إلي الطلبة الليبيين في مدينة تورنتو أود المساعدة

السلام عليكم

أنا وصلت تورنتو من 4 أيام وواجهتني مشكلة في السكن معظم المساكن إما بعيدة جدا من قلب المدينة ومكان الدراسة والقريبة تكون غالية جدا وبعضها يريدون شخص ضامن عليك وبعضها غير متاحة لشهر 11 أو 12 فساعدوني شن الحل أنا إلي الان ما زلت في هوتيل وشحورة مواصلات ومدينة كبيرة جدا فيا ريت لو فيه طلبة ليبيين يساعدوني ويقولولي علي أماكن تواجد الليبيين وطريقة التأجير للشقق

وشكرا سلفا

يوجد ببعض الفنادق شقق فندقيه و تكون في نفس الفندق و يمكن استاجارها لشهر لعند ما تتوفقوا في الحصول على سكن .... ممكن اتكون غاليه شوي بس مقارنه بالاقامه في حجره بالفندق اتكون ارخص بكثير
و الله الموفق
و ممكن اتشوفو مدينه ثانيه لو اظطر الامر
و السلام و ايه خدمه ممكنه اتفضلوا

توجد شقق بأثات يمكن اجارها لاسبوع او شهر هى ارخص كثيرا من الفندق ويمكنك اعداد طعامك بنفسك

DDJONTA كتب:

هدا موقع يمكن يساعدك
حدد المنطقه الي تبي تسكن فيها والشارع والسعر ونوع الايجار (.department...rooms / shared ...basement)

http://toronto.en.craigslist.ca/tor/hhh/

لو تبي اي مساعده اكتبلي المنطقه الي تبي تسكن فيها

رد على الناس اذا تبي المساعدة

سلام للجميع

شكر خاص لكل من تفاعل مع الموضوع وبارك الله في الجميع وموفقين إن شالله

أنا طرحت الموضوع هذا تقريبا من شهرين

أنا الان أموري تمام والحمد لله وتمكنت من تأجير شقة وكل شي تمام

شكر خاص للجميع مرة أخري

السلام عليكم
انا بأذن الله رح نوصل الى تورونتو يوم الاحد القادم ومش عارف كيف ادير في موضوع السكن ارجوا المساعد ة

Hassan Saleh كتب:

توجد شقق بأثات يمكن اجارها لاسبوع او شهر هى ارخص كثيرا من الفندق ويمكنك اعداد طعامك بنفسك

مش هكي الي يبي يخدم الناس يا اختي؟ مفروض تعطي العنوان كاملا الاخت الي طالبة المساعدة كانت في حيرة ولاحظت بعض الطلبة(رواد المنتدي) القاطنيين في كندا ردودهم؟؟؟؟هدا الواقع بدون زعل

noura23 كتب:

سلام للجميع

شكر خاص لكل من تفاعل مع الموضوع وبارك الله في الجميع وموفقين إن شالله

أنا طرحت الموضوع هذا تقريبا من شهرين

أنا الان أموري تمام والحمد لله وتمكنت من تأجير شقة وكل شي تمام

شكر خاص للجميع مرة أخري

اسال الله ان يسهل لك كل عسير...اول مرة انشوف تعليقك..بس انت شفت قداش تشحورتي باش تحصلي سكن بس ياريت توضحي للطلبة كيف حصلتي سكن وشن درتي بالزبط لكي نستفيدوا ..

لتعميم الفائدة اكتر ياريت كل حد لو تحصل علي معلومة واموره تسهلت يقول لغيره حتي في نفس الموضوع اللي فاتحه تسهيل لباقي الطلبة ...متلا اختي صاحبة الموضوع الحند لله انها تسهلتك وحصلتي سكن وتخلصتي من هالمشكلة اللي ممكن تكون مشكلة هلبة غيرك حاليا ..... لو تقدري تفيدي بمعلومة كيف قدرتي تحصلي سكن ؟؟من ساعدك؟في اي مدينة ؟اي المواقع اللي سهلتك البحت؟شن اللي فادك في اببحت وشن اللي ضيعلك الوقت من غير فايدة ؟؟وشن تنصحي الطلبة اللي جايين بخصوص السكن تحديدا باعتباره الموضوع كان عندك مشكلة في الاول فيه...وشكرا