إدارة البعثات مفتوحة يوم السبت أم عـــــطلة؟؟

السلام عليكم ورحمة الله..
حبيت نسأل على ادارة البعثات اذا كانت تفتح يوم السبت أو لا !!! لأني نبي نمشي لحتى نسأل على القرار ونتأكد من اسمي بنفسي اذا موجود في القرار ،، لو السبت عطلة برأيكم اي يوم نمشي وكيف نقدر نكلم د.بن طاهر ؟؟
ياريت نلاقي عندكم الجواب..
شكرا لكم مقدما ..

هو السبت عطلة اكيد بس احسن وقت تشوف فيه بن طاهر عادة الاثنين بعد العاشرة صباحا
بس انت تبي تشوف اسمك في قرار هل تقصد قرار المعيدين واعضاء هيئة التدريس يلي مصدرش صدقني صعب انك تعرف اسمك فيه ولا لا بس لو قرار تمديد ممكن تشوف اسمك

شكرا ليك على ردك،، انا تابعه قرار الأوائل والمعيدين،، قصدك مانقدرش نتأكد من وجود اسمي في القرار ؟؟ بصراحه خايفة ماينزلش اسمي في القرار .

الاخت shada3bdo
الاسبوع اللي فات كنت في طرابلس لاجل التاكد من اسمي انا وزملائي في قوائم اعضاء هيئة التدريس والمعيدين مشيت للبعثات كان من الصعب اني نلقي موظف ايتأكدمن أسمي رجعت لإدارة المعاهد بالتحديد للاستاذ على دخيل وشرحتله أني خايف أناوزملائي يسقطن أسمائنا سهوا قالي متخفش لأن قبل مايصدر القرار إدارة البعثات حيبعثولنا قائمة بالاسماء للـتأكد أن مفيش مرشح يسقط أسمه سهوا......... والله أعلم