الموقع الالكثروني " الراقي لادارة البعثات وخدماته

لما يقولولك ان ادارة البعثات عندها موقع على شبكة الانترنت تفرح
وتطير من الفرحة لان خلاص معادش حيكون فيه ازدحام ونفح وفدد ... لاكن في
الحقيقة عندما تزور هذا الموقع على الانترنت شنو تلاقي ؟؟؟؟

1- ههههههه واجهه الموقع جدابة والخطوط حلوة
2- اول ماتفتحه تلاقي صورة الطاهر بن طاهر ماد وجهه بنظرة تعصبية ههه ويدكرك بصور القردافي الى كان معلقهم في كل زنقة
3- تشوف جو التسمية والاقسام المتنوعة لاكن لما تضغط عليه كلك بعدها تخبط راسك بالحيط هههه
4- قوائم و ملفات وصفحات ملخبطة ماتعرفش هذا لمن هذا
5- والى تقهرك اكثر .. موظفي ادارة البعثات يقولولك برا خش على موقع الادارة وتو تلقاهم غادي هههههه

بالله عليكم

كم يحتاج من الوقت والمال لتصميم موقع راقي يقوم بخدمة الطلبة على مستوى عال ؟؟؟

يحسسوك انه يبي عباقرة


من الاخير

جووووووو معمر مازال موجود وللاسف الشديد

فعلا كلامك هذا موقع ادارة زالا طياح سعد ربي يكون في عون الليبيين وخلاص

السلام عليكم

كان يبونا نتبرعوا ونخدملهم الموقع ماعنديش مشكلة بالكثير ثلاثة ايام ونعطيهم موقع صقع

لكن الباين انهم فاتحين دورة تدريبية في بناء المواقع

السلام عليكم

والله حاجة تحشم بس ماعندي ما نقول

اصلا هدا كله من الاستهزاء بالطلبة ودليل علي انه مش امدور حد الطالب يبدا مشحط ويفكر وهمه هم وهمة مش داريين علي حاجة حرام عليكم يامسؤؤلين ياسر من الكدب مااتعضتو من اللي صار في معمر حسبنا الله ونعم الوكيل

ميت ويطيرن
هذا لا يسمى موقع بل هي محاولة من رئيس قسم المعلومات والتوثيق لعمل موقع
وبما ان حني فيران تجارب لمعمر 42 سنة فما فيش باس يزيدوا يجربوا فينا
لا والجو المليح يقوللك حقوق النشر محفوظة
هاهاها
ويمكنك تغيير اللون
انه قالب جاهز ولم يتعلم حتى كيف يستخدمه
عليك شماتة