وعليكم السلام ورحمة الله وبركاته
اخى بداية ياريت اتوضحلى انت ماجستير او دكتوراة؟ عموما الجامعة اللى انى ندرس فيها عندهم ماجستير ودكتوراة جيولوجيا ..هذا الرابط امتاعها ..لو هذا هو اللى انت تبيه...معناها مافيش مشكلة ممكن الحصول على قبول لغة مبدأئيا وبعدين لما اتجى هنا اتقدم عالأكاديمى.هذا اللى درته انى...الا لو عندك توفل او ايلتس جاهز اضافة الى اى اختبار آخر يمكن يطلبوه ...المهم الجامعة فيها معهد لغة متكامل اضافة الى فرع من معهد الكابلان للغات ويعطى دورات واختبارات اللغة المختلفة.....
http://casgroup.fiu.edu/earthenvironment/pages.php?id=183
بالنسبة للمدينة ..المدينة كبيرة جدا وفيها كافة الخيارات يعنى فيها مناطق اغلى من مناطق على حسب..بس عموما ما لقيتش هذاك الغلاء فى الأسعار يعنى كويس ..خصوصا لو كنت بدون عائلة يعنى اتمشى امورك تمام التمام وبالراحة ..بس حتى لو عندك عائلة حتلاقى اماكن مناسبة للمعيشة نتيجة للتعدد فى الخيارات زى ما قلت...بالنسبة لوجود الليبيين ...عدد الليبيين فى ميامي مش كبير يعنى حاليا نعرف حوالى 10 ليبيين بس العرب فيها حدث ولا حرج خاصة الخليجيين ...الجامعة معترف بيها من البعثات والمكتب الكندى وهى جامعة كويسة عندها حرميين جامعيين واحد فى شمال المدينة والتانى فى جنوبها يعنى كل حرم فيه تخصصات معينة ...اسمها جامعة فلوريدا الدولية ...
لو القيت التخصص اللى تبيه وعجباتك ..ان شاءالله انساعدك فى الحصول على القبول..ولو ما عجباتك ...فيه جامعات اخرى ممكن انشوفهملك هنا او فى مدن تانية ...وان شاءالله موفق