اختي هند بعد قبول اللغة اتقدمي في رسالة دعم مالي للفيزا
واتجهزي الاوراق المطلوبة في السفارة وهي افادة وكشف درجات مختومات من ضبط الجودة ومترجمات و اتصدقي على الترجمة وتختميهم من الخارجية
وجواز السفر ليك وللمرافقين والاي توني و القبول والسيفس و صور شخصية مقاس 5 * 5 على خلفية بيضاء ليك وللمرافقين
وعقد الزواج مختوم من المحكمة وبعدين وزارة العدل وبعدين الخارجية واترجمها و تصدق على الترجمة و تختمه في الخارجية
اني التاشيرة تحصلت عليها من تونس شهر 5 وقتها كان يطلبوا حتى في رسالة دعم من المكتب الكندي
ولازم ماتعبي موعد في السفارة الامريكية اون لاين اتعبي الابليكيشن DS-160 ليك وللمرافق واتحددي موعد وماتنسيش لما اتعبي الابليكشن وتحددي موعد لازم ايكون عندك طابعة لطباعة نمودج Ds-160 لتاكيد الموعد اني حددت موعد لي وموعد لزوجي في نفس اليوم لكن كل واحد موعد وديما ديري اتشيك على مواعيد السفارة لانه في هلبة ناس تلغي في مواعيد مرات ماتحصليش موعد تاني يوم تلقي هلبة مواعيد مفتوحة
وبالنسبة للفيزا لو اوراقك كاملة ماتخافيش اني ارفعت معاي حتي حسن سيرة وسلوك ليا ولزوجي وارفعت شهادة الاقامة والوضع العائلي و ورقة ثبت عمل المرافق وشهادة ميلاد ليا ولي زوجي وكلهم امترجمات ومختومات لكن ماطلبوهمش مني لكن درت جميع التوقعات لانه مشية لتونس على خاطر الفيزا ولو ننسوا ورقة ماصار شي لكن توه السفارة في ليبيا فتحت والحمدلله
وشوفي الموضوع هدا
http://www.almofad.com/t8481-topic?highlight=%D8%A7%D9%84%D8%AA%D8%A7%D8%B4%D9%8A%D8%B1%D8%A9+%D8%A7%D9%84%D8%A7%D9%85%D8%B1%D9%8A%D9%83%D9%8A%D8%A9
_______________________________ 
ماذا بعد قبول اللغة؟
