اللي عنده فكره يساعدني

السلام عليكم اللي عنده معلومة ع التأشيرة الكندية هل هيا صعبة اما عادية اني قدمت يوم 6_11 امتا يردوو عليا السفارة بالزبط وهل الكشف يمشي لفرنسا

السلام عليكم
المفروض بعد شهر او شهر و اسبوع ايردو عليك عشان اتدير الكشف الطبي و لو ما ردوش راسلهم عالايميل .... بعد الكشف الطبي هما راح ايقولولك شهر و نردو عليك بس عادي توقع تقعد شهر و اثنين و ثلاثة ... بالنسبة ليا 4 شهور بيش حصلت الفيزا ... موفق

والله انشاء الله بس انت امتا قدمت ومعقولة 4 شهور علي خاطر فيزا

اخي الفاضل latiwesh

السلام عليكم .. ارغب في سؤالك عن التأشيرة والكشف الطبي .. انا متزوج هل اصحب معاي اسرتي عن التقديم في التأشيرة ام اتقدم فقط بالمستندات لوحدي وعندما يطلبوا الكشف الطبي احضر اسرتي معي وهل الكشف الطبي يشمل اسرتي علما بان اسرتي مكونة من 3 اطفال اكبرهم 6 سنوات و4 سنوات وسنة واحدة

جزاك الله كل خير

السلام عليكم ... لما اتقدم ع التأشيرة لا داعي لجلب الاسرة بس حاول ان تكون جميع مستنداتك معاك بما فيها عقد الزواج مترجم ويفضل شهادات ميلاد مترجمة والابناء الذين في سن الدراسة لازم اتعبي ليهم نموذج الطالب ولما اتجي لكندا جيب امعاك بطاقات التطعيم وصورة من صحائف المدرسة الاخيرة مترجمة ... بالتوفيق

اخي ناصر , في التقديم إلى السفارة لازم ترفع معاك شهادات الصغار مترجمات لان زميل ليا مشي قالوله عليهم

اخي awity اختي Hind Almaghour
جزاكم الله كل خير وبارك الله فيكم عالمعلومة والنصيحة انا قاعد نستنى في التأكيد متاع المكتب الكندي واذا ماجاني اي رد الى يوم الاثنين بنتوكل على الله ونمشي لطرابلس للبعثات عشان التأكيد

دُمتم بود

السلام عليكم
الاوراق المطلوبة للسفارة
رسالة قبول من معهد لغة او جامعة في كندا بالنسبة ليا اني خديت قبول لغة من معهد كابلان و خلال 4 ايام كان عندي القبول
الدعم المالي للفيزا من المكتب الكندي .. المكتب الكندي بايخين و ايطولو بيش يعطوك الدعم المالي للفيزا بالنسبة ليا قعد اقل من 3 اسابيع لاني لما قعدو اسبوعين ما ردوش عليا بعثتلهم انهم تأخرو عليا و انهم ايعطلو فيا من غير سبب و اني بالشكل هدا راح تسيب كندا و ايكونو هما السبب ... تاني يوم القيتهم باعثينها ليا
الدعم المالي للفيزا يلي خديته من البعثات
3 ابليكيشنز بتعبيهم تاخديهم من موقع السفارة الكندية و هما
family information
application for study permit
application for temporary resident >>> schedule 1
بالنسبة للموعد لما قدمت اني كنا نمشو قدام برج طرابلس من 4 الفجر نسجلو في الاسماء في قائمة و نعطو فيها للسفارة و ياخدو حسب الاولوية في القائمة ... اما كيف توا بالضبط الله اعلم
رسالة من جهة العمل
الشهادات الاصلية متاعك و صورة منها
جواز السفر السفر
الحالة الجنائية الاصل و ترجمة
اني قدمت علي الفيزا يوم 4 شهر 7 و الكشف الطبي درته بعد شهر و اسبوع بالضبط من يوم التقديم ..... تحصلت عالفيزا و الحمد لله يوم 30 شهر 10 يعني تقريبا خدت مني 4 شهور.... بالنسبة للمدينة اني ماشي لمدينة تورنتو ان شاء الله بنقرا اللغة غادي ... بعدها بنشوف قبول اكاديمي و اني غادي اسهل من اني راسل جامعات من هنا
ياريت انكون افدت و ربي ايوفق

الكشف الطبي فيه دكاتره معينيين تتعامل معاهم السفارة الكندية لو انت في طرابلس الدكاتره هما
وائل هريشا عيادة التيسير منطقة النوفليين بالقرب من عيادة الاخوة .... 0927139195
حسن شيبليان عيادة ذات العماد في ابراج ذات العماد البرج الرابع الدور الثاني .... 0925529009
عبد السلام حمودة مركز السلام الطبي 0913112428
بالنسبة ليا اني درت عند الدكتور وائل ....... بيديرولك كشف انت و العائلة بالكامل طبعا .... ياخدو الطول و الوزن و عينة دم و عينة بول اكرمكم الله و يقيسولكم الضغط و ايديرولكم فحص عيون .. بعتالي تمشو لمصحة العافية في قصر بن غشير اتديرو صورة صدر و تجيبوها للدكتور وائل في مصحة التيسير . بعد اتكملو يعطوك في المصحة رقم بيش اتبع بيه الاوراق متاعكم علي شركة الشحن aramex لما يبعثوهن لي فرنسا بيش تشوف وصلن فرنسا او لا.

عبد السلام حمودة مركز السلام الطبي 0913112428
هو الافضل لان المركز فيه اشعة و مافي داعي تمشي لمكان اخر

اخي الكريم latiwesh
جزاك الله كل خير عن المعلومات المفيدة

فقط لدي استفساران

رسالة القبول هل لازم تكون الاصلية او حتى صورة

وبالنسبة لرسالة جهة العمل انا عضو هيئة تدريس بالجامعة شن الرسالة وبخصوص ماذا .. اني موفد وهل بالانجليزية

عذرا للاطالة

Assalam Aleykum

You can use a copy of your letter of acceptance at the Canadian Embassy. regarding the letter from the place of your work, this letter should indicate that you work as a teaching member at the university, and it can be in Arabic or English. if it is in Arabic you need to translate it, but if it is in English that will be better.
Good Luck

السلام عليكم :
لو سمحتو عندي بعض الاستفسارات
انا بنقدم علي فيزا وعندي قبول لغة سنة وبنمشي علي حسابي الخاص
بالنسبة لملفي جاهز ومعبي بس مش عارف الخطوات بالظبط لانها تجربة جديدة عليا وأنا مفركس هلبة ومش زابط شي !!
شن تنصحوني ندير ؟ وكيف نعبي النمادج وكيف تتم المقابلة وشن الاسئلة اللي في العادة يسئلو فيها ؟
وشن هيا الخطوات بالتفصيل وسامحوني لو بنتعبكم معاي ,,, تحياتي

hanan_canada
my Regardes for you

Good Luck

السلام عليكم اني قدمت يوم 6_11 الاوراق اللي قدمتهم قبول كلية سينيكا , اقرار من بوي انه يتكفل بجميع مصاريف الدراسة ,رسالة من الشركة اللي يخدم فيها بوي انه ياخد في مرتب 3500 دينار ومستثمر ب300 الف دينار عندي فيلا مأجرة لشركة ب4500 دينار ,, خلصت الكورس الاول للكلية وعندهم الواصل كشف حساب ب145 الف والتأمين الصحي والحالة الجنائية والشهادة الثانوي ومزرعة بطريق المطار . وعمري 18 هل الاوراق كافية الرجاء مساعدتي

السلام عليكم

في واقع الامر لا توجد مقابلة شخصية ولكن الموظف الموجود في السفارة يوقوم بالتاكد من ان كافة الاوراق مكتملة ويبتم تحويل الاوراق الى السفارة الكندية في تونس ويتم اصدار التاشيرة من هناك.

بالنسبة للاوراق ارى انها كافية وتحتاج الى شهادة ميلاد مترجمة ةتعبئة الابليكيشن

والسلام عليكم

ايه الحمد لله درتها حتي هيا وعبيت الابليكيشن وبارك الله فيك

nasser75 كتب:

اخي الكريم latiwesh
جزاك الله كل خير عن المعلومات المفيدة

فقط لدي استفساران

رسالة القبول هل لازم تكون الاصلية او حتى صورة

وبالنسبة لرسالة جهة العمل انا عضو هيئة تدريس بالجامعة شن الرسالة وبخصوص ماذا .. اني موفد وهل بالانجليزية

عذرا للاطالة

اخي ناصر بالنسبة لرسالة العمل يكون مكتوب فيها امتى بديت العمل معاهم و شنو و ظيفتك و انك حترجع للعمل في الجامعة و ان الجامعة حتعطيك اجازة لدراسة

السلام علييكم ياأخت هند هل أوراقي تمام الرجاء الاطلاع عليهم ومساعدتي

عزالدين الشاوش كتب:

السلام علييكم ياأخت هند هل أوراقي تمام الرجاء الاطلاع عليهم ومساعدتي

اخي عزالدين شكلك ماشي على حسابك , الصراحة ما نعرفش شنو الاجراء بالضبط , لكن انحس فيهم تمام , زيد شوف حد ماشي على حسابه

خويا اسف عالتطويل بس كنت في طرابلس ... عموما حتى صورة من القبول تمشي اني القبول مبعوثلي بالايميل اصلا مش ورقة اصلية .... بالنسبة للعمل ايه لازم تجيب ورقة من الكلية يلي اتدرس فيها تثبت انك استاذ فيها و كان بالانجليزي خيرلك و الا ترجمها و اعطيهم الاصل و الترجمة
موفق

السلام عليكم
هل رسائلة الدعم المالي للتاشيرة من البعتاث هي التي اتقدم بها للسفارة الكندية او ضروري من رسالة الدعم المالي من المكتب الكندي قبل

الاورق بعد الترجمة تصدق من الخبرة القضائية و الخارجية فقط و لا حتى التعليم

بالنسبة ليا اني صدقت من القضائية بس وقال لي الدكتور اللي داخل ما كانش فيه داعي للتصديق ... بس الخبرة القضائية والخارجية سادين

يطلبو في رسالة الدعم المالي من البعثاث ومن المكتب الكندي الزوز يبوهم