السلام عليكم ورحمة الله وبركاته
بصراحة بعد ما تعبت وراء الاختام وتعددها وشروطها حبيت نكتب الموضوع هذا عسى ان يستفيد به الطلبة قبل سفرهم.
قبل ما تمشي للسفارات الاجنبية وخاصة السفارة الكندية والامريكية يجب أن تصحب معك اوراق مهمة مثل إفادة التخرج وكشف الدرجات وعقد الزواج وغيرها .. المهم: هذه الاوراق يجب ان تكون مختومة من بعض الوزارات وهذه الاختام مهمة.
خارطة الطريق لهذه الاختام كالتالي:
1- عقد الزواج:
- أولا تأكد من انه مختوم من المحكمة الجزئية والابتدائية (لازم المحكمتين) الموجودات في مدينتك.
- تمشي بعدها لوزارة العدل (مكانها في الفلاح جنب الشيل القديم) وتختمه غادي.
- بعدين تمشي للخارجية (مكانها في النوفليين خلف سوق النوفليين) وتختمه هو والترجمة متاعه.
2- افادة التخرج وكشف الدرجات:
- أولا تأكد من انهم مختومات من عميد الجامعة ومن المسجل العام للجامعة متاعك.
- بعدين برا اختمهم في الجودة (مكانها جنب جامعة ناصر).
- بعدين برا اختمهم في القضائية (مكانها جنب فندق الودان).
- بعدين برا للخارجية وهي اخر محطة.
للعلم يجب مراعاة الترتيب في الاماكن لان مثلا اذا مشيت للخارجية هي الاولى رح يقولوك برا للعدل وبعدين ارجعلنا وهكذا.
اللي عنده معلومة اضافية يفيدنا بيها وجزاكم الله كل خير.
بصراحة بعد ما تعبت وراء الاختام وتعددها وشروطها حبيت نكتب الموضوع هذا عسى ان يستفيد به الطلبة قبل سفرهم.
قبل ما تمشي للسفارات الاجنبية وخاصة السفارة الكندية والامريكية يجب أن تصحب معك اوراق مهمة مثل إفادة التخرج وكشف الدرجات وعقد الزواج وغيرها .. المهم: هذه الاوراق يجب ان تكون مختومة من بعض الوزارات وهذه الاختام مهمة.
خارطة الطريق لهذه الاختام كالتالي:
1- عقد الزواج:
- أولا تأكد من انه مختوم من المحكمة الجزئية والابتدائية (لازم المحكمتين) الموجودات في مدينتك.
- تمشي بعدها لوزارة العدل (مكانها في الفلاح جنب الشيل القديم) وتختمه غادي.
- بعدين تمشي للخارجية (مكانها في النوفليين خلف سوق النوفليين) وتختمه هو والترجمة متاعه.
2- افادة التخرج وكشف الدرجات:
- أولا تأكد من انهم مختومات من عميد الجامعة ومن المسجل العام للجامعة متاعك.
- بعدين برا اختمهم في الجودة (مكانها جنب جامعة ناصر).
- بعدين برا اختمهم في القضائية (مكانها جنب فندق الودان).
- بعدين برا للخارجية وهي اخر محطة.
للعلم يجب مراعاة الترتيب في الاماكن لان مثلا اذا مشيت للخارجية هي الاولى رح يقولوك برا للعدل وبعدين ارجعلنا وهكذا.
اللي عنده معلومة اضافية يفيدنا بيها وجزاكم الله كل خير.
