الســــــــــــــــــــــــــــــــــــــــلام عليـــــــــــــــــــــــــــــــــــــــــكم

اولا كيف حالكم وسامحونى بنتكلم بليبى
والله امس واليوم كنت فى ادرة البعتات والله الى عار من الاخير معقوله يغيرو ويخلو المواعيد سبت واربعاء فقط للاستلام وللمراجعه

شن معناها اهيا ياسيدى ديرنى انى نسكن فى طرابلس ونمشى ونجى لكن الناس التانية الى ضارب مشوار والى عنده سفر والخ

معقوله المعاملة اهيا الى طلبة ايفاد وطلبة دات مستويات مختلفة والله انى نشوف فيه الا عار من الادارة بتغير اهو واقفين على اساس فى طوايير تى والله الا اردميسة
وشن خدمتهم هما اصلا كلها ادرايه بحتة ويكمن فك الضغط عليهم بزيادة المكاتب والموضفين لا اكتر

مش تلغى كل الايام وتخلى يومين بس وضيف عليهم يوم الى يبى يقابل مدير الادارة

تى لما مشيت امس وقريت الاعلان هبلت لقيت الزحمة والعياط لاحول ولا قوة الا بالله العلى العظيم

باهى نفرض جدلا انه الفكرة مليحة من حيت اقل ساعات شغل لكن السرعه فى الانهاء لكن بطبق وانت ماعندك امكانيات زى المبنى والموضفين والمكاتب

والله ان شاء الله خير وخلاص وليكم الكلمة ياخوتى

كلام غريب وحتي ان كان فيه ثمرة وانجاز باهي لا خايفين يزداد الوضع سوء وانقولوا ربك يستر

لا حول ولا قوة الا بالله الناس تفكر فى طريقة للتقدم وهما يرجعو بينا الى الخلف

غير مادامهم يخدموا بس بركات احنا شعب من يومه متع هم مش متعلم باحترام لا من ولد لبلاد ولا من الغريب ولا متعلم بنظام ولا متعلم بفرح ومن لخير دبما بنقعدوا هكي لان غالبية الشعب فوضوي لذلك خليها تمشي وخلاص وزي مايقولوا كيف مايجيك الوقت تعالاله

Inception @ والله ياخوى نحى عليك اى مسمى رانا خوت من كل مناطقها وكيف منحسش بناس ليبين اولا وتانيا عندى اصدقاء من كل مكان فى ليبيا ويارب يعوضكم خير ياخوى

@محمد كراخلي: والله ماعندى مانقولك جبتهالى من الاخير وزيادة ربك يفرج علينا وانى وانت والكل عارفين هدا الشىء والفوضى وعدم الالتزام لكن الى خلانى نكتب ونعبر انه منضر وتفكير مأساوى بكل ماتحمله الكلمة من معنى لديك اسبوع بحاله وفى مجال البعتات يعنى مجال حساس ويبى قواعد بيانات هائلة لكن على قولتك من يومنا متعودين على الهم والجرى مش جديد علينا لكن هدوم اليومين بزيادة وماعندى مانقول ربى يهدى البلاد ويوفقنا انى نبنوها وان شاء الله خير

بالله سامحونا لو غلطنا راهى فضفضه بين خوت