هل هناك من تحصل على التاشيرة الامريكية

السلام عليكم مافيش اي حد تحصل على التاشيرة الامريكية بعد احداث السفارة ياريت تبلغونا لو فيه اي معلومة جديدة

ياريت اللى يسمع اى شىء على التاشيرة من السفارة الامريكية بطرابلس يبلغنا

انا ابراقي ليه توا شهرين وزوجي بياخذ الفيز الامريكية ..اولاد الحرام فجروا السفارة يا عالم قولولي شنو اندير عديت لعبد المنعم سكرها في وجهي ما فيش تغير الساحه منحتك نازله امشي سافري وزوجي بلاه ممنوع سفري...انا محتارة كل يوم نقول بالك تفرج تفتح السفارة في تونس قالوا مازل ...دراستي في الكورس اجلتها مش عارفه اراي صح والله قريب اجن وبديت نحكي بروحي...سامحوني انا تعبت من كل شيء

شن تقولى نعرف وحده جت لامريكا وزوجها مازال فى ليبيا وبعدين فى تونس حتفتح الاسبوع الجاى

اعلاش اخت ربا ماتمشي لتركيا يحكوا انه الفيزا ساهلة من تركيا و وسعي بالك اني لين كرهت الايفاد والقراية باش وصلت امريكا ولما نتضايق ايقولي بوي يوم ربي كاتبلك بتشربي امية امريكا مش حيردك حد لكن بجرد ماتوصلي امريكا تنسي التعب كله الحياة منظمة وساهلة ومافيه واسطة وحاجتك توصلك للحوش بالبريد زي ليبيا بالزبط غير ليبيا متوفقة عليهم في النظافة

عدل سابقا من قبل حوحو في الخميس 04 أكتوبر 2012, 3:31 am عدل 1 مرات

خلاص تونس حتبدا من 9 اكتوبر على الاقل اقرب حاولى اختى ربا تحصلى موعد فى تونس انى شفت الموقع توا ومكتوب فيه ان السفارة حتباشر من 9 اكتوبر بتونس والمواعيد فتحت

موفقة ياربى

يارايت لو شخص خدي التاشيرة من تونس يفيدنا ويقولنا شن صار معه سوا اخدها او لا و جزاكم الله الف خيــــــــــر

السلام عليكم , انا نعرف اثنثن من اصدقائي تحصلو علي التاشيرة.. واحد من السفارة من مصر. والاخر من السفارة من الاردن.. والاثنين اعطو الموافقة في نفس اليوم

كيف يمكن الحصول علي تاشيرة سياحية لامريكا

السلام عليكم
انا خذيت التأشيرة من تونس يوم 10 /10 /2012 مع العلم ان المواقفة حصلتها من يوم 28 /8 /2012 والحمدلله استلمتها الأسبوع اللي فات ولم اواجه اي مشاكل بفضل الله. انشالله ربي يوفق الجميع

كيف يمكن الحصول علي تاشيرة سياحية لامريكا

انا عندى موعد فى السفارة الامريكيا فى تونس نهاية شهر 11 لسنة 2012 نبى نستفسر هل فى تعقيد فى الاجرائات ويعطو فى visa ولا لا هل قتل السفير فى ليبيا عرقل عملية حصول الطلبة الموفدين الى امريكا الحصول على visa ولا لا ؟؟؟؟ مع العلم ان كل اوراقى جاهزة ارجاء الرد

السلام عليكم
لو سمحتم نبي نعرف كل الاوراق المطلوبة بالضبط عند الذهاب للمقابلة للحصول على التاشيرة من السفارة الامريكية.

السلام عليكم كل عام وتنتم بخير والصحة والسلامة عيد مبارك الاوراق المطلوبة وضرورى احضارها عند الدهاب الى السفارة الامريكيا
1- جوازت السفر ملاحظة بالنسبة للعائلة يطلب كل شخص بجواز سفر خاص بيه حتى الاطفال الرضع
2- صور عدد 2 لكل شخص قدم فى التاشيرة
3- ورقة الدعم المالى من اجل التاشيرة التى تعطيها البعتات
4- ورقة الدعم المالى التى يعطيها المكتب الكندى CBIE
5- I 20 النسخة الاصلية
6- رقة الناكيد التى تتحصل عليها بعد ارسال الابليكاشن confirmation Visa application DS-160
7- ورقة تاكيد الحصول على موعد فى السفارة confirmation ID of appointment
8- دفع رسوم sevise
9- عقد الزواج وشهادة ميلاد الاطفال مترجمة بالانجليزى
10- ورقة من جهة العمل تثبت فيها طبيعة عملك
11- كشف حساب ويستحسن لو كان عندك مايتبت ان لديك املاك بيت او مزرعة حتى يتاكدون انك راجع الى ليبيا
12- شهادة التخرج وكشف الدرجات
13- السيرة الداتية ويجب ان يكون لديك معلومات كافية عن المكان الدى تريد ان تدرس فيه
ملاحظة هامة يجب ان يكون الاسم بالانجيلازى فى جواز السفر مثل الاسم فى I 20 اى حرف يختلف ترفض التاشيرة