السلام عليكم
الوقت اللي تاخده على حسب نشاطة الملحق التقافي فيه اللي يرد بسرعة وفيه اللي ياخد حتى شهور وفيه اللي ينكر انه وصلاته اصلا . خود بنصيحتي واعمل بيها بالحرف زي ما درت انا . تمشي لمشرف الساحة متاعك وتاخد منه صورة من رسالة الاستفسار . وتنزل للمحفوظات وتسألهم عن الورقة هذه هل ابرقت والا ما زال ما ابرقهاش . لو قالك ابرقت خود منه الرقم الاشاري متاعها . وبعدها تكون عندك صورة منها تطلع من ادارة البعتات تمشي تتصل بشخص صديق ليك في الدولة اللي كنت فيها وتبعتله صورة من الورقة بفاكس والا ايميل ويفوت شوية ايام ويمشي يراجعلك الملحق التقافي اللي في الدولة اللي كنت فيها باش يفكرهم بالورقة ولما الملحق التقافي يوتي ورقة المصروفات قول لصديقك ياخدلك نسخة منها ويبعتها لك بعدها تمشي انت للبعتات للمحفظات وتشوف هل وصلتهم بالفاكس من الملحق التقافي والا لا ؟ لو ما وصلتش واحتمال كبير ما توصلش لاي سبب كان تكون عندك صورة منها حياخدوها منك ويسجلوها هما ويعتبروها كانها وصلتهم من الملحق التقافي . وبعدها حتتحول لمشرف الساحة وتبدا في اجراءات تغيير الساحة ..
دير زي ما قلتلك لو تبي تكسب الوقت وربي يوفقك
سؤال عن برقية الاستفسار