ارجو الاجابة سريعا

معليش يا اخواني اللي عندهم خبرة بنسال لو انا حصلت قبول لغة ومن معهد معين وحصلت على دعم للتاشيرة من البعثات والمكتب الكندي بهذا القبول بعدين حصلت قبول من معهد اخر اقوى هل في اشكالية مع البعثات او المكتب الكندي بالله ارجو الرد سريييييييييييييييييييييييعا
شكرا

أخت أم كلثوم التعامل مع المعاهد سيكون بعد وصولك إلى كندا ..بمعنى لما توصلي بالسلامة إن شاء الله المكتب الكندي حيطلب منك قبول المعهد حتى يتواصل معه ...حينها بإمكانك إعطاء المكتب الكندي أي قبول تبيه .....

لا ماهو مفروض ناخد منهم الدعم عشان التاشيرة بالقبول اللي حصلته ففنخاف نغير تتعقد الحكاية باهي لو بديت في معهد غادي ومعجبنيش عادي نغير غادي والا مافيش امكانية

إدارة البعتات لا يهمهم القبول من أي معهد

المهم عندهم انك تحصلت على قبول

وهم يطلبوا منك صورة من القبول للتأكد من أنك تحصلت على قبول ليس الا

اللي يهمها القبول من اي معهد بالظبط السفارة اللي بتدفع يعني يهمها لمن تدفع بالظبط

تحياتي وربي يوفقك

ياأخت أم كلثوم سأسألك سؤال : متى سيتم إعطائك المنحة ؟ الجواب : أكيد عندما تصلين إلى كندا ....بمعنى التعامل المالي مع المعهد سيكون بداية صرف المنحة لك الققبول في الإجراءات شيء روتيني زي متقولي مسألة ربط مع معهد ...وحتى لوبديتي تقري في المعهد وبتغيري يحقلك وبعدين المكتب الكندي حيتعاون معك لأبعد الحدود ..... ...

بالنسبة ليا شخصيا اني جيت عندي قبول من جامعة تورونتو ولاني تأخرت ما رضوش ندرس امعاهم حولت لمعهد قعدت فيه اسبوع ما عجبنيش حولت لكلية جورج ابراون ... اللي ما ايحباش المكتب الكندي انك تبعث الهم القبول واتقول اني نبي نقرأ في المعهد هذا وهما يعطوك رسالة الدعم المالي بعدين اتقول ما صار ليش هذي ما ايحبوهاش اني قريت اسبوع في المعهد لما جيت بنوقف قالو لي المكتب الكندي جيب رسالة من المعهد اتقول انك سكرت ملقك ولما قلت للمعهد اعطوني رسالة نبي انوقف قالو لازم تفع 430 دولار عن اسبوع دراسة ... بعثث رسالة للمكتب وبلغتهم في الاخير وبعد عدة رسائل المكتب تحمل التكاليف ... المهم السرعة في القرار لا خاصة لما اتكون هنا في كندا ... ريب ايعننا جميعا