نصيحة للجميع

صدقوني والله نصيحة
ماعاد عرفنا من انصدق واحد يشكر ولاخر ايدم
نصيحتي
بالنسبه للامتحان تحديد المستوي لاوكالة ولاسوق خضرة ديروا الامتحان ابروحكم اون لاين بعد اتراسلوا الجامعة والله راسلوا الجامعات ابروحكم ياشباب وقبل هدا كله ابحثوا عن حد يقرا برا ويقوللكم وين تقروا ولا القبول بزنس علي حساب الطالب هبلونا بكثر الراي
خودوها نصيحة والله القرايه ساهلة ان كنت جاد ياطالب
وعندي ليكم خبر مفرح جداااااااااااااااااا
اللي قالوله 60 اسبوع لغة عادي د . الفاضل الفاخري قاللهم مددوا للطلاب عادي وزيدوهم بالاكاديمي 6 اشهور
الله يبارك فيه
وياشباب راسلوا الجامعة بروحكم بلا وكالة والله احسن والتاشيرة ساهل اتجيبوها بروحكم من مصر

بوركت وجزيت خيرا أخي

طيب كم تاخد التاشيرة وقت لو قدمت علاها بروحى .... وك تاخد وقت لو عن طريق وكالة

السلام عليكم
بالنسبة للتأشيرة
بعد يجيك القبول الاكاديمي واللغة تاخديهم ومعاهم رسالة الدعم المالي لغرض القبول وطبعا مترجمة للانجليزي وصورة جواز السفر العربية والانجليزية وترسليهم للمكتب الشعبي الليبي في استراليا انا ماعندي موقعهم بس تلاقينه بالمنتدي طلبا ل coe من المكتب الشعبي وتبعتي معاهم الايميل الخاص بيك وانت وحظك مرات اسبوع او عشرة ايام باش ترد عليك ايمي بالمكتب وترسلة ليك
بعد يوصل coe تحجزي وتسافري لمصر
ومعاك الاوراق المطلوبة وهي
الشهاد

افادة التخرج وبيان المواد الدراسية مترجمة للعربي وعليهم ختم القضائية والخارجية
وجواز السفر
وحاله جنائية مترجمة
وشهادة ميلاد مترجمة
والقبول الاكاديمي واللغة و ورقة coe
وراك تنسي ورقة الدعم المالي لغرض التاشيرة
و مبلغ مالي يصل الي 250 دولار
وفيه واحد نعرفة خدوا منه اكثر
ميزة انك تمشي بروحك صح تكاليفا عالية بس تجيب التاشيرة اسرع
هدا اللي عرفته من صاحب


ونوصيك زيدي اسالي اكثر


بالتوفيق

مشكور .... بس كم تاخد وقت التاشيرة