نصائحكم للي بدؤا شد الرحال الى كندا!!!!

[السلام عليكم
أحتاج نصائحكم للطلبة اللذين يتجهزون للسفر . ما هي الاشياء التي يجب ان يأخذوها معهم ؟[اللابتوب هل اذا مليان ملفات سيسبب في تعطيل واسئلة في المطار ؟ يعني الواحد ينقل ملفاته على هارد ديسك أفضل ؟
هل تتوفر كتب لتعليم الاطفال اللغة العربية ام نأخذوا معنا ؟
الملابس رخيصة و لا نأخذوا من ليبيا ؟ كرت التطعيم هل نترجمه عند مترجم قانوني ؟
حجز شقة مؤقت : هل نحاولوا الحجز في فندق من النت أو لما نوصلوا نحصلوا على طول ؟
أرجو المشاركة من اصحاب الخبرة ولكم خالص الشكر والتقدير مع العلم اننا سنسكن في واترلوا - اونتاريو .

السلام عليكم ... اني ما نعرفش واترلو ... اني في تورونتو ... كل شي موجود في كندا ما دام جيبك امعبي واي شي اتجيبه امعاك اينقص عليك المصروف اي شي تقدر اتجيبة امعاك جيبة لان الحكاية اشوية غالية .. بالنسبة للاب توب حط فيه حتى البلاء الازرق لانهم مش حيفتحوه ولا ايجو شورة .. لعلمك اني لا فتشوني ولا شافي شن امعاي نهائي لدرجة استغربت ولما جيت خاش للمطار اخدت مني الموظفة ابليكاشن الدخول وختماته بدون اي سؤال ولم تقراه حتى .. النشدة في الهجرة لازم ايكون امعاك صورة من القبول لا غير ...اذا عندك من ايوفر لك سكن افضل .. بس صعب انك اتحصل شقة لفترة قصيرة الافضل تمشي لمكتب سياحي ويحجز لك ايام في واحد من الفنادق .... ((عبي جيبك عبي جيبك عبي جيبك)) الحكاية صعبة اشوية كروت التطعيم الافضل انك تترجمهم والملابس على الاقل جيب الداخليات والسراويل خاصة الجينز وكذلك ملابس الزوجة في الحوش اي حاجة اتجيبها مش راح تندم عليها .... وان شاء الله انكون نفعتك واي حاجة اتفضل يا خوي وربي ايعينك
































































))

شكرا اخي على الرد.
باهي كتب تعليم اللغة العربية للأطفال ؟ و مجسمات حروف عربية ؟
والآي باد كم يكلف تقريبا ؟ هنا بين 600 و 700 دينار ليبي نشروا من هنا ولا غادي ارخص ؟
أما الفلوس معش عرفنا عليش نبدو لذلك اللي في كندا أرخص ما عندنا عليش نكركروا فيه

ما فيش حاجة في كندا ارخص من ليبيا ممكن ما انقولش جيب امعاك تلفزيون او غسالة او كوشة بس الملابس العادية الافضل انها تنجاب اما موضوع الكتب العربية الحقيقة اني ما شفتش وما دورتش اصلا جبت امعاي كتابات من ليبيا الكمبيوترات ارخص من غادي والايابدات 2 و 3 ما بين 300 الى 700 دولار ننصحك تشري من اهني .. والباقي ما نعرفش زي شني يعني ... الي اتكركرة من ليبيا وايتعبك في المطار افضل من انك تشريه من هنا ... ولكل وجهة نظرة

يستر الله . و ربي يعين الجميع على المصاريف فعلا المنحة قليلة ... أوكي بس من كلامك غيرت حاجات واجد هنا يضحكوا علينا يقولولنا ما تشيلوا شي ؟؟؟؟؟؟؟لكن جهدنا و ما يجيب ان شاء الله

ربي ايعين كل الليبيين

مشكورين أخوتي على الردود
بالنسبة لدواء الحرارة قالولنا لا يسمح بحمل اي سائل أكثر من 20 مل يأخذوه منا . هذا الكلام بعد 17-فبراير . حتى علبة شامبو أو كريم ممكن ياخذوها ؟ باهي من يعرف حضانة أطفال رخيصة او بيبي سيتر يعطيني رقمها ؟

حتى العطور والمشروبات الغازية عنها حجم محدد

السلام عليكم ،،

اختي ام فاطمة الباين من سؤالك هذا ان التفويض المالي صدر آخيرا ، انا تحصلت علي التأشيرة والحمد لله وحبيت نسألك عن الفترة التي اخداه تفويضك كم بالضبط ؟ وهل حاتستني تذاكر السفر من البعثات (نعرف انها أخذ وقت طويل) وإلا حا تسافري علي حسابك ؟؟

موفقة ان شاء الله ... وشكرا مسبقاً

الفترة اللي يأخذها التفويض من اليوم اللي يوصل فيه ملفك لبعثات طرابلس (إذا كنتي من خارجها )من اسبوعين لثلاثة .أنتي وحظك
للأسف حجزنا تذاكر على حسابنا لأن لحد الآن ما اشتغلوهنش ومش باين شي .
أختي ام عمر اذا عندك اي اسئلة تخص اجراءت الايفاد ارجو ان تكتبي الموضوع في منتدى اجراءت الايفاد لتعم الفائدة و حتى أنتي تلقي الكثير مثلك يردوا عليك

منحة العازب 2300 و المتزوج 2700 و الدولة الكندية تعطي في منحة شهرية لكل طفل ... قولو الحمد لله فيه واجدين يتمنوها و حاولو كيف تمشو اموركم بيهن مع انهن والله كافيات و بزيادة خاصة للعازب

نبى نعرف هل من الممكن ان نتقل من جامعة الى اخرى ان اتحيت الفرصة لذلك وهل انحصل قبول اكاديمى بعد دراسة اللغة على طول فى تخصص تمويل ومصارف

اذا تقصد اللغة ممكن انك تنتقل من مكان الى مكان ... بس شن الهدف من هالانتقال الافضل انك تقرر مكان محدد وتبدأ فيه ... لو يسيمعو بيك جماعة السي بي اي اي ما يعطوكش قبول

awity كتب:

اذا تقصد اللغة ممكن انك تنتقل من مكان الى مكان ... بس شن الهدف من هالانتقال الافضل انك تقرر مكان محدد وتبدأ فيه ... لو يسيمعو بيك جماعة السي بي اي اي ما يعطوكش قبول

Why do you think so????

he can transfer of course but he should consider time limits.