الرجاء المساعدة استفسار هام جدا

السلام عليكم شباب نبى نسال عن شى تاشيرة الطالب ممكن نطلع بيها من كندا يعنى انروح ليبيا وبعدها نرجع ولا نحتاج تاشيرة ثانية ياريت اى حد جرب من قبل او عندة معلومة ايساعدنا بجواب وبارك الله فيكم شباب
بتوفيق لجميع

تستخدم التأشيرة مرة واحدة فقط الا اذ كان عندك تأشيرة متعددة الدخول

ياريت يا خوي حسن تعطينا معلومات أكثر تفصيلا لأن حتى انا نبي نعرف شن الواحد ممكن ايدير لو حاب يروح زيارة لليبيا وهو عنده تأشيرة طالب ؟

وعندي سؤال ثاني بعد إذنك لو شخص عنده رخصة قيادة دولية و جابها معاه لكندا كيف يقدر يسوق سيارة عادي في كندا (...يعادلها بالرخصةالكندية ) خصوصا مقاطعة اونتاريو؟

الحق هني كل واحد يقوللنا في حاجة ولما شفنا اونلاين لقينا لازم الرخصة تتم مصادقتها من السفارة الليبية مع توضيح قداش خبرة السائق

لو عندك تفاصيل ياريت تجاوبني ...مشكور مسبقا

اعتفد ان الرخصة الدوليه صالحة لسنه واحدة فقط.... و لايمكن معادلتها بالرخصة الكندية لعدم وجود اتفاقية لمعادلة الرخص بين ليبياو انتاريو كما هو المعمول به بين الدول الأوروبية مثلا. ولكن يمكنك الحصول على رخصة جى1 و جى2 بعد اجتيازك امتحان القيادة كتابتا و سياقة..... بالنسبة للخروج و العوده لابد ان تتقدمى على تأشيره عودة الى كندا قبل سفرك الى ليبيا و ذلك عن طريق احدى القنصليات الكندية فى الخارج (فى بفلوا - امريكا) مثلا.... والافضل عدم الخروج من كندا من غير تأشيره الدخول. وهى تختلف عن اقامه الطالب التى تجدد سنويا تقريبا... هذه المعلومة قديمه نوعا و لكن لا اعتقد اى تغير حصل عليها

Can you check this Mr. Saleh?

http://www.drivetest.ca/en/license/OutOfCountryDrivers.aspx

thanks

اولا أكيد الرخصة الليبية لا يمكن معادلتها و عليك اجراء امتحان قيادة للسياقة فى كندا.. الرخصة فى انتاريو تعتمد على نطام التدرج (جى1, جى2, جى) .. الميتدئ يٌعطى جى1 ولا يمكن القيادة بها الا برفقة شخص يحمل جى ولا يمكن القيادة بها فى الطرق السريعة...بعد 12 شهر يؤهل حامل جى1 لدخول امتحان جى2.. و حامل جى2 يمكنه القيادة من دون مرافق و يجب على حامل جى2 اجراء امتحان جى فى مدة اقصاها 4 الى 5 سنوات و الا يفقد رخصته حتى يتحصل على على جى. بالنبسبة لك اذا لم يكن لك خبرة قيادة فسيٌمنح لك جى1. وان كان لك خبرة قيادة اكثر من 12 و اقل من 24 شهر مثبوتة برخصة ليبية مع الترجمة فلك الحق فى الدخول لامتحان جى2. و ان كانت خبرتك اكثر من 24 شهر فلك الحق فى الدخول لامتحان جى...امتحان جى اصعب بكثير من جى2... لذا انصح بالحصول على جى2 وبعد ان تكتسبى خبرة قيادة فى كندا يمكنك اجراء امتحان جى