كل مايتعلق بتأشيرة طالب زائر وتأشيرة سائح

السلام عليكم
جواب من اهل الخبرة هل هذا النوع من التاشيرة هو تاشيرة سياحية لمدة 6 شهور
General visitor single /double and multiple valid up to 6 months

reda_26899 كتب:

السلام عليكم
جواب من اهل الخبرة هل هذا النوع من التاشيرة هو تاشيرة سياحية لمدة 6 شهور
General visitor single /double and multiple valid up to 6 months

وعليكم السلام
نعم ولكن من سيتقدم عليها لأن المرافقين لايستطيعوا التقديم عليها ونسبة الرفض فيها عالية
http://www.almofad.com/t11080-topic

السلام عليكم ورحمة الله وبركاته..
عندي خالي في بريطانيا ويبي يرسللي دعوة لزيارة بريطانيا
كم يحق لي البقاء في بريطانيا وهل استطيع ان ادرس بها لغة ..
والسلام عليكم

ضاوي الضاوي كتب:

السلام عليكم ورحمة الله وبركاته..
عندي خالي في بريطانيا ويبي يرسللي دعوة لزيارة بريطانيا
كم يحق لي البقاء في بريطانيا وهل استطيع ان ادرس بها لغة ..
والسلام عليكم

وعليكم السلام ورحمة الله

اطلع على الصفحات في هذا الرابط
http://www.almofad.com/t12416-topic

مشكور خونا ابومحمد على اهتمامك وانشالله تكون في ميزان حسناتكم كل ردودك الكافية والوافية والشافية على كل الاخوة السائلين ..
سائلين الله ان تكون ذخر لكم يوم السؤال

هل صحيح انا تأشيرة طالب زائر لا تنعطى مرتين متتاليتين لانى فى بريطانيا بتاشيرة طالب زائروبنتهى فى بداية شهر5مع العلم انى نقرا فى كورس International trade ومازال مكملتاش ومش حنصل الدبلوما على هدا ولو المعلومة اكيدة انا التاشيرة طالب زائر لاتعطى مرتين متتالتين يرات حل مضمون يمكن يساعدنى فى هدى الحاله نقدم على تاشيرة اخرى متلا تير 4 مع انى حصلت معاهد لغة انجليزى Highly trusted وقالى نعطيك كاس نبر لدورة Buisness English  قى العشيا ومستوى انجليزى عندىpet من كمبردج والله احترت وانا خايفة من العمل لانه التكالبف على حساب الشركة وعلى اساس سنة مش نرجع فى نصف المدة ومن غير شهادة  والله احترت ؟

عدل سابقا من قبل Abu Mohamed في الأحد 27 أبريل 2014, 1:59 pm عدل 1 مرات (السبب : كتابة إنجليزية بحروف عربية قد لايفهمها الجميع)

EME LIBYA1982 كتب:

هل صحيح انا تأشيرة طالب زائر لا تنعطى مرتين متتاليتين لانى فى بريطانيا بتاشيرة طالب زائروبنتهى فى بداية شهر5مع العلم انى نقرا فى كورس انترنشنول تراد ومازال مكملتاش ومش حنصل الدبلوما على هدا ولو المعلومة اكيدة انا التاشيرة طالب زائر لاتعطى مرتين متتالتين يرات حل مضمون يمكن يساعدنى فى هدى الحاله نقدم على تاشيرة اخرى متلا تير 4 مع انى حصلت معاهد لغة انجليزى هايلى تراستد وقالى نعطيك كاس نبر لدورة بسينس انجلش قى العشيا ومستوى انجليزى عندىpet من كمبردج والله احترت وانا خايفة من العمل لانه التكالبف على حساب الشركة وعلى اساس سنة مش نرجع فى نصف المدة ومن غير شهادة  والله احترت ؟

ياريت أختي تكتبي بالعربي الكلمات اللي عندها مرادف بالعربي ولو ماعندها أو ماتعرفي مرادفاتها اكتبيها بالحروف الإنجليزية كما هي.


فيه واحد من أسبوع جاي ومقدم على تأشيرة طالب زائر للمرة الثانية وقبلوه ولكن لو تبي الأضمن والأفضل واختصارا للوقت لو بتجددي يعني تقدري تجددي من بريطانيا هو أن تقدمي على تأشيرة تير-4 

والله استاد ابو محمد نقدر نتصل بيك ضرورى منفضلك يمكن نفهمك اكتر لان هنا كل مركز يقولى حاجة ويبونى ندفعلهم وشكرا , والله اسفه لو انى مش عارفه النظام الموقع كويس مع العلم نبى 6 شهور فقط لانى لزم نرجع العمل نهاية السنة .

EME LIBYA1982 كتب:

والله استاد ابو محمد نقدر نتصل بيك ضرورى منفضلك يمكن نفهمك اكتر لان هنا كل مركز يقولى حاجة ويبونى ندفعلهم وشكرا , والله اسفه لو انى مش عارفه النظام الموقع كويس مع العلم نبى 6 شهور فقط لانى لزم نرجع العمل نهاية السنة .

نعم أختي الكريمة لو تبي قبول نقدر نجيبلك قبول دون أن تدفعي شيئا وممكن تراسليني على الخصوص بخصوص القبول وأما فيما يخص هل تقدري تقدمي على التأشيرة مافيش لائحة واضحة تمنع وكيف ماقلت لك أن فيه صديق قدّم وتحصّل على التأشيرة من أسبوع أو أسبوعين

انا بصراحة نبى تاشيرة طالب زائر مدابيه عشان الشركة دافعة المصاريف لللمعاهد كاملة لنتحصل على الدبلوما خوالى 5500 باوند فى البداية المدير متاع المعاهد قالى لو مكملتى قال بمأنى مانفدر نوفر تير4 لكن تقدرى ترجعى وتقدمى تانى فى تاشيرة طالب زائر هى الاشكلية لفهمتها ان لانتمتعى بتأشير طالب زائؤ اكتر من مره فى نفس السنة يمكن هدا لتعرفه قضى فترة 6 اشهر كانت فى نهاية 2013 وقدم عليها فى بداية 2014 وخداها هكى عادى قالولى

EME LIBYA1982 كتب:

انا بصراحة نبى تاشيرة طالب زائر مدابيه عشان الشركة دافعة المصاريف لللمعاهد كاملة لنتحصل على الدبلوما خوالى  5500 باوند فى البداية المدير متاع المعاهد قالى لو مكملتى  قال بمأنى مانفدر نوفر تير4 لكن تقدرى ترجعى وتقدمى تانى فى تاشيرة طالب زائر هى الاشكلية لفهمتها ان لانتمتعى بتأشير طالب زائؤ اكتر من مره فى نفس السنة يمكن هدا لتعرفه قضى فترة 6 اشهر كانت فى نهاية 2013 وقدم عليها فى بداية 2014 وخداها هكى عادى قالولى

نعم هو صح المرة الأولى قدم السنة الماضية ولكن لايوجد إثبات على الكلام اللي تقولي فيه أنه ممنوع في نفس السنة
سؤال خارج الموضوع ما اسم المعهد اللي حتتحصلي على دبلوم منه ب5500 باوند لأن الموضوع شوية مش واضح.

بالعكس كلامك انا يفرحنى لو اكيد مافيش نص واضح  لانى انا الحيرة انا فيها توا كلها بسبب معلومات مش صحيحة انا اقترحت على المدير انا يقول فى رسالة القبول الى بنقدم بيه مرة تانية انى ماكملتش القرايا فلزم نرجع باش نكمل مواصيع البحت حتى نتحصل على الدبلوما وهدا طبعا صحيح والله ياستاد ابو محمد ان شاء الله فى ميزان حسناتك يارب وشكرا على الرد .
اسم المعهد The College of Central London      
http://www.central-college.com/

EME LIBYA1982 كتب:

بالعكس كلامك انا يفرحنى لو اكيد مافيش نص واضح  لانى انا الحيرة انا فيها توا كلها بسبب معلومات مش صحيحة انا اقترحت على المدير انا يقول فى رسالة القبول الى بنقدم بيه مرة تانية انى ماكملتش القرايا فلزم نرجع باش نكمل مواصيع البحت حتى نتحصل على الدبلوما وهدا طبعا صحيح والله ياستاد ابو محمد ان شاء الله فى ميزان حسناتك يارب وشكرا على الرد .
اسم المعهد The College of Central London      
http://www.central-college.com/

نعرف حتى واحد في المنتدى مرة قدم على تأشيرة طالب زائر وتأخر في الإجراءات وممكن صارن له ظروف خلته مايمشي وكانت تاشيرته قريب تطيح فقدم مرة ثانية على تأشيرة ثانية بالرغم أنه لم يسافر بالتاشيرة الأولى ووضح لهم السبب وتحصل عليها.


هذه الكلية في وسط لندن وطبعا معروفة لندن بغلائها في السكن والمواصلات فشنو اللي خلاك تختاريها ؟

ربى يستر برضوا الحاله الحكيت عليها مفيهاش مشكلة لان هو مامشاش ....علاش هدا المعهد قصة طويلة لكن باختصار انا فى دورة تدريبية مدنها سنة فقط وكنت نبحت عن دوره فى التسويق والنقل البحرى وراسلت اكتر من 11 مركز وكلهم يردوا انا ماعندنا كورسات بنفس الموضوع لمدة سنة فقط اقل شى سنتين او يقولولى عندنا ندوات تدريبية لمدة اسبوع اواسبوعين .

السلام عليكم...اني قدمت ع تاشيرة الانجليزية طالب زائر مرتين ونبي نقدم للمرة التالتة ...ماذا تنصحوني يا اخوتي
الله المستعان

عدل سابقا من قبل Abu Mohamed في الثلاثاء 28 أكتوبر 2014, 11:09 pm عدل 1 مرات (السبب : السؤال مكتوب في العنوان فقط)

bengoze كتب:

السلام عليكم...اني قدمت ع تاشيرة الانجليزية طالب زائر مرتين ونبي نقدم للمرة التالتة ...ماذا تنصحوني يا اخوتي
الله المستعان

الأفضل تدير امتحان أيلس وتقدم على تير-4 طالما واخذ طالب زائر مرتين يفترض قاري إنجليزي وتقدر تخش على الامتحان والمفروض أمدايره من فترة.

ياخوي قدمت مرتين والاتنين رفضو وبنقدم لتالت مرة

bengoze كتب:

ياخوي قدمت مرتين والاتنين رفضو وبنقدم لتالت مرة

لو هكي قصدك مافيش مشكلة حتى لو مقدم عشر مرات قبل عادي بس عالج أسباب الرفض كويس هذه المرة عشان مايرفضوك مرة آخرى

المفروض فهمتنا من الأول.

السلام عليكم

انا عندى الايلس المطلوب وزوجى عنده جواز فر انجليزى
وانا الموفده
جيت بنقدم ع تير فور لاصطحاب بنتاى
نصحونى وقالولى فوتيها قدمى ع طالب زائر لكى وسياحيه لبناتك

واذكرى ان زوجك حيهتم بالاطفال اثناء دراستك

شنو رائيكم

asmadent كتب:

السلام عليكم

انا عندى الايلس المطلوب وزوجى عنده جواز فر انجليزى
وانا الموفده
جيت بنقدم ع تير فور لاصطحاب بنتاى
نصحونى وقالولى فوتيها قدمى ع طالب زائر لكى وسياحيه لبناتك

واذكرى ان زوجك حيهتم بالاطفال اثناء دراستك

شنو رائيكم

وعليكم السلام

للأسف اللي نصحك مايفهم في التأشيرة بكل وخليه يوفر النصيحة لنفسه
لو قدمتي أنت على طالب زائر وبنتك سياحية حيرفضوكم أنتم الاثنين بنسبة 99%

مثلما اخبرك ابومحمد التي قدم لك النصيحة سوف تجعل نسبة الرفض عاليه جدا .

بما انك عندك الايلتس ودرجة 4 او اكثر قدمي على كورس اكاديمي تمهيدي برسيشنال

لمدة 6 اشهر كي تتمكني من مرافقة زوجك و اولادك عن طريقة تاشيرة تير4 .

المهم يجب ان يكون مدة الكورس اكثر من 6 اشهر حتى باسبوع .

شكرا على الرد والنصيحه اخ ابو محمد وخالد

المشكله اللى قالى الكلام شخص عنده وكاله فى مجالات القبولات والدراسات الخارجيه لمده 15 سنه

وسبب ان التير فور مشاكلها واجده ومعقده وانتى زوجك عنده الجنسيه

فخودى طالب زائر لمده نه وبنتاك سته اشهر

والله اعلم

السلام عليكم..
كلام الاستاذ ابومحمد 100%..وبالنسبة لصاحب الوكالة كانهو في ليبيا ما تلوميش عليه تلخبط لاننا عايشين جميعا حالة لخبطة كبيرة..
باختصار..
انت قاعدة في جنة وفيها كعك ..
توكلي على الله واحمدي الله وادعي الله يسهل علينا

asmadent كتب:

شكرا على الرد والنصيحه اخ ابو محمد وخالد

المشكله اللى قالى الكلام شخص عنده وكاله فى مجالات القبولات والدراسات الخارجيه لمده 15 سنه

وسبب ان التير فور مشاكلها واجده ومعقده وانتى زوجك عنده الجنسيه

فخودى طالب زائر لمده نه وبنتاك سته اشهر

والله اعلم

كونه أنه يجيب في قبولات دراسية لايعني أنه يفقه في أمور التأشيرة وحتى في مكاتب عديدة في ليييا تعمل في مجال ملأ استمارات التاشيرة وهم للأسف لايفقهون معظم الأمور في التاشيرة وسبق ونبهنا على هذا الموضوع.



التير-4 لعلمك هي أقل التأشيرات مشاكل وأكثر تاشيرة فيها قبول.