثي علي ساحة للدراسه؟


هل انت موجوده في فرنسا؟ وشنو هو التخصص المطلوب؟

لا انا في ليبيا و بعد محاولات في عدة ساحات اللي ما يقبلش الدبلوم واللي ما يبيش معاك مرافق  واللي بعد خلاص قدمت على التأشيرة جا الرفض  ولما قلت خلاص فرنسا وتأكدت انه يقبل الدبلوم مع مواد استدراكية راسلت الملحقية التقافيه لتوفير القبول كان الرد انه لا يتم توفير قبولات بسبب تدهور الوضع المالي  ومن يومها ما قمت باي اجراء بس قاعدة ونستنى في وضع البلاد يهدي بس مع مرور الوقت والاوضاع مازال مدهورة استغفر الله بس انا فعلا قريبه من اليأس

إن شـاء الله ربي يفرجها عليك ... أني بعد جهزت الملف للتفويض قالوا ما عادش نقبلوا ملفات وربي يسهلها من عنده

استغفر الله  ااعظيم واتوب اليه ربي يفرج علي الجميع

اني ليا اربع سنوات توا الايفاد وكل ما نقدم على جهة تصير فيها حاجة مافيش حاجة تفرح واخر شئ المنحة ومشاكلها واخرها التفويضات واقفات شئ يخليك تنفجري الحق والله ايام القذافي كنا اكثر نظام وصوتنا ينسمع اكثر من توا بالنسبة للموفدين الحق حق ......ومن غير طحلبة

شوفي تركيا هدا اخر حل او اصبري الى حين اشعار اخر