من شيفلد ....كل العام وانتم بخير ....عودة والعود احمد ..

كل سنة والموفد واعضاءه بخير .....بدانا في الاستقرار اللحمد لله ...العقبة للباقي .....فضلا هل هناك اخبار عن تذاكر التفويض 14 ؟

بارك الله فيكم

كل سنة وانت بخير حمدلله علي السلامة وكيف الاجواء في مدينة شيفلد

اللحمدلله ,,انا عجبتني المدينة هلبة ,,,خاصة لان فيها جالية مسلمة ...المدينة الخضراء ....الصغار شادينا اسواق ..ويتعلموا ...اللحمد لله ....بس برد هههههه قالللولي اصحابي را ريت شي من الصقع

شكرا اخت فرح

الحمد لله على سلامة الوصول

وبالتوفيق ليك ان شاء الله

وتو نديرولك زيارة في شيفيلد :-)

وبخصوص التفويض معنديش معلومة تو الشباب ميقصروش

وانت بالف خير

صديقي انتظرونا الاسبوع القادم

سوف نلتحق بكم في مانشستر

حمد لله على سلامة الوصول خوي الكريم

لو تبي اي مساعده يا ريت ما تترددش

محمد لاصيبعي كتب:

حمد لله على سلامة الوصول خوي الكريم

لو تبي اي مساعده يا ريت ما تترددش

كنت نعم العون ...وليس غريبا عليك ....سالناك فاجبت وابدعت ....بارك الله فيك اخي محمد وماقصرتش

السلام عليكم الحمد لله عالسلامه و نسأل الله لك ولكل طالب علم التوفيق و السداد , اخي هل تدرس لغه او اكاديمي في تشيفلد؟؟؟

الحمد لله عالسلامة اخ ليبيا المستقبل
حتى اني المدة الجاية ان شاء الله جاية لشيفيلد بالله نبي نسال علي اسعار البضائع كويسة والا غالية كان هذا بنشري من غادي وخلاص لاني عندى زوز صغار وماخاطريش في التكركير شنو رايك؟؟
الايجارات حتى هي اما احسن السنتر والا الاماكن المحيطة؟؟ياريت كل الاخوة يتفاعلو مع الموضوع

شنو ما فيش رد ؟؟

Heba2008 كتب:

الحمد لله عالسلامة اخ ليبيا المستقبل
حتى اني المدة الجاية ان شاء الله جاية لشيفيلد بالله نبي نسال علي اسعار البضائع كويسة والا غالية كان هذا بنشري من غادي وخلاص لاني عندى زوز صغار وماخاطريش في التكركير شنو رايك؟؟
الايجارات حتى هي اما احسن السنتر والا الاماكن المحيطة؟؟ياريت كل الاخوة يتفاعلو مع الموضوع

البضايع اختي علي قداش عندك,, يعني فيه الرخيص و المتوسط و الغالي,, و الافضل تشري من هني... الايجار الافضل انك تكوني قريبه من مكان القرايه,, و كل ما قرب للسنتر كلما افضل...

شكرا جزيلا اخ محمد....

السلام عليكم ورحمة الله وبركاته اخي الكريم محمد لاصبيعي والاخوه الاعضاء انا محتار بين شيفيلد ومدن اخرى معليش نتعبكم معايا نبي معلومات كامله عن المدينه الطقس السكن من حيث الجوده والايجار والتسوق وكل شي اذا امكن ولكم جزيل الشكر

الطقس يعتبر صقع في الشتي و معتدل في الصيف
الايجار مش غالي هلبا,, و التسوق فيها مكان كبير للتسوق اسمه ميدا هول .. تلقى فيه الي تبيه
و كذلك فيه مركز المدينه فيه محلات هلبا...اختار شافلد من لاخير ما ادوخش راسك ..

محمد لاصيبعي كتب:

الطقس يعتبر صقع في الشتي و معتدل في الصيف
الايجار مش غالي هلبا,, و التسوق فيها مكان كبير للتسوق اسمه ميدا هول .. تلقى فيه الي تبيه
و كذلك فيه مركز المدينه فيه محلات هلبا...اختار شافلد من لاخير ما ادوخش راسك ..

صراحة شيفلد رائعة في كل شي ...اللحمد لله

ماترفعيش شي اول ما توصلي شيفلد امشي طول الي التج هيوج ولا البري مارك وعلي قيس فلوسك تشري خوك ليه 6 سنوات في شيفلد ومتصدقيش حد يقولك كركري كل شي زي ما صارلي في 2006

شكرا يا اخي فرج بارك الله فيك... وشكرا لكل الاخوة الكرام....

السلام عليكم ورحمة الله وبركاته الاخ محمد الاصبيعي والاخوه الكرام في مدينة شيفيلد لو امكن ان تساعدوني في معرفة اذا يوجد مدرسة ثانوية تخصص ثانويه طبيه في اسرع وقت للاهميه ولكم جزيل الشكر

السلام عليكم شن يا جماعة شيفيلد مافيش حد عنده معلومه

السلام عليكم اخوتي انا اسال عن الايجار شقة غرفتين وحديثة تتراوح من كم لكم لاني انا ادرس في كاديف ونخطط نبي نحول لشفيلد. افيدوني وجزاكم الله كل خير