اريد الخطوات من وصولك مطار تورنتو حتى الاستقرار وبداية الدراسه

السلام عليكم .أخوتي شباب ليبيا الحبيبه ارجوا من احدكم ان يشرح لي الاجرائات التي ساقوم بها من وصولي الي المطار حتي الاستقرار وبداية الدراسه .ارجوكم بتفصيل جميع الاوراق التي سوف اقوم بها مع العلم انا مرافق لزوجتي الموفده للماستر ولدي طفله 1.4سنه .مع تمنياتي للجميع بالتوفيق

شكرا أخي وجزاك الله الف خير.بس حبيت أسأل عن التأمين الصحي كيف .وأيظا عن عنوان معهدilac في اي شارع .واذا كان الطالب اكاديمي هل الافضل يدرس في معهد تابع الجامعه لفيها تخصصه بمعني هل يعطوا فيهم مصطلحات وماشابه او عادي زي اي معهد خاص .وشكرا جزيلان وبالتوفيق

بالنسبه للتامين الصحي اول ما توصل وتبعت الاوراق الي قتلك عليهن المكتب الكندي يبعتلك الاوراق امتاع التامين الصحي
اما معهد ilac يقع في Yonge Street في وسط المدينه (downtown)

https://maps.google.com.ly/maps?hl=ar&ie=UTF-8&q=ilac+toronto&fb=1&gl=ly&hq=ilac&hnear=0x89d4cb90d7c63ba5:0x323555502ab4c477,Toronto,+ON,+Canada&cid=0,0,14955068334891725378&ei=gS-AUKyALujkywHfiIHoBg&ved=0CIwBEPwSMAA

بصراحه ما عنديش فكره علي مستوى المعهد بس تقدر بعدين تغير الي معهد اخر

السلام عليكم ... بالنسبة لمعهد ILAC اني كنت ندرس فيه ... واليوم بس حولت لجامعة جوروج ابراون ودير بالك اتقول لي ليش حولت ... في المطار خللي امعاك قبول المدام والباقي كله ساهل .. تبع الناس بس تلقى روحك تام كل شي بالنسبة للمطار ... وحكاية السكن راهي اشوية صعبه معناها دير حسابك السكن في فندق ايامات ... ربي ايعاونك

ايجارات شقق فى تورنتو شراء سيارات مستخدمة و غيره انصح بالموقع هذا

http://toronto.kijiji.ca/

السلام عليكم. اشكركم أخوتي على الردود بس انا وصلني خبر ان التغيير من معهد خاص الي معهد تابع لجامعه بدى صعب خاصه يكون في مدينه تانيه وان جماعة الهجره والجنسيه راح اديرولي مشكله .هل هذا الكلام صح .وشن تنصحوني. وشكرا جزيلا وفي حفظ الله.

السلام عليكم ... اني ما صادفنيش حد قال لي ليش غيرت من معهد لمعهد بعدين مكتب CBIE لو يعرف ان فيه مشكلة ليا كان قال لي جاي على اساس قبول لغة في جامعة تورونتو ماصارش حولت لمعهد ILAC ولاثنين الجاي بادي بعون الله في جورج ابراون وربي ايعين الليبيين والله الحياه صعبة اشوي

بالتوفيق للكل وربي يعننا

awity كتب:

السلام عليكم ... اني ما صادفنيش حد قال لي ليش غيرت من معهد لمعهد بعدين مكتب CBIE لو يعرف ان فيه مشكلة ليا كان قال لي جاي على اساس قبول لغة في جامعة تورونتو ماصارش حولت لمعهد ILAC ولاثنين الجاي بادي بعون الله في جورج ابراون وربي ايعين الليبيين والله الحياه صعبة اشوي

منذ سنوات انتقلت من جامعة الى جامعة دون اخبار الهجرة الكندية لم عرفوا بالامر عملوا مشكلة كبيرة ليش لم اعطهم علما..ممكن الامور اسهل توا..لكن لازم الواحد يتأكد من المكتب الكندى....لان لو انك اخذت التأشيرة من السفارة الكندية فى ليبيا لغرض قبول لغة تحصلت عليه من جامعة تورنتو (هذا يعنى انهم يعرفوا مكن دراستك و سكنك فى تورنتو) و عندما تصل الى كندا تذهب الى مكان أخر دون اعلامهم (اى انهم لا يعرفوا مكانك) فعندما تجدد التأشيرة و تضع عنوانك الجديد فممكن يعملوا لك مشكلة.... من الاخير بحكم اقامتى فى كندا لمدة طويلة (كل شئ و لا اللعب مع الهجرة الكندية).. انا شخصيا اعرف عى الاقل خمسة طلبة ليبيين تم طردهم لتجاوزات مع الهجرة الكندية... واذكر ان احدهم يدرس طب ذهب زيارة لليبيا معاش خلوه يدخل لكندا