كندا تقرر إغلاق سفارتها في ليبيا !!!!

صفحة انتفاضة 17 فبراير 2011- لنجعله يوم للغضب في ليبيا
هذه صفخة فتن و دسائس

السلام عليكم ياخوي
توا كيف شفت موقع السفارة الكندية في ليبيا و مافيش أي خبر عن إغلاق السفارة ...يا ريت تتأكد من صحة الخبر من الصفحة اللي شفته فيها لأن الطلبة مش ناقصين......
ربي يوفق الجميع

مافيش منا الكلام هدا انا اليوم كنت في السفارة وسئلهم واحد قالولا الخبر هدا عاري عن الصحة

كويس شكرا ليكم على نفي الخبر .. لأننا فعلا مش ناقصين والله..

بس ليش اليوم رفضوا ياخدوا منا طلب الدعو المالي لغرض القبول لكندا بحجة إنها مسكرة


غدوة بنمشي لإدارة البعتات في طرابلس وربك يستر


الواحد ما يطلع لين تطلع روحه
كانت أموري ماشية تمام في اجراءات استراليا ومن شهر وقفت
قلنا نغيروا علي كندا سكروها حتى هي

هو فعلا تقرر اغلاق السفارة يوم الاحد لدواعي امنيه ومن ثم تقرر اعادة فتحها يوم الاتنين وانا اليوم الثلاتاء مشيت الصبح باش نحجز موعد طبعا لان ماعادش فيه حجز بالتليفون وقالولي ارجع غدوا ويستر ربي

تحياتي

السلام عليكم يا خوي كيف سار في السفارة الكنديه مشيت او لا وهل هي مازالت مفتوحة وهل ممكن نحجز عن طريق الهاتف او علي موقعهم بالايميل او لازم انجي شخصيا علما اني مقيمه في بنغازي

ارجوا الايفادة

ولك جزيل الشكر

وانشاء الله بالتوفيق للجميع

الخبر غير صحيح. انا امس قدمت علي التاشيرة

شكرا الله يبارك فيك ويفتح عليك

بس عندي سوال هل درت المقابله كيف حصلت علي موعد المقابلة

عن طريق الهاتف او الايميل

وكم المدة بين الموعد والمقابلة الي قدمت فيها علي التاشيرة

وانشاء بالتوقيق

مافيش موعد بالهاتف.امشي للسفارة بدري والافضل الساعة 8 وتاخدي موعد لانهم ياخدو في اعداد محدودة والمقابلة في نفس اليوم..بالتوفيق

شكرا

الله يبارك فيك ويفتح عليك

بس ياريت لما تاخذ التاشيره اتخبرنا عشن نعرفوا كم المدة الي تاخذها التاشيرة

شكرا شكرا شكرا

وانشاء الله بالتوفيق

السلام عليكم
غالبا التأشيرة تاخذ من شهر و نص لشهرين إلا اذا تغير هالنظام و طبعا " المقابلة " ما هياش مقابلة بالمعنى الحرفي لأن الطالب بس يقدم فيها اوراقه و يسألوه على الاوراق و أشياء روتينية فقط و ماليها علاقة بحصوله ع التأشيرة او لا ....لأن اللي يحدد حصوله ع التأشيرة هو الورق كامل او لا وانه تكاليف الدراسة في من يغطيها
بالتوفيق

موضوع اغلاق السفاره غير صحيح