كل مايخص خطوط طيران وتذاكر ورحلات بين ليبيا وبريطانيا

الله يبارك فيك واستمرو في التقدم ياليبين ولكن تحت ضل الاسلام

بارك الله فيك اختنا جميلة وجزاك الله خيرا

وفيك بارك اخي هيثم وبالتوفيق لجميع

بالنسبة للممنوعات في شنطة اليد السوائل فقط واني كنت رافعة معاي اكثر من بارفان في شنطة اليد وماخدوهم مني وكدلك مواد التجميل ماخدوا مني شي مع اني كنت مكثرة عندي شنطة فيها اكسسوارات سالوني عليها قالوا عندك شنطة فيها معدن شافوها بس وبالنسبة للزميطة والسحلب والخبز المرحية ماكتبت عليهم الاسماء وماسالوني عليهم وارفعت معاي حتى 3 لترات زيت زيتون لكن لفيتهم في سلفر وفوطة ماخدوهم مني بس في شنطة اليد كنا رافعين معنا عصائر في المانيا قالونا اشربوهم توه .اكثر شي ايراكزوا عليه التفتيش الشخصي وشنطة اليد والكمبيوتر المحمول .
وصدقوني الفترة الاولى اي شي ترفعوه معكم تستفيدوا بيه ابدها من القهوة العربية والكسكسي والخبزة المرحية والسحلب والبكراج والكسكاس والبراد وفناجين القهوة لانه هلبة حاجات مش حاتلقوهم وهلبة حاجات غالية والواحد مستحقهم في البداية وقاعد مش مستقر ومش عارف الاماكن وبالنسبة اللبس كثروا من الاوشحة ولبسهم مايمشيش معنا لبس المحجبات غير متوفر. وكدلك الادوية اليومية زي البندول وخافض الحرارة ولو تستعملوا في دواء معين جيبوه معكم للفترة الاولى .وربي ايسهل على الجميع

الله يبارك فيكم اني ليا يومين وقلقت نبي نروح والتاشيره ليا 3 شهور نري اعليها

بالله عليكم نبي نعرف هذه الاجراءات والتفتيش من قبل الليبين الموظفين في المطار والا جماعة بريطانيا

لان لو ليبين ممكن قدرو وممكن نلقو معرفة

ولكم جزيل الشكر

شكرا اخانا ابو محمد

يعني يمكن لنا ان نحمل بعض العصائر والحليب لاطفالنا في الطائرة وبعد مانوصل باذن ممكن نشتري

هيثم عبدالصمد كتب:

شكرا اخانا ابو محمد

يعني يمكن لنا ان نحمل بعض العصائر والحليب لاطفالنا في الطائرة وبعد مانوصل باذن ممكن نشتري

أنا أقصد التفتسش عند الأنجليز لما تمشي من مطاراتهم لأي مكان آخر لكن لما تجي من ليبيا مايركزوش واجد على العصائر والحليب والحاجات اللي في شنطة اليد بعد ماتوصل هنا بعني إن شاء الله مافيش مشكلة في الحاجات الخفيفة.

بارك الله فيك اخانا ابا محمد وجزاك الله خيرا واطال الله في عمرك وعمر محمد

بارك الله فيك اخانا ابا محمد وجزاك الله خيرا واطال الله في عمرك وعمر محمد

ممكن ياخوي ابومحمد توضيج لو الاجراء ماشي طبيعي وعلى حساب الدولة يعني بعد التفويض كيف تسلسل الاجراءات
يعني ماهية اجراءات التذكرة

بالله نبي نسألكم على أي خطوط نحجز علما بأني سأدرس في برايتون وموفد يعني على هيترو او كيف الراي ؟

بارك الله فيك أخي ابو محمد هل الافضل ناخد ذهاب واياب او ذهاب فقط علما بأن دراستي لغة وبعدها اكاديمي والامر الثاني هل النزول في لندن والمطار القريب من السفارة الليبية اولى لاكمال الاجراءات او الذهاب للمسكن الاصلي وهو برايتون اولى ؟!

هههه
شكرا على ملاحظتك وتنبيهك
لا أختي مافيش خطا ولا شئ هذا بس نتيجة ساعتين فارق التوقيت بين بريطانيا وليبيا
يعني الطائرة تقلع 15.15 بتوقيت لندن وتوصل طرابلس بإذن الله الساعة 18.55 بتوقيت لندن يعني 20:55 بتوقيت طرابلس.
والاقلاع من طرابلس عند الساعة 12.30 ظهرا بتوقيت طرابلس
الهبوط في لندن – هيثرو الساعة 16.30 بتوقيت طرابلس يعني الساعة 14.15 ظهرا بتوقيت طرابلس

عدل سابقا من قبل ِAbu Mohamed في الثلاثاء 06 نوفمبر 2012, 9:39 pm عدل 1 مرات

بارك الله فيك ويرحم والديك علي المعلومة المتكاملة هذي

اها ... وضحت هكى الفكرة ... عاد اخر شئ يخطر ببالى انه المواعيد انكتبت ع توقيتكم مش توقيتنا ....



بارك الله فيك وفى كل من نورنا باى معلومة

شكرا على الموضوع

السلام عليكم جميعاً

آني مسافر بنقرأ في أدنبرة إن شاء الله ، ولدي سؤال لمن خاض تجربة السفر الأولى إلى بريطانيا :

هل نحجز طرابلس لندن ونمشي طول من المطار بشنطي للسفارة الليبية ونفتح ملف وبعدين نمشي لأدنبرة في نفس اليوم (أو في اليوم التالي) ، مع العلم أن أدنبرة تبعد حوالي من 4.5 إلى 5 ساعات بالقطار من لندن ، وحوالي ساعة واحدة بالطائرة ؟

أو الألفضل أني نحجز طرابلس أدنبرة (وهو ممكن على التركية أو اللوفتهانزا) وننزل هناك نرتاح ليلة وإلا ليلتين وبعدين نمشي للندن بالقطار أو بالطائرة نفتح ملفي ونرجع في نفس اليوم ؟

بالله اللي عنده فكرة على الموضوع ينصحنا ،،،، وفق الله الجميع !!!