للدارسين في كندا هل تنصحوني باختيار كندا للدراسة

انا طالب موفد وقد اخترت أستراليا في البداية وبعد الجري والورق والتأشيرة وانتظار صدور التفويض قالولي البعثاث وبكل بساطة ساحة أستراليا مقفلة المهم عنذي خيار اﻻنتظار ولغير معلوم المدة او تغيير الساحة
وقررت اختيار الدولة كندا واحتاج مساعدتكم بالنصح بخصوص التالي
امكانية الحصول على قبول اللغة والقبول اﻻكاديمي في الكمبيوتر ماجستير
الحصول على التأشيرة هل هو معقد
المعيشة خصوصا اني معي عائلتي مكون من طفلة عمرها سنة
ومن خﻻل تجربتكم هل تنصحوني باختيار كندا
ولكم مني خالص الدعوات

لا انصحك غاية هلبة دولة تفليس شوف بريطانيا

مشكورة على الرد اختي الفاضلة
بس ياريت توضحيلي اكثر عيوب ساحة كندا لو كنتي طالبة هناك ﻻنه بالنسبة للغﻻء فطلبة أستراليا يشتكون من الغﻻء ايضا
تمنياتي لك بكل التوفيق

السلام عليكم
انا مقدم على الدكتوراة فى كندا بأذن الله
وكنت حضرت الماجستير فى ماليزيا على حسابي الخاص
انا سألت ناس قبلي كاينيين فى كندا
ومحضرين دكتوراه وناس متعلمه وفاهمة الوضع كيف كاين فى كندا من ناحية الدراسة والمصروف

اولا : بلاد قراية ... يعني ثني ركبة وشد وقراية صح و90% من الجامعات الكندية ذات مستوى اكاديمي عالى
ثانياً: المشكلة الاساسية اللى ممكن تعاني منها غادي هى البرد الشديد فى فصل الشتاء ونحن مش متعودين عليه وعلى الحبسة فى الحوش
ثالثاً : المنحة كافية بالنسبة للشخص اللى عدد افراد عائلته مثلاً ثلاثة وتعتمد على كل شخص والمكان اللى فيه
الدولة تعطي فى مساعدات لكل طفل .يعني كل طفل عنده راتب ينزله فى بداية كل شهر وهذا من الدولة الكندية وليس له علاقة بالمنحة

ارجوا اني انكون وضحت بعض النقاط واى سؤال نقدر انجاوب عليه ... انا حاضر

مشكور ياخوي alhusain ووفقك الله في دراستك وجزاك الله الف خير على الرد ﻻنه الواحد يفرح وين يردوا عليه وهو في حيرته
وواود ان أسألك عن مدى تيسر اﻻمور وتعقيدها مثل التأشيرة الطالب والمرافقين و الحصول على قبول اللغة واﻻكاديمي ﻻني عنذ اختياري ﻻستراليا في البداية والله دهشت بين القبول والتأشيرة اللي خدت حوالي شهرين باش طلعت وفي اﻷخير ماصار شي
ولك خالص التحيات

الشكر الجزيل للمعلومات اللي قدمها الاخ الحسين .... بس عندي تعليق ان المنحة الخاصة بالاطفال تكون من بعد تواجدهم في كندا سنة ونصف .... ثانيا القبول الاكاديمي شبه مستحيل من خلال المعلومات اللي نلقى فيها قدامي والاشخاص اللي قبلي هنا ... ثالثا بلاد بعيدة بعيدة جدا وغالية غالية غالية جدا جدا ... والتأشيرة معقدة وتاخد وقت طويل من يوم اتقرر ممكن تبي من 5 الى 6 شهور هذا اذا صار منها ... انا ارى انه لا داعي لتحمل كل الذي ذكرته بريطانيا افضل من كل المقاييس وهذا ايضا من خلال تجارب الاخرين ... صديقي حضر الماستر في الهندسة في بريطانيا وايحب ايكمل الدكتوراه هنا في كندا ايقول مافيش مقارنة بين كندا وبريطانيا ... وهذي وجهة نظري المتواضعة ولو خيرت من جديد حأيكون الاختيار بريطانيا

اخي رحومه اتمنالك كل التوفيق في اختيارك للدولة البديله

انا ليس لدي اي فكره عن كندا ولكن حبيت انصحك ببعض الساحات الاخرى ونعطيك مميزاتها في حالة ما صارلكش من كندا او انها ما عجباتكش.
- انصحك بقبرص اليونانية، ليش؟ لان فيها جامعات بريطانية على مستوى عالي اكاديميا، مستوى المعيشة فيها ممتاز خاصة للعائلات وتقدر توفر نصف المنحة، الدولة هدي تبع الاتحاد الاوروبي وجامعاتها معترف بيهم على مستوى دولي، الامان فيها عالي واحترام الاديان ايضا.
- انصحك ايضا بقبرص التركية، فيها جامعة اسمها جامعة شرق البحر المتوسط وهي الجامعة الوحيدة تقريبا اللي فيها، وهي معترف بيها من الاتحاد الاروربي ومن مركز ضمان الجودة في ليبيا ومستواها الاكاديمي عالي، يدرس بها حوالي 100 طالب ليبي ومستوى المعيشة في هذا البلد ممتاز بالنسبة للمنحة الليبية، الايجار رخيص ومطلبات الحياة ايضا وغيرها من المميزات.
- انصحك ايضا بتركيا، فيها جامعات ممتازة تدرس باللغة الانجليزية والمعيشة في تركيا ليست غالية وفيها ايضا مدرسة ليبية لصغارك.

أسأل الله لك التيسير والتوفيق

اللي قال برى لقبرص هذا نعتبر انه فعلا ذكي ... بكل المقاييس ابلاد ممتازة فكرت فيها قبل بس الله غالب ربي اعماني وانهبكت في كندا وربي ايعاون .... غمض اعيونك وتوكل على الله قبرص طول

يا ريت نبو اراء اكتر بجد خوفتوني من كندا في ناس هلبة يشكرو في مستوى التعليم واناس والغلاء الكل غالي حتى امريكا وبريطانيا

awity كتب:

اللي قال برى لقبرص هذا نعتبر انه فعلا ذكي ... بكل المقاييس ابلاد ممتازة فكرت فيها قبل بس الله غالب ربي اعماني وانهبكت في كندا وربي ايعاون .... غمض اعيونك وتوكل على الله قبرص طول

اى قبرص تقصد يااخى والله حيرنا

تي كندا خيار مش عاااااااااااااااااااااااااااااااااااااااااااااادي يا ناس يلي يبي يتعلم و يلي ماشي يبي ايلم فلوس و ايروح لي ليبيا ايفكه من كندا....... كندا تبي ثني اركاااااااااااااااااااااااب و قرااااااااااااااااااااااااااااااااية و ختطلع بي شي كويس

والله الواحد زادت حيرته لكن ياريت لو حد يقرأ في جامعة Waterloo في كندا يفيدني ﻷني اﻷغلب نختار كندا مع اني نتمنى تفتح أستراليا ونفتك من كل هالحيرة
وبالنسبة لقبرص تقريبا مقفلة

دعواتي للجميع بالتوفيق

لا اخي ليست مقفله .. اذا كنت تريد قبرص التركية فعليك ادراج تأشيرة طالب من السفارة التركية (يعني وكأنك تبي تدرس في تركيا) في ملف التفويض الخاص بك لان قبرص التركية تتبع الساحة التركية، واذا كنت تريد قبرص اليونانية فهي مفتوحه وعندها سفارة في طرابلس ( في شارع الظل تقريبا ) وعندنا سفارة ليبية في نيقوسيا وعندنا طلبة ليبيين يدرسوا غادي والامور عادية جدا.

مشكور ياخوي عالتوضيح وجزاك الله ألف خير

في حالة اختيارك كندا نعطيك المشاكل اللي ممكن اتصادفك وممكن لا انت والحظ
1_ شروط القبول الاكاديمي صعبة جدا وزيادة محددودية العدد هي المشكلة
وبعدين غلا المعيشة وبعدها الشديد من ليبيا وارى ان كل ذلك كفيل لن ايخليك اتزيد اتفكر

السلام عليكم
اخوتنا الليبين الدرسين في كندا ., نرجوا منكم التوضيح بشان القبول الاكاديمي لطلبة الدكتوارة . ماذا نسبة القبول في الجامعات الكندية في التخصصات الهندسية مع العلم انني :
1- تخصص Information and communication technology
2- my CGPA 3.30
3- Malaysia University
و ياربت نعرفوا معلومات حول مقاطعة بريتش كولمبيا
نرجوا منكم الايضاح اذا لديكم معلومات حول الموضوع هذا . بصراحة موضوع القبول الاكاديمي سببلي صداع و أرق .
و شكرا علي حسن تعاونكم و بالتوفيق

اني من وجهة نظري ان كل كندا زاي بعض بس العلوم الهندسية اهون حال