تقديم الفيزا الى المانيا

اهليين اخواني واخواتي

عندي استفسار عن الحصول على موعد في السفارة الالمانية بطرابلس بخصوص موضوع الفيزا
كاتبين في الموقع لابد من الحصول على موعد مسبق قبل القدوم للسفارة ,وعندما ادخل على اللينك يعتيلي تواريخ على اساس ان اقصى مدة يمكن الحصول موعد فيها 31 من ديسمبر وعندما اختار التاريخ يعتيلي ان المواعيد ممتلئة في هدا اليوم جربت جميع التواريخ بس لافائدة هل مشكلة من الموقع او حقا لا استطيع التقديم على الفيزا قبل نهاية ديسمبر , يعني مستحيل اصلا اتكون جميع المواعيد ممتلئة علما باني شفتها قبل شهر والقيتها نفس المشكلة .. يا ريت لو فيه تفسير او حاجة , واني بنقدم على فيزا لدراسة بكالوريوس يعني طويلة الامد ..

السلام عليكم
ايوة المنظومة الى يخجمو بيها هكى و فى الغالب تفتح فى بداية شهر 12 لاخذ المواعيد لشهر 1 و 2

باه معناها نمشي للسفارة طوول حتى نتحصل على موعد ونقدم عالفيزا ؟؟

السلام عليكم اخي السائل بالنسبة للسفارة الالمانية لا توجد بها مواعيد مقابلة الي سنة 2013 وجتي سنة 2013 يجب عليك ان تواضب دائما علي النت لكي تاخد موعدك عند البدء فيه لانه في هلبا ناس تستني بين مرضي وطلبة والاشهر بسرعة تتعبي والالمان ما فيش ابيخ منهم ..وتقدر ادير حاجة اخري ننصحك بيها بحكم التجربة وهي انك تبعتلهم رسالة (لكن باللغة الالمانية ) موجها للقنصل شخصيا وتشرحله فيها ظروفك لو ان دراستك بتبدا قريب. ممكن برضو تستعين بالشباب اللي في مكتب ابابيل بجنب السفارة هم جدا خدومين وطيبيين
نتمني نكون افدتك وربي ايسهلك

ني نشوف انه ما فيش داعي تمشي للسفارة طول...خلي شغلك ع النت افضل واسهل خاصة لو تسكن بعيد

شكرا على ردودكم Almoraid and wafia pasha


بس هل من الممكن يعني جميع الحجوازات لنهاية شهر 12 محجوزة ومافيش امكانية للحجز , واني خاش عالموقع قبل شهر وكان كل محجوز لكن في تلك الفترة مادورتش لان في دلك الوقت مزال مش امقدم .. ويعني لو بنتستنى لنهاية شهر 12 حتى حجز موعد فاعتقد ان السنة شبه فاتتني لان الفيزا تبي على الاقل 6 اسابيع ,, يعني يا ريت لو فيه حل او تفسير

وشكرا ليكم

صباح الخير للجميع
يا وهيب انت ممكن كل يوم تخش للمواعيد مع بداية الدوم يعني جو التسعة او تسعة ونص وتفركس في المواعيد بالك تلقي حد لاغي موعده لانهم في العادة لما حد يلغي بعدها بايامات يكتبوا في مكان موعده انه موعد غير محجوز ..او تخليك في المنتدي هني وتسأل الشباب مرات فيه حد عنده موعد ويبي يلغيه لانه ما كملش اجراءاته