ما فيش اي اخبار على التاشيرة الامريكية

السلام عليكم ، ما فيش اي اخبار على التاشيرة الامريكية ولو كان الواحد يبي يديرها برا وين احسن مكان يدير فيه ميعاد وهل التاشيرة من مصر سهلة ام صعبة

حسب تجربتي تونس لان مصر لازم تاخد موعد وانت في مصر لكن في تونس تعبي الابليكيشن وتحدد موعد وانت في ليبيا وفي تونس لازم تكون اوراقك كاملة ولاي استفسار عن الاوراق تفضلوا اني تحصلت على الفيزا في شهر 5 اللي فات وبعد مادرت المقابلة قالولي تعالي خودي الفيزا تاني يوم .

تقدر توضح شنو الأوراق المطلوبة للمقابلة في السفارة بالظبط

الاوراق المطلوبة هي
جواز السفر ليك وللمرافقين
ورقة تاكيد الموعد
وصور شخصية طبعا الخلفية بيضاء والمقاس 5*5 تمشي للمصور تقوله صورة للفيزا الامريكية يعرفوها
وبالاضافة لي رسوم الفيزا 160 دولار
السيفس والاي توني
والافادة وكشف الدرجات بعد ضبط الجودة اترجمهم وتصدق على الترجمة وتختمهم من الخارجية .
وعقد الزواج مختوم من المحكمة ووزارة العدل وترجمه وتصدق على الترجمة وتختمه من الخارجية
قبول اللغة او الاكاديمي
اني طلبوا مني رسالة الدعم من المكتب الكندي وما سالوش حتى السؤال على رسالة البعثات . لكن حسب كلام اعضاء المنتدى معاد يطلبوا فيها اني طلبوها مني .
وبالاضافة الاوراق هده اني رفعت معاي الوضع العائلي وشهادات الميلاد لي ولي زوجي وورقة ثبت عمل المرافق وحسن سيرة وسلوك لي ولي زوجي لكن ماطلبوهم مني
وطبعا اي ورقة بالعربي لازم اترجمها واتصدق على الترجمة وتختمها من الخارجية.

من لديه معلومه مؤكده السفاره في تونس فتحت او مازال زي السفارة في ليبيا ...ياااااارب ستر وعفوك هم ينجنوا واحنا نشوقوا...

السلام عليكم توا يا حوحو ويا بتول الحصول على قبول اكاديمي صعب ولا ساهل وهل هناك شروط معينة للقبول وعلى حسب البيانات الخاصة بكم فان تخصصكم كيمياء / فهل يوجد تخصص احياء بالجامعة اللي تدرسون بها

ارجوكم ساعدوا الاخت من لديه معلومات عن فتح السفارات الامريكية بليليا او تونس ..ولانها لا تملك نت

اني تحصلت على الفيزا بقبول لغة لكن الجامعة اللي ندريس فيها تعطي حتى في قبول مشروط اني بنقدم توه على قبول مشروط والقبول بجامعة الرايت ستيت سهل نعرف هلبة طلبة حولوا من كلورادو لانهم ماتحصلوش على قبول وجو للجامعة هده وحصلوا قبول بالساهل
والجامعة اللي نقرا فيها في تخصصه البيولوجي http://www.wright.edu/biology/academics/grad.html
وهدا موقع الجامعة http://www.wright.edu/

اخت بتول سافرتي والا مازال اني والله ماعندي فكرة على السفارات فتحوا وإلا لا

السلام عليكم : شكرا اختي حوحو على المعلومات / انا متحصل على قبول لغة من المعهد اللي في ولاية وايومينغ ونحاول نبحث عن قبول اكاديمي في تخصصي فشكرا لك على المعلومات

لو عندك توفل او جي ار او الايلتس تحصل قبول اكاديمي بالساهل

ياجماعة مصر بارك الله فيكم افيدونا هل الفيزا من السفترة الامريكية سهله وكم تحتاج يوم لتحديد موعد وكم يوم ياخذ المرافق فيزته اعينونا بالاجابه بارك الله فيكم السفاره في تونس مازالت مقفله ما بقى الامصر ولا نعرف عنها شيء...لمن لديه اجابه واضحه يفيد اختي في حيره والابراق صارعليه شهر ونصف وربي يستر والله يسامح من كان السبب في تفجير السفاره وخلى الناس ذوايح بين مصر وتونس....مشكورين

السلام عليكم ورحمة الله
اختي البتول السفارة الامريكية في تونس حتفتح يوم 29/9 ان شاء الله بمعنى استئاف منح الفيزا حيكون من يوم الاثنين القادم. هدا يلي عرفته بعد مراسلة السفارة. وعلى فكرة تقدري تاخدي التأشيرة من اي سفارة امريكية اخرى يعني مش لازم السفارة في مصر او تونس. وموفقة ان شاء الله

ربي يبشرك بالجنه اذا طلع الكلام صح ربي تفرح اختي صح هالمره الله يفتح عليك....والله تفجير السفارة كارثة علي الناس طلبه وزوار ورجال اعمال ....ربي يهديهم

ياخي نفكروا في دولة عربية قريبه والطالب الموفد ماك غابي فيه كل قرش يفكر وين يحطه حتى مصر اقل تذكرة ذهاب واياب500 بدينار وخلي السكن والمعيشه وربي العالم ..ولكن تونس اقل حسبه قريبه وبسياره انهار وفي يومين تاخذها وسكن مش هلبه ....ربي يستر في كل الاحوال