خطوات تصديق الاوراق و فتح حساب في المانيا في السفاره الالمانيه بتونس ...

السلام عليكم اخوتي و اخواتي .... خطوات تصديق الاوراق في السفاره الالمانيه في تونس العاصمه هي ... اول شي اي ورقه تريد انك تصدق عليها لازم تكون مختومه من الخارجيه و الجوده و الخبره القضائيه وتكون مترجمه الي الالمانيه . اي ورقه لكي تصدق لازم تدفع 97 دينار تونسي يعني قرابت ال112 دينار ليبي . و لفتح الحساب تدفع 46 دينار تونسي يعني حوالي 60 دينار ليبي... توا نجو للخطوات ... صور جواز سفرك اكتر من صوره وتكون ملونه . اسحب نمودج من البنك ايلي انت تبي تفتح فيه ( انا فتحت في Deutsche Bank ملاحطه مهمه ( لازم تعبي النمودج بالكمبيوتر مش بخط اليد و متوقعش و متكتبش البلد في اخر الصفحات ( يعني عبي اول صفحه فقط و صفحه التسعيرات والباقي خليه فاضي حتوقع قدام القنصل ). وحط اوراقك والفلوس وبرا من غير موعد لسفاره في منطقه البحيره من الساعه 1 الي ساعه 2 . متوقفش في الطابور لانا الليبين يخشو طول لتصديق بعد ما يفتشوك كويس ( المعامله ممتازه بصدق). وبعدين خش لشباك رقم 2 تلقي فيه ولد يستني من ساعه 1 الي 2 لتصديق وفتح الحساب . اعطي اوراقك الاصليات و معاهم الترجمه الي الالمانيه و خلص علي كل ورقه 97 دينار تونسي ( انا صدقت الشهاده وكشف الدرجات والشهاده الحائطيه جوني قرابه 300 دينار تونسي . وبعدين سلم نمودج البنك وادفع 46 دينار ومعاه صوره لجواز السفر و حيقولك الشخص استني شويه لين يجي القنصل يشوفك و يوقع ويخليك توقع قدامه ... وحيقولك غدوه ساعه واحد 1 الظهر تعال استلم الاوراق كلهم و نمودج فتح الحساب بعد ما يعطيك واصل . تاني يوم برا بالواصل ايلي حيعطيهولك و مع ساعه 1 الظهر خش ومره تانيه متوقفش في الطابور و سلم الواصل متعك لنفس الشباك رقم 2 تاخد اوراقك علي طول.... اول ما تطلع برا لاي بريد سريع تونسي وقبل ما تمشي اخطم اشري ضرف ب 250 درهم واكتب عليه عنوان البنك وابعته حيكلفك (25 دينار تونسي فقط) .... ملاحظه ( لما توصل لسفاره كان لقيت خوتك الليبين يستنو استني معاهم وبعدين زيد برا كلم الشباك رقم 2 بروحك لانا انا صارلي انه سئلت شباب ليبين دكاتره اتنين علي الوقت ايلي يبدو يستلمو الاوراق فيه و بعد ما وصلو لشباك قالو للراجل احنا الاتنين بس بنصدقو ولما سئلهم في ليبين تاني قالوله لا مع العلم اني نهدرز عليهم وسئلهم لمده ربع ساعه و فاتوني لولا ربك كريم راه ضيعو عليا اليوم ( مع احترامي للباقيه الباقيه ) ( المهم كل واحد يعبي بروحه كويس ) ) ..... بالتوفيق لجميع ان شاء الله

بارك الله فيك يا اخي علي هذا علي هذا الشرح المفصل وجزاك الله كل خير وفي ميزان حسناتك ان شاء الله

قداش ياخد يوم ياخوي بش يردو عليك انهم فتحولك حساب

اسف عي التاخير اخي .... ياخد من 3 الي 4 اسابيع بش يوصلك ايميل علي الايميل ايلي انت كتبته في النمودج متع البنك .....

ياخوي بعد فتح الحساب في dustch bank شن ادير بعدها ضروري تحول 8000€ باش يعطوك تاشيرة

السلام عليكم اخي ... اسف علي التاخير... بعد ما تفتح حساب تحول مبلغ يقدر باقل شي 8060 يورو ويفضل يكون اكتر من 8000 يورو ...وبعدين تمشي تقدم في السفاره بعد ما تحصل قبول ...وربي يعاونك

كيفية تعبئة النموووودج بالله ضرووري جميع الخاااانات وارقام المبالغ الي الخانات قداش نحطههم

كيفية تعبئة نموودج فتح الحساب البنكي وين الخانات الي نعبيهم وين الي لاااا ..

اخي العزيز وتبقي الدكري .... عبي النمودج عادي جدا واكتب نفس الارقام يعني عاودهم نفسهم ... اهم شي متوقعش و متكتبش عنوانك في الصفحه الاخيره ...يعني عبي اول صفحه وصفحه الارقام (المبالغ) اكتبهم نفسهم في الفراغ يعني متلا 8040 يورو تكتبها نفسها والتانيه نفس الشي حتي لو كانت 0 تكتبه 0 . والاهم انك تعبي النمودج اون لاين بالكمبوتر مش بخط اليد .... وموفق وربي معاك