استفسار عن المرافق لما ايكون اخ لبنت عندها ايفاد

السلام عليكم
انا المرافق لى اخى ان شاء الله
اذا تكرمتم نبيكم اتفيدونى بالاتى
1- ها يقدر يقراكونه مرافق لى وتتحمل الدولة مصاريف الدراسة ولالا
2-فى قبول اللغة لو انا حصلت قبول هل يشمله حتى هو كونه مرافق لى ام لا وكذالك برنامج التاشيرة يلزم ايكون عنده قبول لغة حتى هو خاصة انا اخترنا بريطانيا ان شاء الله

وبارك الله فيكم

وعليكم السلام اختي

نعم خوك يقدر يقرا على حساب الدولة بس انتي لما تقدمي على الدعم لغرض التاشيرة لازم تكتبي اسمه ورقم جوازه في الورقة الخاصة بالدعم. مع تقديم طلب بسيط توضحي فيه انك تبي خوك يرافقك .

بس مافيش قبول لغة يشمل اتنين . يعني خوك لازم يجيب قبول لغة خاص بيه وباسمه.ويعبي الابليكيشن الخاص بالسفارة .باش ياخد بالزبط زيك تاشيرة طالب زائر (طبعا لو كان ما عندكش درجة الايلس المطلوبة )

وان شاء الله ربي يوفقك

السلام عليكم

انا نفس الموضوع المرافق اخي ومش عارفه اي نوع تاشيره المفروض ان يقدم عليها

وهل لازم انه يمشي ع اساس انه طالب ويجيب قبول لغه ؟ مع العلم ان انا عندى ايلس5.5

يعني حتى هوا بياخد تاشيره مدتها نفس مدتي او لا ؟ سؤال مأرقنى -_-