نصيحة بخصوص دكتور الكشف الطبي

بالله ارجو من الاخوة الي عملو كشف طبي ان يفيدونا باسم الدكتور الي عمل عنده الكشف وايش الانطباع علي الدكتور....

السلام عليكم
اولا المفروض تاخد العنوان من السفاره الكنديه
تانيا نعطيك رابط فيه اسماء دكاتره وعناوينهم أرقام هواتفهم وبالنسبه للانطباع يعني كأنك ماشي لدكتور في عياده اجراءات روتينيه جدا وبالنسبه ليا اني أخترت الدكتور وائل في مصحة التيسير

الرابط
http://www.cic.gc.ca/dmp-md/medicalinfo.aspx?CountryID=1971&CountryName=Libya

باهي هل ضروري لعند ما تقوللنا السفارة نديرو كشف طبي والا عادي نستغلو وقت ماتدرس السفارة في الاوراق ونديرو الكشف

بعد الكشف منو يبعت النتائج للسفارة الكندية في فرنسا........

السفاره هي الي تبعتلك رساله على ايميلك فيها نموذج يحتوي على اسمك وبياناتك تنزل النموذج هذا وتطبعه وتمشي بيه للدكتور ومن غير النموذج هذا ما تقدرش ادير الكشف الطبي
وبالنسبه للنتائج انت ما ليكش علاقه بيهن بكل انت عليك اتدير الكشف عند الدكتور وهو توا ايفهمك بالاجراءات كيف تمشي
ملاحظه
1- الكشف الطبي يكلفك 170 دينار للدكتور و30 دينار لصورة الاشعه
2- الفتره بين تسليم الاوراق المطلوبه للسفار وموعد الكشف الطبي تتراوح بين 4 الى 6 اسابيع يعني اني سلمت الاوراق يوم 2\10 وبعتولي الايميل الخاص بالكشف الطبي يوم 14\ 11