ILETS target band 7)لكل مقبل علي امتحان الايلتس

السلام عليكم
هذا الكتاب مفيد جدا جدا جدا به اساسيات امتحان الايلتس وكيفية تحسين الدرجة
ارجو ان ينال الاعجاب
دعواتكم لي بالنجاح والفرج القريب اذا نال اعجابكم
لا تنسوني من الصالح الدعاء فأني محتاجة للدعاء
يارب

وان شاء الله بالتوفيق والنجاح وكتاب مفيد لكل من يبي ايدير ايلتس
مشكورة

بارك الله فيك و جزاك الله الف خير و فتح عليك فتوح العارفين و وفقك
ادعيلي نجيب 7 في الايلتس لان امتحاني قريب

بارك الله فيك ادعولي نجيب 6 ونحصل موعد قريب

السلام عليكم: الى كل من ايحب ايدير امتحان ILETS موعد اقرب امتحان 15/5 بمركز ايليت، كما ان هناك دورة تحضيرية له ابتدأت من يوم 10/3 مدتها 8 اسابيع، ان شاء الله سجلت فيها.

بارك الله فيك ام محمد

اليوم زوجي مشي لأيليت وقالوله يوم 20/3 يفتحوا التسجيل ومفيش تسجيل توا ...كيف سجلتي ياريت تفيديني بارك الله فيك

اني سجلت في الدورة التحضيرية مش الامتحان، وكان تبي نسألك اتفضلي معنديش مشكلة

الله يبارك فيك

بارك الله فيك

بارك الله فيك ام محمد
وان شاء بالتوفيق جميعا

بارك الله بك اختي رنا انا كنت نحسابك تقصدي الإمتحان

انا مشيت للقنصلية باش ندفع الفلوس لأني سجلت للأمتحان في تونس في نص 5 ولكن سبحان الله لقيت شخص كيف الغي حجزه في نفس الموعد في طرابلس فسجلت بداله ولله الحمد وقالتلي الموظفة معلومة ما كنتش نعرفها ان الأيلتس متاع القنصلية انجليزي ومتاع ايليت ايرلندي ...احيانا ممكن اللي اخذ الإيرلندي تواجه مصاعب في قبول النتيجة البعض لا يقبلها ....احببت ان الفت نظركم لهذه النقطة

Rana-$-Ca كتب:

السلام عليكم: الى كل من ايحب ايدير امتحان ILETS موعد اقرب امتحان 15/5 بمركز ايليت، كما ان هناك دورة تحضيرية له ابتدأت من يوم 10/3 مدتها 8 اسابيع، ان شاء الله سجلت فيها.

لو سمحت يا اختى Rana أين يقع مركز ايليت وهل بدأت الدورة

صلاحية  IELTS سنه وحده

على حد علمي انه سنتين ولكن من الأفضل الدخول على موقع القنصلية وسؤالهم وغالبا تجده في الأسئلة المتكررة

السلام عليكم: اخت maab مركز ايليت طرابلس لو انت جاية ومصرف الامان الرئيسي قرجي على ايديك اليسار كملي طول لزنقة السيمافرو تاخدي الشارع اللى على اليمين وطول تقريبا اتفوتي حوالي خمس زنقات اتجيك الفيلا على اليسار في بداية الزنقة، والدورة هذه تحضيرية للأيلتس بدأت من 3/10 مدتها 8 أسابيع يومين بالاسبوع، وتوا نسألك امتى بيفتحوا التسجيل مرة اخرى، وعلى العموم هذا تليفونهم 4779559، 4780013.

omer Ali كتب:

السلام عليكم

لو درت امتحان الايلس كم صلاحيته

وعليكم السلام

الآيلتس صىلاحيته سنتان ...

laina كتب:

صلاحية  IELTS سنه وحده

 اسفه فقد تعديل صلاحيته امتحان الايلتس سنتين
تأكد من ورقه امتحاني مكتوب عليه عليه سنتين
انا كان نعتقد ان توفل سنتين والايلتس سنه

قداش تكلفته الكورس التحضيري متع الايتلس في طرابلس اللي مدته 8 اسابيع ؟