باالله سؤال نبي الرد عليه يا خوتي

نبي علاش التأشيرة الكندية هي الوحيدة اللتي تستغرق الكثير من الوقت معقولة توا اسبوعين وماردووش عليا

انشالله خير يا خوي ممكن الايام الجاية تسمع خبرية حلوة تفرحك..

سبب تأخر الفيزا صعب انجاوبك عليه بس أعتقد أن في صفحة في المنتدى خاصة بالساحة الكندية تقدر اتشوفها و تستفيد من كل المعلومات ألي تحتاجها..

على فكرة هذه مش أول مرة تمر على أن واحد يشكي من صعوبة الحصول على الفيزا الكندية..

ربي يوفقك..

________________________________

رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ

التأشيرة البريطانية تاخد 21 يوم
التأشيرة التركية تاخد 5 اسابيع
التأشيرة الالمانية تاخد 5 اسابيع
التأشيرة القبرصية (اليونانية) تاخد 20 يوم
التأشيرة الفنلندية تاخد 3 اشهر
التأشيرة الارلندية شهرين

اغلب السفارات اجراءاتها الروتينية تعطل شوي، ما بعد الصبر الا الفرج بإذن الله

ربي يسهلك كل امورك اخي الكريم

انشاء الله يا خوي والله نراجي بفارغ الصبر يااارب فرجهاا ونحصلها وين الكندية ياخوي كم تاخد

اني خدت مني الكندية 4 شهور
موفق ان شاء الله

عادي يا خوى ... التاشيرة الكندية تتاخر ... انا توا ليا شهر بالضبط مقدم فى السفارة ومازال ما بعتوليش نماذج الكشف الطبي ... يعنى مش اقل من شهر تاني
وسع بالك وما تخممش فيها واجد
راهي على الكل ...بس اتكون بياناتك صحيحة
موفق انشاء الله

المعلومه اللي عندي ان التاشيرة الكندية في حدود الشهرين لكن تفائل خير مرات تطلع قبل المدة هدي

اني نعرف ناس اخدوها في 40 يوم وناس اخدوها في 7 شهور ... حاجة وحدة ما فيش داعي للايميلات المتعددة شن صار شن صار هذي مايبوهاش اني قعدت في حدود شهرين ما ابعثش ولا ايميل الا ايميل واحد من فرنسا طلبو حاجة بعثثها الهم .. ايميلات لا تلفونات لا خودوها نصيحة

I sent 1000 emails and I got the visa in 50 days.

بالنسبه للتأشيره ادا أوراقكم كامله تستغرق شهر باش ايردو عليك على ايميلك ويعطوك أوراق الكشف الطبي وبعد الكشف انتضروا 3أسابيع وربي يوفق الجميع

اسمعني خوي من الاخير لو انت متزوج و عندك عيلة خلال شهرين تاخدها
بس لو انت عازب من الاخير بتراجي العزاب ايأخرو فيه

وخيرك تفشل فينا

عادي التعطيل اني قدمت يوم 2\10 وبعتولي نموذج الكشف الطبي يوم 14\11 ودرت الكشف يوم18\11 وبعتولي يوم 28\11 وقالولي جيب جوازك وتعال للسفاره

السلام عليكم : بالله عندي استفسار لو سمحتم
انا بنمشي علي حسابي الخاص وعبيت النمادج يوم 26 /11/ وبالنسبة لنودج 1294 متاع الدراسة كملته وطلعلي البار كود وطبعته .
توا شن ندير هل نستناهم لين يتصلو بيا يحددولي موعد ولا شني بش نقدم الاوراق ولا شني ؟

بالله افيدوني وجازالكم الله كل خير

حسستوني ان الكلام اللي نكتب فيه شفاف !!!!
معقولة مافيش حد يفيدني بمعلومة ؟؟!!

برى للسفارة وارفع امعاك الايصال ... بس انت سألت سوال لو تصفحت المنتدى كنت تلقى الاجابة .. ربي ايعينك