التأشيرة الكندية

نفس الموضوع حتى اني قدمت علي التأشيرة من 4\7\2012 و درت الكشف الطبي يوم 14\8\2012 و بعدها بي شهر راسلتهم قالولي الحالة الجنائية ناقصة واني عطيتها للمكتب متاعهم في طرابلس بس شكلهم ريحوها . المهم عاودت بعثتها من جديد من اكثر من اسبوعين و لعند الان مافيش اي رد منهم. وقالولي راح انردو عليك لما انكملو الملف متاعك بس لعند الان مافيش شي و مش عارف شن الحل معاهم هل من نصيحة يا شباب

امشي للسفارة اسأل احتمال كبير اتكون جاهزة ... لان صديقي قعد يستنى فيها فترة ولما امشي للسفارة القاها من شهر واتية

حتى انى يا خوى ليا توا شهرين و25 يوم ....مازال ماردووش عليا وكل مانبعت ايميل ايقولولى اوراقك مازال فى البروسس ولما تجهز تو نكلمووك......وانى مقدم على تاشيرة زااائر...وللعلم انى واخدها التاشيرة قبل 3 مراات ....وشكله مش انى ويااك بس هلبا غيرين ليهم اكثر من شهرين ايرااجوا....يا ريت حد من المنتدى يحكيلنا شنى صااير والا هل فى ورقة من اوراقنا نااقصة.

ممكن تتصل

لو الاجراءات سليمة في العادة تأخذ 6 اسابيع والله أعلم

السلام عليكم
انا نعاني نفس المشكله بس انا كل مره يبعثولي يبو ورقه جديده للسفاره الكنديه في تونس وانا مقدمه من 7-7-2012

السلام عليكم
انا لي من شهر 5 مقدمة ويوم 18/6/2012 درت الكشف الطبي ولم اتلقى اجابة الى الان ويا ريتهم يردوا على الايميلات
حسبنا الله ونعم الوكيل

اني عرفت حاجة لما قدمت وهي انك ما اتكثرش من الايميلات هذي القصة تجعز فيهم ... لو ان الكنديين ما يبوكش مش متحشمين ايقولو لك لا وخاصة هللي دار الكشف الطبي ... هما عنهدم استراتيجيات مش يعني قانون شهرين وتوصلك التأشيرة الكندية مرتبطة بالوضع الداخلي في بلادنا وهذي معلومة متأكد منها لما قدمت ع التأشيرة فاتت شهرين بططريقة معينة وصلت لمعلومة ان الكنديين يستنو في انتخابات ليبيا هضاك الوقت كان الانتخابات مازال عليها ايام ولما مشت الانتخابات على خير واستمرت الحياه السياسية في ليبيا بسلام ممكن بعد الانتخابات بثلاثة او اربع ايام بعثو لي ايميل ... الصبر ولا داعي للايميلات لا داعي

االسلام عليكم انا قدمت علي التأشيرة من اربعة ايام المهم الاموار تمام والاوراق تمام الاورقة واحدة وهي ورقة دعم التأشيرة من المكتب الكندي المهم والسؤال لمن له تجربة هل من الضروري ان احضر انا هذه الرسالة او تصل الي السفارة عن طريق الايميل اعني هل احضرها انا شخصيا باليد او من الممكن ان تصل الي السفارة مباشرة من المكتب الكندي ولكم مني جزيل الشكر والعرفان.

همام سالم كتب:

االسلام عليكم انا قدمت علي التأشيرة من اربعة ايام المهم الاموار تمام والاوراق تمام الاورقة واحدة وهي ورقة دعم التأشيرة من المكتب الكندي المهم والسؤال لمن له تجربة هل من الضروري ان احضر انا هذه الرسالة او تصل الي السفارة عن طريق الايميل اعني هل احضرها انا شخصيا باليد او من الممكن ان تصل الي السفارة مباشرة من المكتب الكندي ولكم مني جزيل الشكر والعرفان.

لالا خوي الأحسن انك ترفعها بنفسك ليهم وأصلا حتى المكتب الكندي لما يبعتولك الرسالة يقولولك أنهم مش ح يرسلولها للسفارة وانت لازم ترفعها بإيدك والأفضل أنك تسرع فيها لأنها مهمة جدا جدا ف اتمام الإجراءات ,,,, وموفق

اخي المهندس هل انت في كندا لان

حتى لو اخدو منك الملف بدونها وتمشب الامور لغاية اخر لحظة راح يطلبوها منك وممكن انك ترسلها بعدين في الايميل ,,, ممكن تستفيد من الوقت اذا متوقع ان المكتب الكندي راح ايعطلو اعليك برى قدم واول ما توصلك الرسالة من المكتب الكندي ارفعا باليد للسفارة واتكون عارف تاريخ تقديمك للاوراق في السفارة

You are lucky that there is a Canadian embassy in Libya. Old days, I had to go to Rome three times to get my student visa

اخي همام

انت مشيت بموعد لما قدمت ع التأشيرة والا من غير موعد ؟

وشن هي الاوراق الي طلبوهم منك؟

وكيف حصلت على الابليكيشن فورم ؟

سحبته من الموقع والا دزوه على ايميلك؟

كثرت الاسئلة شكلي

سامحني

اختي استار مع ان السؤال مش موجه ليا بس انحاول انفيدك احتراما للوقت
بالنسبة للموعد تمشي يوم تأخد موعد عادة ف نفس الاسبوع

بالنسبة للأوراق الأساسية ابحثي على موضوع متطلبات الفيزا الكندية تو تلقي صورة من ورقة بالمتطلبات

الابليكيشن فورمز الي هما تحديدا فيزا مؤقته وادن دراسة و بيانات العائلة تقدري اتنزليهم من الموقع اونلاين

تحياتي

اذا انت في طرابلس نبعثك لمكان ممتاز ايعبي لك الابليكاشن وايساعدك في كل شي ... ومن المطلوبات على اساس انك عازب فرضا
القبول ورسالة الدعم المالي من البعثاث ومكتب السي بي اي اي ورسالة تزكية براءة يعني من المجلس العسكري وشهاداتك وصورة من جوازك الجيهتين والابليكاشن طبعا واربع صور شمسية واشوية افلوس ونتمنى انكون ما نسيت شي لا تنسى ... كل شي ايكون مترجم بالانجليزي

مكتب مقابل البعثاث تماما اسمه الدكتور عبدالسلام راجل طيب وممتاز وصاحب خبرة وماهواش مادي ... بخصوص الموعد لازم تمشي مشي اطلع منها حكاية التلفون

اذا شوف لك حد من طرابلس ايدير لك الموعد ... سؤال انت ليش اخترت كندا وما هو تخصصك

السلام عليكم
شكرا للجميع علي الرد
الحمد لله حصلت الفيزا الاسبوع يلي فات بعد انتظار 4 اشهر ... العقبة لكل يلي ايراجووووووووووو والله ضغط نفسي

بالله للطلبة يلي قاعدين في كندا حاليا المنحة للعازب في كندا ماعاش فهمنا قديش يلي يعرف ايقوووووووووووووووووووول

اني متجوز وعندي اطفال والمنحة 2700 بعد خصم اقساط القرض

الف مبروك اخي latiwesh على صدور التاشيرة عندي بعض الاسئلة: هل ارسلوا ايميل من السفارة في تونس لاني اشك انهم نسوني فانا مقدمة من حوالي 6 اشهر
بالتوفيق ان شاء الله