هنا اخبار التفويضات , والتذاكر ....

التفويض المالي كم يستغرق من الوقت عشان يصدر .. من تاريخ وضع الملف
عشان الواحد يعرف ويقدر ينسق موعد سفره ؟؟؟؟
1398d79b-3754-477f-9d62-b986ad57f4c1
1.03.01

السلام عليكم
اخر اخبار تفويض 28 اليوم الخزانة قالوا مجانا شي . قاعد في التعليم العالي والتعليم العالي قالوا بكرا يتحول للخزانة يعني الاحد تلقوا القوائم في الخزانة وهذه المعلومات الصحيحة لاني امشيت بنفسي وتأكدت وياريت اللي يكتب معلومة ايكون على بينة من الخبر يعني اتكون فيه مصداقية وبالنسبة للتذاكر مازال متحولوش القوائم اصلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم
شكرا يا قود
فعلا تم تنزيل فوائم تذاكر تفويض 27 و28 وسألت موظف البعثات قال تجهز التذاكر بعد اسبوعين ثم سألت موظف الوكاله قال لى بادن الله فى منتصف الأسبوع القادم . وربى يستر موغد الدراسة وصل .

ايوب كتب:

السلام عليكم
شكرا يا قود
فعلا تم تنزيل فوائم تذاكر تفويض 27 و28 وسألت موظف البعثات قال تجهز التذاكر بعد اسبوعين ثم سألت موظف الوكاله قال لى بادن الله فى منتصف الأسبوع القادم . وربى يستر موغد الدراسة وصل .

اخي ايوب اي وكالة تتكلم عليها انت شفت قوائم تذاكر تفويض 28 بعيونك لان اليوم راجعت عليهم ومفيش شي

اود الاسفسار عن التفويض 29 ومتى تتوقعون احالته الى الخزانة

بالتوفيق للجميع

السلام عليكم
بالنسبة للوكلاء . وانت خارج من الباب الخلفى للبعثات تجد امامك سياج حديد ادخل هناك تجد تلاث ااشخاص خلسين وراء شباك كل واحد منهم يتبع وكالة سفر والذى على اليسار عندهم تذاكر تفويض 27 .
اما بالنسبه لقوائم 28 لم اراها بعينى ولكن من حيوار دار بن طالب و الموظف فى مكتب التذاكر ان القوائم موجودة .
والله الموفك .
دعواتكم معنا

ايوب كتب:

السلام عليكم
بالنسبة للوكلاء . وانت خارج من الباب الخلفى للبعثات تجد امامك سياج حديد ادخل هناك تجد تلاث ااشخاص خلسين وراء شباك كل واحد منهم يتبع وكالة سفر والذى على اليسار عندهم تذاكر تفويض 27 .
اما بالنسبه لقوائم 28 لم اراها بعينى ولكن من حيوار دار بن طالب و الموظف فى مكتب التذاكر ان القوائم موجودة .
والله الموفك .
دعواتكم معنا

لو عند المكاتب هذين رقم تيليفون لاني من بنغازي و صعب التواصل

السلام عليكم
اليوم قوائم التفويض 27 و مجموعة بسيطة مختلطة من 27 و 28 معلقين اساميهم في قوائم التذاكر
و التوفيق للبقية

واخيرا تفويض 28 اتوقع ان شاء الله يوم الاحد تلقوه في الخزانة لازم ايكون معاك صورة من الجواز والتأشيرة الف مبروك للجميع ...الخبر اكيد

التفويض 29 اليوم يطلع من البعثات

اختي FADHILA شكرا عالخبر الحلو ولكن نبي نسال باعتبار انا من بنغازي هل يعني كلامك حضوري يوم الاحد للخزانة شخصيا و يعطوني الابراق و نمشي للتذاكر او الامور مش هكي
ثانيا هل ممكن تعرفي لو اسمي في قوائم التذاكر ...........شاكرة لك كرم اخلاقك

the heaven كتب:

اختي FADHILA شكرا عالخبر الحلو ولكن نبي نسال باعتبار انا من بنغازي هل يعني كلامك حضوري يوم الاحد للخزانة شخصيا و يعطوني الابراق و نمشي للتذاكر او الامور مش هكي
ثانيا هل ممكن تعرفي لو اسمي في قوائم التذاكر ...........شاكرة لك كرم اخلاقك

ممكن تبعتي حد معاه صورة من التأشيرة والجواز بالنسبة للتذاكر مازال ماعنديش عليهم معلومة اكيدة ان شاء الله يوم الاحد ماشية وانشوف

albelo73 كتب:

السلام عليكم
اليوم قوائم التفويض 27 و مجموعة بسيطة مختلطة من 27 و 28 معلقين اساميهم في قوائم التذاكر
و التوفيق للبقية

ان شاء الله ... وين بالله معلقين القوائم متع التذاكر 28 .... بس كان تعرف اسم الوكالة اللي فيها تذاكر تفويض 28 ، وتوا وين اراجع و الله يبارك فيك

اليوم الخميس عند الاتصال بالخزانة أكد لي الموظف أن برقيات التفويض 26 أخيراً قد أصبحت جاهزة.

اليوم بعد حوالي شهرين من تقديم الملف طلع التفويض، والأسباب اللي أدت إلى استغراقه كل هذه المدة الطويلة عديدة ولا تخفى على أحد، فهذا التفويض خاص بالطلبة الأوائل فقط، لهذا القائمة أخذت وقتاً حتى تكتمل، ناهيك عن التأخير في التعليم العالي وفي النهاية رجعلهم من الخزانة لأنه فيه خطأ، والنتيجة أن جماعة التفويض 29 جهزوا قبلنا ( اللهم لا حسـد ).
أنصح إخوتي الطلبة باستلام برقياتهم لااستكمال إجراءاتهم بالبعثات، ومراجعة مكتب الوكالات للتأكد من أن التذاكر تحت الإجراء وليس كما حدث لمعظم الطلبة بالتفويضات الأخرى واللي قالولهم اسماكم مش مدروج في القائمة، وبذلك تأخروا أكثر من شهر للحصول على التذاكر.

مبروك لزملائي الطلبة، والعقبى للبقية اللي يستنوا

السلام عليكم
بالنسبة لتذاكر ثفويض 27 موجوده فى شركة البارونى .
وانا يوم الاربعاء سألت على تذاكر تفويض 28 قالوا مزال .

السلام عليكم
هل تفويض 29 جاهز في الخزانة
مع جزيل الشكر و التقدير

اليوم كلمت الخزانة قالو 28 جاهز تعالو الاحد و تفويض 29 مازال

تفويض 29 يبي على الاقل 20 يوم

استفسار / الملف وصل البعثات يوم 16 /8 ولا أعلم أنا في أي تفويض هل من وسيلة لأعلم

السلام عليكم
اتقدم بجزيل الشكر و التقدير لكل من ساهم و بدل كل مجهود في المساعدة لتوصيل كافة المعلومات الي اخوتة الطلبة و اطلاعنا بكل ما هو مستجد من اخبار التفويضات و الف مبروك للجميع
و لدي استفسار عن ما هو مستجد عن التفويض 29
مع جزيل الشكر و التقدير لجميع من ساهم و يتابع هده الاخبار