التاشيرة الانجليزية من تونس

كشف الحساب بالعربي او الانكليزي
واقل مبلغ ممكن يكون فيه قداش بالله

اول شي سامحوني في حاجه نسيتها في الاوراق المطلوبه
للتاشيره الغير قابله للتجديد تدفع 187 دينار تونسي تقريبا
واللي تقبل التجديد تدفع اكثر من 400 دينار تونسي بشويه .. نسيته المبلغ بالتمام كم
@اعتدال
و عليكم السلام
اختي شوفي ... انتي تقدري تقدمي ومش حـــ يقولولك لا ... بس اكثر الناس الي صارلهم رفض كان هذا السبب ... لأن لما تفكري في الموضوع، شخص يبي يدرس لغه .. ما أعتقدش انه بيحتاج اكثر من 11 شهر كحد اقصى ... و لو عندك قبول جامعي لازم بيكون عندك درجه كويسه في الايلتس والا ما كنتيش حصلتي قبول ... فــــ اني ننصحك تاخدي قبول مدرسة لغه 6 شهور .. يعطوك تاشيره 8 او 9 او 10 شهور ... بعد هكي تقدري تديري قبول جامعي وتروحي لـــ ليبيا تديري تاشيره قابله للتمديد حتى 5 سنوات .. وان شاء الله بالتوفيق
@Libi
كشف الحساب كيف ما يطلع من المصرف بالتمام هوا تقريبا عربي وانجليزي فيه
كم اقل مبلغ هاذي صعبه شويا لاكن لو حساب متحرك وفيه 20 الف ليبيات او اكثر اعتقد انه كويس .. وطبعا كل ما اكثر كل ما احسن

مصطفى شيتاو كتب:

انشاء الله ربيى ايسهلك يا اصابعي واعلمنا بالتطورات الجديدة

خوي انا نبي تاشيرة لي ولاختي هل ضروري تاتي معي اختي الي تونس ارجو تعطيني اجابة اكيدة

لو اني عندي 4 في الايلتس ونبي ناخد تاشيرة هل يمكن ان نتحصل على تاشيرة مع مرافقين ولا لازم قبول اكاديمي

اخ حمزه يوسف,

اكيد لازم تكون معاك ,, كل واحد باوراقه الخاصه بيه و في نفس الوقت بياخدوا منكم البصمات..

شنبيرة77
والله الحق هادي ما نعرفهاش ... لان في الابليكيشن فيه اسئله علي مرافقين .. واللي نعرفه انه قبول لغة ( تاشيره غير قابله للتجديد ) من غير مرافقين والله اعلم سامحني خوي

بالله لو فيه شخص عنده اجابة شافية بخصوص التاشيرة من نوع extended student visitor visa لكورس اللغة entensive english course بخصوص التمديد داخل المملكة او تغيير نوع الفيزا و كدلك بخصوص اصطحاب المرافقين حيث يوجد في الابليكيشن فورم الخاصة بهذا النوع من الفيزا ا vaf 1dستفسارات عن المرافقين المراد اصطحابهم و كذلك خانة لادراجهم و يمكنكم مراجعة موقع الهوم اوفيس

محمد لاصيبعي كتب:

اخ حمزه يوسف,

اكيد لازم تكون معاك ,, كل واحد باوراقه الخاصه بيه و في نفس الوقت بياخدوا منكم البصمات..

شكرا اخي محمد بارك الله فيك تقدر تذكرلي الاوراق لو سمحت انا عندي دعم مالي وقبول اكديمي شن يبو اخرة

هل تحصلت على ما يعرف باكاس نمبر CAS number?
يجب الحصول على هدا الرقم قبل التقديم .. بعدين القرايه حتكون للغه و الا الماجستير؟ يعني القبول الاكاديمي الي عندكم مشروط او غير مشروط؟

بالله سوال تاني وبارك الله فيك

لو بنروح لليبيا بعد تقديم الجزاز السفر مباشر حسب كلامك ياخوي يسمحولي بناخد جوازي مباشر اذا صورت كل الاوراق

سوال هل التصوير لجميع محتويات الجواز ملونة او عادية

ايه يسمحولك بسحب الجواز و هذا الي صار معاي على ان يكون التصوير لكل الصفحات... طبعا التصوير بيكون غير ملون

مشكور ياخوي و الحمد الله لان الواحد وراه عائلة وصغار يقروا مايقدر يقعمز في تونس و الميزانية كذلك لاتسمح بالبقاء في تونس

السلام عليكم
هل الاستمارة وكشف الدرجات يطلبو فيها علي التاشيرة البريطانية او لا ؟
او القبول الاصلي للغة فقط؟

الحمد لله تحصلت على قبول اكاديمي من جامعة شافيلد وقبول تاني اكاديمي من نيو كاسل ... هل التاشيرة البريطانية يمكن الحصول عليها من طرايلس والا مزال

تانيا بالنسبة الى كشف الحساب هل تكفي رسالة الدعم المالي للتاشيرة

السلام عليكم انا عندى قبول لغة واكاديمى لما بنقدم على التاشيرة لبريطانيا بنقدم على اى نوع وتانيا يعطوك التاشيرة للمدة كلها مدة اللغة والاكاديمى والا مدة اللغة وبعدين تمدد للاكاديمى وشكرا

محمد لاصيبعي كتب:

هل تحصلت على ما يعرف باكاس نمبر CAS number?
يجب الحصول على هدا الرقم قبل التقديم .. بعدين القرايه حتكون للغه و الا الماجستير؟ يعني القبول الاكاديمي الي عندكم مشروط او غير مشروط؟

اخي القبول الي عندي مشروط والكيس نمبر حصلة عليه من موقع WorBridge هو المطلوب والا لا وشن نوع تاشيرة المرافق

الكاس نمبر يا خوي يعطهولك الجهه الي بتقرا فيها.. انا مثلا الجامعه الي محصل منها على القبول بعثتلي الكاس نمبر.. لو القبول الاكاديمي متاعك مشروط معناها لازم تقدم على التأشيره بقبول لغه,, و فيه نوع خاص بفيزة المرافق..

شكرا اخي ممكن تكتبلي نوع تاشيرة المرافق............... tier 4 والا لا

نبى نسال هل الجامعات البريطانية لازم يكون عندك ايلتس والا توفل علشان تقبلك والا لا اذا كنت خريج طب والا تحصل قبول لغة الاول وبعدين قبول اكاديمى

lmoon
لازم تقدمي على الفيزا (Tier 4 (General) student) يا اما بأوراق كورس اللغه و الا الكورس الاكاديمي,, ما تقدريش تقدمي على فيزه تغطى مدتها الكورسين في نفس الوقت , و صلاحية الفيزا في العاده تكون ( مدة الكورس الي بتقريه و هذا موجود على ورقة القبول + 3 او 4 اشهر)
DALAL
تقدري تقدم على الجامعات حتى لو ما عندكش لا ايلتس لا توفل, و لو تم قبولك سيكون القبول مشروط بدرجه معينه في الايلتس, لو بعد وقت حصلتيها , تراسلي الجامعه و تغيرلك القبول الى غير مشروط.

يعني اي طالب موفد يبي يقرا في بريطانيا يجب عليه

1. التقديم على قبول اكاديمي و في العاده يكون مشروط , الحصول على القبول شرط من شروط ادارة البعثات حتى ينهي الطالب اجراءاته .
2. التقديم على قبول لغه و هذا سهل جدا
3. التقديم على تأشيره عن طريق قبول اللغه
4. السفر و دراسة اللغه الى حين الحصول على الدرجه المطلوبه في الايلتس.
5. الالتحاق بالدراسه الاكاديميه..

Tier 4 (General) student لازم تقدم انت من خلال الابليكشن هدا
Points-based system dependant و هدا الابليكشن للمرافق متاعك

فيه بعض الشروط الواجب توفرها في الكورس الي بتقدم على التأشيره من خلاله باش تقدر تقدم على فيزة المرافق,, منها ان الكورس يكون اكثر من 6 اشهر,, شوف الموقع هدا فيه توضيح وافي
http://www.ukcisa.org.uk/student/info_sheets/your_family.php#definition

و الموقع هدا فيه الابليكشن الي تعبيها للمرافق (VAF10).. تلقاها على الايمين في صيغة بي دي اف و تلقى معاها ملف اخر للارشاد ..

http://www.ukba.homeoffice.gov.uk/visas-immigration/partners-families/migrant-workers-students/

باهى لما بنقدم للتاشيرة يا خوى محمد بقبول اللغة معناها المرافق مش حيمشى معاى لانهم حيعطونى تاشيرة زائر كيف الحل؟

الكورس متاعك لازم يكون لاكثر من 6 اشهر و يقدر يمشي معاك

الف مبروك اخى محمد,
الكورس متاعك لازم يكون لاكثر من 6 اشهر و يقدر يمشي معاك
شنى تقصد ؟ انا عندى قبول لغة 11شهر هل اقدر اخد زوجتى وصغارى مش فيزا زائر يعنى يقعدوا معاى لحين انكمل اللغة ونجدد من ليبيا ارجوك اخى التوضيح