قفل الساحة الكنديه

فوجئت اليوم من ادارة البعثات بان الساحة الكنديه تم قفلها مع انى جايبتلهم قبول لغه ومقدمه على دعم التاشيره وعطوه ليا الاسبوع اللى فات بس طلع فى خطأ فى سبلنق اسمى فاضطريت الى انى انردلهم ورقه دعم التاأشيره عشان يصلحولى الاسم بس قالولى ان الساحه الكنديه تم قفلها لسببين الاول ان الجامعات الكنديه غلت الاسعار على الليبيين والثانى ان الطلبه الليبيين يقروا لغه وبعدها ما يحصلوش قبول اكاديمي فيغيروا فى الساحه... قلتلهم اذا تم قفلها ليش تعطونى ورقه دعم التأشيره الاسبوع اللى فات... قالولى ان ورقتك مشت بالخطأ وانهم ما فطنولهش مع العلم انى وجدت 4 اشخاص غيرى انا يعانوا من نفس المشكله فى ادارة البعثات فى طرابلس.... مارأيكم هل تم قفلها صح ام حاجه مؤقته مع انهم قالولى ما فيش امل وغيرى الساحه من توا احسن............. هذا الكلام كله صار اليوم فشن رايكم

انا ان شاء الله نبي نقدم علي التاشيرة الايام القادمه للساحه الكنديه

يافرحة ماتمت

شنوا الافراح والانجازات والبشائر الي تهل علينا في هالشهر الكريم

صح انا تخصصى طبيه بس فتحوها لنا من شهر 2 اللى فات وعطونى دعم مالى راسلت بيه الجامعات وتحصلت على قبول وبعدها قدمت على دعم التأشيره وعطوه ليا بس فيه خطأ بعد ما رديته قالولى قفلناها هى وامريكا للتخصصات الطبيه ..............المشكله انهم شن خلولن مصر ولا ماليزيا اللى بالهون ولا بريطانيا اللى التأشيره تبي ايلتس 4.5

القرار الي شفته انهم سكروه ع التخصصات الطبية فقط

رحلة عمري الله يخليك زيدي تأكدي لان معش عندي عزم ولا صبر

والله حاسه اني عندي سحر فى الايفاد كل ما اقول هانت اتسيرلي مصيبه

والله المستعان علي ما تصفون

غريب عجيب

الناس تسهل في الامور

والبعتاث تعقد فيها

ياااااااااااااااااااااااارب انصر المظلوم على الظالم

لا حول و لا قوة الا بالله العلي العظيم

باهي كيف الحل توى ؟

فرحه ما تمت لا حول و لا قوه إلا بالله العلي العظيم

هادي صوره من القرار


http://www.almofad.com/t10496-topic#80503

الأمل في الله و ما يصعب عليه شي يا لوزا ..إنشاالله ربي ايقدر إللي فيه الخير و خلاص ..بالتوفيق يارب..أحسن ساحتين للتخصصات الطبيه ..ربي ايعوض علينا خير انشاالله.

شكرا يا otman ali هذا وين تاكدت انه صح كنت انحس فيه كلام وخلاص

عفوا يا رحلة عمرى و ربي ايسهل علينا رحله هالإيفاد إنشاءالله.

الله غالب فعلا شي يحرق ....

بس سوري انتي ماحدتتيش ف الموضوع انه خاص بالتخصصات الطبية لذلك صار خلط عند البعض

ان شاء الله ربي ايقدر الي فيه الخير

هذا المقصود به تفعيل القرارات الصادرة فى 2012 ولم يشير الى جميع القرارات السابقة او القديمة من 2009 الى 2010
والله اعلم

خوي حمودي إنت متأكد من كلامك؟؟؟؟؟؟؟؟



بالله عليك لو مش متأكد قول مش متأكد

لو فيه إمكانية تستفسر زيــــــــــــــــــــــــــــــــــــن و تأكد لنا ,,,أكد لنا الله يرحم ولديك

وبالتوفيق للجميع

جيبوا قبول اكاديمي واقطعوا عليهم الطريق حتى كان خذا شهر شهرين مش مشكلة المهم تعبكم لول مايرحش

ان شاء الله خير

هذا القرار صادر على جميع القرارات السابقه لانهم فى الاول قالولى ما ينطبقش على قرارنا نحنا فى 2008 قرار 628 وبعدين قالوا هذا القرار ينطبق على جميع طلبة التخصصات الطبيه فى جميع القرارات السابقه وهذا الكلام من طرابلس والله اعلم هما كل يوم يحكوا شكل

وحاولنا انجيبوا قبول اكاديمى بس ما قدرتش لان الجامعات تطلب يا توفل يا نقرا عندها سنه لغه وبعدها تعطى القبول الاكاديمي

والله غالب والحمدلله على كل حال