قولونا شن صار ... الطاغي رحل ما عاد فيه اعذار ... نبو نفهموا**
كيف صار في ثورتنا ... وشن صار في اللي رجعوا رايتنا
بهلال شامخ عالية نجمتنا ... بتكبير ما خافوا لهيب النار
قداش رفعت غير جبانتنا ... واستشهدوا ومخلفين اصغار
قزازين قعدوا دين في رقبتنا ... واللي قعد مبتور من الاحرار
واخرين جونا موش من طينتنا ... ركبوا الكراسي وهمشوا الثوار
يا يرحمونا ويمسحوا دمعتنا ... يا نقلبوها ويرجعوا الثوار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار يا مجلسنا ... بيك اعترفنا والقلوب اخلصنا
التقة عطينا فيك زين غرسنا ... من يوم رينا فيك مستشار
ولي امر واجب طاعتك مارسنا ... والراي فيدك سلموا الثوار
راح دم يونس والافواه خرسنا ... موضوع صاير من وراه اسرار
قولولنا منهوا قتل فارسنا ... يا تفتحوا تحقيق باللي صار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار وين "الكيب" ... البلاد راحت يا عليك سريب
كيف صار شن خلّى الحال عطيب ... لا طب لا صحة ولا معمار
والضي ساعة وساعتين يغيب ... يـ "البرعصي" شن صار في التيار
والاسعار ترقى ما لهاش رقيب ... والراي قاعد فيد هالتجار
وحفر الطرق تقول شي غريب ... وحني طامعين فسكة القطار
أخبار الحكومة كلها تسريب ... ما تسمعش من "المانع" خبر خبّار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار راهي ورطة ... لا جيش درتوا لا بنيتوا شرطة
وتاجر سلاح تقول تاجر شنطة ... خفيف وثقيل ومختلف الاسعار
فكرة كتايب يا رياسة غلطة ... وتخلطت باشباه من الثوار
وين يتلاقوا نحصلوا في ورطة ... تقول نحضروا فمراد عالم دار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار في المالية ... وكيف صار في حسبة الميزانية
كيف الالف يا "زقلام" كيف الميّة ... نبو نفهموا شن صار في الدولار
نبوا نعرفوا قداش مليونية ... لتونس ومصر وسورية بشار
ان كان فيه ما زالت ضماير حية ... زعم نلحقوا حتى علي مليار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار يا "حمروش" ... وكيف صار في قصة عطي القروش
فواتير ريكسوس كلهن بريوش ... وفلوس جرحى لمهن سمسار
بثيقة عطوك وراك ما حسبوش ... قولينا كم ضاع من مليار
واللي عقب من الزايدي مهروش ... زدتي عليه الطب لين انهار
لا تغذية ولا قطن ما لقيوش ... ولا جبس حتى يجبروا الاكسار
والناس وجهك زين ما راموش ... نيو لوك جبتي من ورا الابحار
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار يا حكومة ... " حميدان " ما جابش نبي معلومة
"الميتين" يا راحت عليكم نومة ... وحني واصلين فحال الاستنفار
لا صار من الـ"شاقور" لا القادومة ... دورولنا حتى علي مسمار
الشاقور ما يلمد اللي مصرومة ... ما يجيبلك كان غبرة الكسار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار يا " شاقور " ... يا دبل شفرة رشحوك بزور
باعوك ثاني يوم من الفجور ... في القايمة ما عرفت من تختار
صفيت بالـ" صوان " في الطابور ... ما حسبت حسبة زهرة الصبار
هذا خيار الشعب واضح نور ... في كل صبع مغطس فالاحبار
وجبريل قالوا طاغي ومغرور ... والازلام هيه اختارت الصبار
بيغيبوا ع الناس ظلم وزور ... جابوا المفتي ع التحالف غار
وبعدين شدوا بيه في المحظور ... وفتحوا علي الجبهة لهايب نار
و" الكريكشي " طامع مع الشاقور ... راحت وزارة ومن التحالف طار.
** قوقلنا شن صار ... الطاغي رحل ما عاد فيه اعذار ... نبو نفهموا**
*****
كيف صار في ثورتنا ... وشن صار في اللي رجعوا رايتنا
بهلال شامخ عالية نجمتنا ... بتكبير ما خافوا لهيب النار
قداش رفعت غير جبانتنا ... واستشهدوا ومخلفين اصغار
قزازين قعدوا دين في رقبتنا ... واللي قعد مبتور من الاحرار
واخرين جونا موش من طينتنا ... ركبوا الكراسي وهمشوا الثوار
يا يرحمونا ويمسحوا دمعتنا ... يا نقلبوها ويرجعوا الثوار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار يا مجلسنا ... بيك اعترفنا والقلوب اخلصنا
التقة عطينا فيك زين غرسنا ... من يوم رينا فيك مستشار
ولي امر واجب طاعتك مارسنا ... والراي فيدك سلموا الثوار
راح دم يونس والافواه خرسنا ... موضوع صاير من وراه اسرار
قولولنا منهوا قتل فارسنا ... يا تفتحوا تحقيق باللي صار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار وين "الكيب" ... البلاد راحت يا عليك سريب
كيف صار شن خلّى الحال عطيب ... لا طب لا صحة ولا معمار
والضي ساعة وساعتين يغيب ... يـ "البرعصي" شن صار في التيار
والاسعار ترقى ما لهاش رقيب ... والراي قاعد فيد هالتجار
وحفر الطرق تقول شي غريب ... وحني طامعين فسكة القطار
أخبار الحكومة كلها تسريب ... ما تسمعش من "المانع" خبر خبّار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار راهي ورطة ... لا جيش درتوا لا بنيتوا شرطة
وتاجر سلاح تقول تاجر شنطة ... خفيف وثقيل ومختلف الاسعار
فكرة كتايب يا رياسة غلطة ... وتخلطت باشباه من الثوار
وين يتلاقوا نحصلوا في ورطة ... تقول نحضروا فمراد عالم دار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار في المالية ... وكيف صار في حسبة الميزانية
كيف الالف يا "زقلام" كيف الميّة ... نبو نفهموا شن صار في الدولار
نبوا نعرفوا قداش مليونية ... لتونس ومصر وسورية بشار
ان كان فيه ما زالت ضماير حية ... زعم نلحقوا حتى علي مليار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار يا "حمروش" ... وكيف صار في قصة عطي القروش
فواتير ريكسوس كلهن بريوش ... وفلوس جرحى لمهن سمسار
بثيقة عطوك وراك ما حسبوش ... قولينا كم ضاع من مليار
واللي عقب من الزايدي مهروش ... زدتي عليه الطب لين انهار
لا تغذية ولا قطن ما لقيوش ... ولا جبس حتى يجبروا الاكسار
والناس وجهك زين ما راموش ... نيو لوك جبتي من ورا الابحار
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار يا حكومة ... " حميدان " ما جابش نبي معلومة
"الميتين" يا راحت عليكم نومة ... وحني واصلين فحال الاستنفار
لا صار من الـ"شاقور" لا القادومة ... دورولنا حتى علي مسمار
الشاقور ما يلمد اللي مصرومة ... ما يجيبلك كان غبرة الكسار.
** قوقلنا شن صار ... الطاغي رحل ما عاد فيه اعذار ... نبو نفهموا**
كيف صار يا " شاقور " ... يا دبل شفرة رشحوك بزور
باعوك ثاني يوم من الفجور ... في القايمة ما عرفت من تختار
صفيت بالـ" صوان " في الطابور ... ما حسبت حسبة زهرة الصبار
هذا خيار الشعب واضح نور ... في كل صبع مغطس فالاحبار
وجبريل قالوا طاغي ومغرور ... والازلام هيه اختارت الصبار
بيغيبوا ع الناس ظلم وزور ... جابوا المفتي ع التحالف غار
وبعدين شدوا بيه في المحظور ... وفتحوا علي الجبهة لهايب نار
و" الكريكشي " طامع مع الشاقور ... راحت وزارة ومن التحالف طار.
** قوقلنا شن صار ... الطاغي رحل ما عاد فيه اعذار ... نبو نفهموا**
*****
