كيفية الشراء من امازون

اود الاستفسار عن الطريقة او كيفية وضع عنوان مكتب الدي اتش ال في( شارع النصر طرابلس) في امازون مع العلم اني قمت بكل الخطوات ولكن دائما العنوان يكون خاطيء ارجو الرد عاجلا من اي شخص عنده الخبرة في الشراء من امازون او اي موقع اخر

بما ان ليبيا مافيهاش عناوين للمنازل يعني ماتقدريش تشري شي اون لاين

هذا علي حد علمي

ابسط شي في العالم مافيش في ليبيا مش عارف شن ايديروا اللي مسمين روحهم حكومة

ان شاء الله خير

إنشاء الله في ليبيا الجديدة ايديرونا عناوين الصراحة موقع الايبي والامازون اتحصل منهم حاجات حلوة ورخيصة وخصوصا الايبي ارخص من الامازون

شكرا على الردود لكن بكلامكم هذا درتولي احباط بعد ما طلعت فيزا نت وفرحانة بيها كان عندي امل نشري كتب , لكن في بنت لقيتها في مصرف الامان لما طلعت البطاقة قالتلي انا ديما نشري في الملابس من النت ويبعتولي فيهم بالدي اتش ال
اما بالنسبة للاخوة اللي مديرين مجموعات ويجيبوا على حسابهم من امازون وغيرها يعطوك السلع المطلوبة وفوقها اربع اضعاف الثمن
وبصراحة احنا عندنا في ليبيا التخطيط العمراني تحت الزيرو يعني العناوين بالبركة تلقى الواحد يوصفلك بيته يقولك في جنب محل الملابس اللي اليوم التاني تفيق الصبح تلقاه لحام بقدرة قادر او يقولك بيتي اللي في جنب السور او الشجرة تفيق الصبح تلقاها مش موجودة والله المستعان

ان شاء الله ربى يفرج علينا وتقعد ليبيا كيف العالم

إن شاء الله ليبيا الجديدة نقدروا نشرواا

[b]

تستطيعين الشراء عن طريق أرامكس
كل ما عليكي هو التسجيل لديهم و هم سوف يعطونك عنوان بريدي أمريكي
عندما تشترين شيء من أمازون أدخلي العنوان الذي أعطتكي أياه أرامكس
بعد أن يتم إرسال المنتج إلى ذلك العنوان سوف تقوم أرامكس بجلبه إلى الحساب الخاص بكي في ليبيا

سوف تجدين عناوين مكاتب ارامكس في ليبيا من هذا الرابط
www(DOT)aramex(DOT)com/offices/default.aspx

أتمني أن أكون أفدتك

تحياتي

lY-360 كتب:

تستطيعين الشراء عن طريق أرامكس
كل ما عليكي هو التسجيل لديهم و هم سوف يعطونك عنوان بريدي أمريكي
عندما تشترين شيء من أمازون أدخلي العنوان الذي أعطتكي أياه أرامكس
بعد أن يتم إرسال المنتج إلى ذلك العنوان سوف تقوم أرامكس بجلبه إلى الحساب الخاص بكي في ليبيا

سوف تجدين عناوين مكاتب ارامكس في ليبيا من هذا الرابط
www(DOT)aramex(DOT)com/offices/default.aspx

أستبدلي الأقواس و ما بينهم بالنقطة .الأن المنتدي محمي ضد الإشهار التعسفي

أتمني أن أكون أفدتك

تحياتي

شكرا لمشاركتك ولكن ما الذي يضمن لك أنهم سيجلبون لك البضاعة وإلى أين سيتم إحضارها في ليبيا. يعني كيف الآلية بالضبط

Ibrahim baaiu كتب:

[rtl]الأخت سجود .. قد قام الأخ IY-360 بإجابتك على سؤولك.. وليس كما أشارو الأخوة قبله بأنه لا يمكنك الشراء من سوق أمازون.. أو الشراء عن طريق الفيس بوك فقط.. بل يمكنك الشراء عن طريق فيزا نت .. واستلامك المشتريات وأنتي في ليبيا .. وأضيف بعض التوضيح على مشاركة أخي IY-360[/rtl]

[rtl]أولاً .. أذهبي إلى شركة أرمكس .. - وإذا كنتي في بنغازي تجدينها بشارع جمال عبدالناصر – وأخبريهم بأنكي تريدين فتح صندوق بريد ويعرفه عند الشركة باسم (Shop & Ship) ورسوم الاشتراك 60 دينار ليبي فقط .. وعند شراءك أي منتج من سوق أمازون تعطيهم رقم صندوق البريد الخاص بك والتي قمتي بفتحه لدى شركة بريد أرامكس .. ويتم شحن المنتج خلال من فترة أسبوع أو أقل .. وعند وصول الشحن تقوم شركة أرامكس بالاتصل بك للاستلام بريدك .. وتحميلك رسوم الشحن .. ورسوم الشحن تكون معلومه مسبقاً لديك عن طريق الشركة لإنهم لديهم تصنيف خاص حسب الوزن .. في الإجمالي لن يكون مبلغ كبير.. [/rtl]

[rtl]نأمل أن أكون قد قمت بالإيضاح إليكي وإلى أخوتي الأخرين الذين كانو يظنون بأنه لا يمكننا في ليبيا استلام بريد من السوق الإلكتروني .. مع تحياتي [/rtl]

شكرا اخي   Ibrahim baaiu  وكل الاخوة اللي ردوا عليا سابقا ... وانا الحمد الله شريت الكتاب اللي نبيه من امازون بس مش عن طريق ارامكس ولكن عن طريق عنوان عائلة في امريكا من المعارف... امازون بعتلهم الكتاب وهما بعتوهولي لليبيا عن طريق مكتب ups للشحن بعد شهرونص من الشراء رغم انه المفروض 15 اليوم بس لانه صارت بعض المشاكل في الشحن بدلا من ان يبعتوه لطرابلس لييبيا بعتوه لطرابلس لبنان والخطأ منهم طبعا لانه ما عندهمش طرابلس ليبيا في المنظومة الرئيسية متعهم لكن الحمد الله وصل بسلامة الله وهو عندي وفكرة الارامكس كويسة لكن المشكلة لو شريت اكتر من حاجة يبعتولك كل حاجة بروحها وما يجمعوهاش مع بعض وهدا يكلف برأي والله اعلم...

السلام عليكم....

اذا كان تبي كتب انا حاضر نشريلك و نبعثلك عن طريق الارامكس هذا ارخص شي في الشحن.

بالتوفيق

libyan one كتب:

السلام عليكم....

اذا كان تبي كتب انا حاضر نشريلك و نبعثلك عن طريق الارامكس هذا ارخص شي في الشحن.

بالتوفيق

بارك الله فيك اخي libyan one
وان شاء الله لو احتجت اي كتاب حنبعتلك على الخاص ..وربي يدوم الاخوة..

lY-360 كتب:

تستطيعين الشراء عن طريق أرامكس
كل ما عليكي هو التسجيل لديهم و هم سوف يعطونك عنوان بريدي أمريكي
عندما تشترين شيء من أمازون أدخلي العنوان الذي أعطتكي أياه أرامكس
بعد أن يتم إرسال المنتج إلى ذلك العنوان سوف تقوم أرامكس بجلبه إلى الحساب الخاص بكي في ليبيا

سوف تجدين عناوين مكاتب ارامكس في ليبيا من هذا الرابط
www(DOT)aramex(DOT)com/offices/default.aspx

أستبدلي الأقواس و ما بينهم بالنقطة .الأن المنتدي محمي ضد الإشهار التعسفي  

أتمني أن أكون أفدتك  

تحياتي

+ 1