السلام عليكم
وصلتني استفسارات على الولاية اللي اني فيها فحبيت يستفد الجميع
بالنسبة لي ولاية اوهايو بالتحديد دايتون رخيصة نوعا ما احني ساكنين في شقة غرفة واحدة والشقة كبيرة ايجارها با $700 وبالنسبة للاشتراك النت شهريا $24 والمياه مجانا والغاز و الكهرباء مازال مااشتركناش فيهم وبالنسبة للتلفون اشتراك شهريا $40 وتقدر تشترك باقل ماخديناش شقرة t mobile لانه التغطية امتاعها مش كويسة لانه قريب علينا اكبر قاعدة جوية امريكية اخدينا شفرة H20 wirless وبالنسبة للمصروف يعتمد على حسب عدد العيلة اني وراجلي مانفوتوش$300 واهني مافيش مواصلات قليل النادر الباص ايمر فلهدا السيارة مهمة با $3000 اتحصل سيارة امليحة لانه التصليح غالي اهني معناها الواحد ياخد سيارة اتمشيه واهني في مدرسة اسلامية وفيه جامع لكن يبوا سيارة
وبالنسبة للاخت اللي تخصصها كيمياء اهني في جامعة wright state غدوة تبدا قرايتي إن شاء الله في اللغة فيه طلبة الطب والصيدلة والعلوم واللغة الانجليزية اغلبهم يقروا في الجامعة هده و اني بنقرا عندهم اللغة ولما بنكمل اللغة بنقرا الاكاديمي ويشترطوا للقبول في الاكاديمي ان المستوى الثالث والرابع في الانجليزي تتحصل على ممتاز والممتاز اهني يبدا من 90 والجامعة قريبة على مكان سكني نمشي على رجليا اقل من 10 دقائق والقبول فيها سهل ولكن الجامعة هده تشترط في هلبة حاجات لجماعة الهندسة وجماعة الهندسة يقروا في جامعة تانية اسمها universitey of dayton و هده الجامعة قريبة من مكان سكني لكن تبي سيارة
وبالنسبة لقراية المرافق قبل في جامعة الرايت ستيت كانوا ايقروا في المرافق لكن توه لازم ايغير الفيزا من F2 إلي F1 وراجلي بيقرا في جامعة دايتون مش حانغيروا الفيزا لانه تحتاج لثلاثة شهور وقالوا تغييرها من ليبيا اسهل و لو كمل اللغة وماحصلش ضم وغير الفيزا حايرحلوه جماعة الهجرة
وهدا موقع الجامعة http://www.wright.edu
وبالنسبة للمكتب الكندي اتراسله بالايميل واتقوله انك وصلت واني قاعدين مانزلوليش المنحة وماعطونيش تامين صحي قادعين يستنوا في جماعة البعثات الراقدين امته ايفيقوا من سباتهم و بعتولي المكتب الكندي زي التعهد انعبيه اني نعلمهم لو غيرت سكني او ارقم تلفوني وانه يكون عندهم علم بالتحصيل الاكاديمي والدرجات مش عارفة اني بنبعتلهم او الجامعة
و هلبة ليبين ماتحصلوش على قبول في ولاية كلورادو حولوا لي ديتون وحصلوا قبول في الرايت ستيت
طبعا الجامعة ايديرولك امتحان تحديد مستوى بالنسبة للغة و طلبوا منا الجامعة شهادة التطعيمات امتاع المواليد ولو في حد ماعنداش قالوا ايدير التطعيمات اهني
وجو دايتون وهي تعتبر ضاحية من ضواحي اوهايو بارد شتاء ودافي صيفا والشتاء يبدا من شهر 10 الي شهر 4 والحق المكان اللي نسكنوا فيه هادي وامن وجو قراية
ولاية اوهايو بالتحديد دايتون فيها هلبة ليبين وسعودين والله الليبين اهني مشاء الله عليهم كويسين وايساعدوا في بعض
والاخ موفد فاد حتى هو في ولاية اوهايو
ولي استفسار حطوا اسئلتكم اهني واني انجاوبكم على اللي نعرفه
وربي ايوفق الجميع
_______________________________
وصلتني استفسارات على الولاية اللي اني فيها فحبيت يستفد الجميع
بالنسبة لي ولاية اوهايو بالتحديد دايتون رخيصة نوعا ما احني ساكنين في شقة غرفة واحدة والشقة كبيرة ايجارها با $700 وبالنسبة للاشتراك النت شهريا $24 والمياه مجانا والغاز و الكهرباء مازال مااشتركناش فيهم وبالنسبة للتلفون اشتراك شهريا $40 وتقدر تشترك باقل ماخديناش شقرة t mobile لانه التغطية امتاعها مش كويسة لانه قريب علينا اكبر قاعدة جوية امريكية اخدينا شفرة H20 wirless وبالنسبة للمصروف يعتمد على حسب عدد العيلة اني وراجلي مانفوتوش$300 واهني مافيش مواصلات قليل النادر الباص ايمر فلهدا السيارة مهمة با $3000 اتحصل سيارة امليحة لانه التصليح غالي اهني معناها الواحد ياخد سيارة اتمشيه واهني في مدرسة اسلامية وفيه جامع لكن يبوا سيارة
وبالنسبة للاخت اللي تخصصها كيمياء اهني في جامعة wright state غدوة تبدا قرايتي إن شاء الله في اللغة فيه طلبة الطب والصيدلة والعلوم واللغة الانجليزية اغلبهم يقروا في الجامعة هده و اني بنقرا عندهم اللغة ولما بنكمل اللغة بنقرا الاكاديمي ويشترطوا للقبول في الاكاديمي ان المستوى الثالث والرابع في الانجليزي تتحصل على ممتاز والممتاز اهني يبدا من 90 والجامعة قريبة على مكان سكني نمشي على رجليا اقل من 10 دقائق والقبول فيها سهل ولكن الجامعة هده تشترط في هلبة حاجات لجماعة الهندسة وجماعة الهندسة يقروا في جامعة تانية اسمها universitey of dayton و هده الجامعة قريبة من مكان سكني لكن تبي سيارة
وبالنسبة لقراية المرافق قبل في جامعة الرايت ستيت كانوا ايقروا في المرافق لكن توه لازم ايغير الفيزا من F2 إلي F1 وراجلي بيقرا في جامعة دايتون مش حانغيروا الفيزا لانه تحتاج لثلاثة شهور وقالوا تغييرها من ليبيا اسهل و لو كمل اللغة وماحصلش ضم وغير الفيزا حايرحلوه جماعة الهجرة
وهدا موقع الجامعة http://www.wright.edu
وبالنسبة للمكتب الكندي اتراسله بالايميل واتقوله انك وصلت واني قاعدين مانزلوليش المنحة وماعطونيش تامين صحي قادعين يستنوا في جماعة البعثات الراقدين امته ايفيقوا من سباتهم و بعتولي المكتب الكندي زي التعهد انعبيه اني نعلمهم لو غيرت سكني او ارقم تلفوني وانه يكون عندهم علم بالتحصيل الاكاديمي والدرجات مش عارفة اني بنبعتلهم او الجامعة
و هلبة ليبين ماتحصلوش على قبول في ولاية كلورادو حولوا لي ديتون وحصلوا قبول في الرايت ستيت
طبعا الجامعة ايديرولك امتحان تحديد مستوى بالنسبة للغة و طلبوا منا الجامعة شهادة التطعيمات امتاع المواليد ولو في حد ماعنداش قالوا ايدير التطعيمات اهني
وجو دايتون وهي تعتبر ضاحية من ضواحي اوهايو بارد شتاء ودافي صيفا والشتاء يبدا من شهر 10 الي شهر 4 والحق المكان اللي نسكنوا فيه هادي وامن وجو قراية
ولاية اوهايو بالتحديد دايتون فيها هلبة ليبين وسعودين والله الليبين اهني مشاء الله عليهم كويسين وايساعدوا في بعض
والاخ موفد فاد حتى هو في ولاية اوهايو
ولي استفسار حطوا اسئلتكم اهني واني انجاوبكم على اللي نعرفه
وربي ايوفق الجميع
