السلام عليكم أختي ام أيمن
بخصوص التأشيرة الكندية زي ما أسلفت في رسالتي الخاصة ليك و زي ما قالت الأخت أم فاطمة ربي يوفقها بأنها ميسرة و هي أسهل من التأشيرة البريطانية حسب رأيي بس الورق بالفعل كان واجد لكن ما فيش ورقة مستحيلة و الشيء الثاني انهم ما يطلبوش في قبول للمرافق علشان يحصل تأشيرة ....
أما بخصوص القبول الأكاديمي فهو صعب الحقيقة لأن الساحة الكندية فيها طلبة من كل أنحاء العالم و المنافسة تعتبر قوية و الاختيار يكون للأجدر حسب و جهة نظر الجامعة ...يعني مثلا انا درست اللغة في جامعة واترلو و كملت برنامج اللغة بنسبة 90% و قدمت على دراسة الماجستير تخصص هندسة في نفس الجامعة وكان ملفي كامل ولله الحمد و حتى امتحان الايلتس خذيته و تحصلت على 7 و هي أعلى من الدرجة اللي الجامعة طالبتها و رغم هكي ما زال ما جاني القبول النهائي و ربي يسخر ليا و للجميع
ملاحظة : انا نعرف صديقة سعودية قدمت على جامعة ماك ماستر McMasterفي مدينة هاملتون و الحق ما طولت و حصلت قبول لان اجراءاتهم مش معقدة زي جامعة واترلو و حتى المدينة هادية تقدري تشوفي موقع الجامعة لأي تفاصيل......
المعيشة في كندا تعتبر غالية شوية خصوصا مع عائلة كبيرة و مع المنحة اللي تعتبر شوية و مش مدروسة من قبل الدولة الليبية بس ان شاء الله يفعلوا قرار زيادة المنحة باش تتحسن الأمور ومع حسن التدبير كل شيء يصير ......
لأي استفسار انا في الانتظار
