نصيحة الله يرحم والديكم

السلام عليكم

يا جماعة الخير انا عندي قرار ايفاد للدراسة بالخارج في تخصص ماجستير ادراة اعمال وقاعد نأجل فيه من سنتين لأني نشوف في وضع المنحة مش كويس عندكم وانا معاي صغار مانبيش نتعبهم معاي بالله عليكم شني صاير معاكم توا هل المنحة ماشية او مزالت الامور تعبانة وسؤال اخر هل المكتب الكندي مزال هو المسؤول عليكم او الامور تغيرت؟. ارجوا منكم شوية نصائح اسأل الله ان ييسر لكم امركم و يحقق لكم مرادكم و يوفقكم...

وعليكم السلام ورحمه الله وبركاته..ربي يفرج عليك ويسرلك امورك يارب..

والله اختي الكريمة امورنا من سيّء الي أسوأ ياريت الزمن يرجع للوراء لكنت قعدت في ليبيا بدل هالبهدلة بس للأسف حصلت في منتصف المشوار لا نقدر نروح ونرمي ثلاث سنوات من السهر والتعب والكد والعناء ولا الحال أسقم وكملنا لينا توة ست شهور كاملات بدون منحة والديون علينا من كل جيهة وكل يوم اتصالات و ايميلات ورسائل الناس تبي فلوسها و الرقم يكبر بسرعه و الحالة النفسية تحت الصفر انصحك اصبري و اطلعي في وضع اقتصادي احسن من اللي موجود الان لانه غربة و قراية و قلة فلوس والله نأكل خبزة يابسة في بلادي ولا البهدلة، نسأل الله لكي التوفيق و تستقر بلادنا قريبا و تطلعي معززة مكرمة وتحققي كل أحلامك ، تحياتي