ماذا لو قررت تغيير معهد اللغه؟؟

السلام عليكم اخوتي المبتعثين

انا جبت قبول لغه من معهد خاص عن طريق مكتب ........لكن توا نصحوني انغير لمعهد تبع الجامعه لان حتي دراستهم تكون اكاديميه ومستواها افضل

لذلك نبي نسال اللي عنده خلفيه عن الموضوع.....لو اني بديت في المعهد الخاص(اي اف) ودرست فيه اول 3 اشهر علي بين مايبدا المعهد اللي يتبع

الجامعه.......مافيش مشكله؟؟؟؟والا المكتب الكندي ح يدفع التكلفه كااامله للمعهد مقدما وامعش يدفعو عليا في اي معهد اخر؟؟؟؟

بارك الله في الجميـــــــــــــــــع..........وارجو الرد سريــــــــــــعا لان السفريه قريبه جدا

مافيش مشكلة بكل

حسب علمي تغير الي اي معهد متي ماتبي

والله اعلم

ياأختى المكتب الكندى يخلص معهد اللغة فى كل كورس تاخديه يعنى مش دفعة وحدة والخلاصة غيرى معندكش مشكلة

السلام عليكم
قبل ماتغير المعهد هل عندك معلومة على كورس اللغة فى الجامعة اكيد وحسب مايعرفوا كثير من الناس ان معاهد اللغة أفضل بكثير لتعلم اللغة الانجليزية لأنهم يدرسوا كورسات عامة بينما فى الجامعة كورس اكاديمى طبعا كورس الجامعة المعروف عليه يأخذوا فيه الطلبة الذين لايستطيعوا الحصول على درجة الأيلس مثل حالتى الأن الوقت لايكفى فى دراسة الانجليزى لذلك انا مضر لأخد كورس أنجليزى فى الجامعة عشان ابدأ الماجستير
هذه حسابات سوف تعرفه عندما تدخل هذه الطريق
الحقيقة كل ما تستطيع الدراسة اكثر فى معهد لغة استمر لان أفضل لك كثير
والدليل على كلامى امتحان الأيلس
نسأل الله أن يوفق الجميع

السلام عليكم أختي الكريمة. بنسبة لموضوع تغيير معهد أو قبول اللغة فهو أمر ممكن بعون الله ومافيشي أي مشكلة. شخصياً حصل معي هذا الأمر في أول فترة وصولي لكندا. وزي ماقالت أختنا مصراتيه، المكتب الكندي يخلصوا بالكورس موش دفعة واحدة.

ونفس الشي، لو لم ترغبي في الدراسة في هذا المعهد، ولما جيتي لقيتي معهد ثاني ولا حصلتي قبول من معهد لغة تابع لجامعة, تقدري تسجلي فيه وتطلبي من المكتب الكندي يدفعلهم ثمن الكورس وتبدي معاهم. هذا في حالة أن المكتب مازال مادفعش للمعهد اللي أنت جايبة منه القبول الحالي اللي بين يديك.

وما التوفيق الأ من عند الله..

السلام عليكم