ماهي ماركات النقالات المستعملة في امريكا

السلام عليكم

سمعت أن النوكيا غير متداولة في أمريكا وأن كل شركة إتصالات تتعامل مع ماركة معينة من النقالات مثل موتورولا .. ياريت التوضيح من الإخوة الموجودين حاليا في الساحة الأمريكية وهل من الافظل ان أقتني جهازي من ليبيا أو من هناك ؟؟

وعليكم السلام...

ان ع الاحتياط جيب جهازك معاك مفيش داعي تشري واحد جديد من ليبيا ..في حالة خدملك انت الرابح في حالة مخدمش دسه و خود واحد تاني من امريكا على حسب الشركه الي بتاخد منها شفره..حتلقى خيارات في الاجهزه بعروض مختلفه..
انا احضرت معي اجهزتي كلها وخدم واحد بس nokia n86 حتى البيله مباش يخدم ولا ملك النوكيا..وعلى العموم النوكيا مش ماشي هلبه هني .....عندهم موتوريلا وبلاك بيري واى فون.......
بالتوفيق

بارك الله فيك أخي alous2030

وعليك السلام اخي عماد

بالنسبة للتلفونات.. لو عندك نوكيا كويس جيبه معاك... هنا تلفوناتهم مش توب. يعني اي تلفون عادي ورخيص ويركزوا على الكي بورد... لان المسجات اكثر استعمالا هنا (للتوفير).
والتلفونات الكويسة غالية اشوي واحيانا تشترط انك اتوقع عقد معاهم. فالأفضل اتجيب تلفونك من ليبيا.

كل التوفيق

السلام عليكم

والله أنا توا قاعد من غير تلفون لان جهازي عاطل ونبي نشري واحد بس أنا شهر 2 مسافر وزي ما عارفين السوق الليبي مليان غير بالنوكيا والسامسونق ... مافيش موتورولا .. الموجود htc, i phone, blackberry
فياريت لو السامسونق يمشي قولولي وأي موديلات من النوكيا ؟وبعدين هل htc يستعملو فيه في أمريكا؟

ما نفهمش في التلفونات هلبا لكن اللي نعرفه ان الناس تشري من امريكا و تبعث الى ليبيا ، بالنسبة لدعم التلفونات تقدر تشوف مواقع الشركات الأمريكية و تشوف هل يدعموا تلفون معين.
معظم الليبين مشتركين في التي موبيل تقدر تشوف موقع الشركة. دير دورة على التلفونات و البلان اللي عندهم.
http://www.t-mobile.com/
لو تبي تعرف سعر اي تلفون من السوق بدون عقد شوف الأمازون
www.amazon.com

الله يفتح عليك وبارك الله فيك أخي المهندس الليبي المعلومة كافيه ووافيه

توا معليش ياخوي معاش عندك شئ الا التليفون ,,,,,,
انت خلي تركزيك في الاوراق والتراتيب المهمة توا وبالنسبة لتليفون ما عندكش فيه مشكلة حتي نوكيا البيلة يمشي حالة في امريكا ويخدم زي الشيك .....
وفيه مثل جديد يقول " انت غير تعال ياالعزيز وخلي برنامج التليفون عليا اني " ركزلي بس في الاهم ,,,
وانشاء الله بالتوفيق يا خونا......

وفّق الله الجميع إلى كلّ خير