الساحة الماليزية اغلقت

هل صحيح ان الساحة الماليزية اغلقت اليوم عندي قريبي في معهدوقالوله الكلام هدا

قول خيييييييير خوي محمد حنتصل بصديقتي ونتأكد منها اللله لايكتب ياشماتت ابله زازه فيا كن هذا

مشكلة بعد قريب يوصل يبدا من الجديد دعم مالي وتاشيرة وتفويض واااااااااااااااااااااك مانبيش نفكر في هدا كله

شكلها الدوة رسمي

الله المستعان عما تصفووووووووووون

انشاء الله لا

اللي عنده من يسال يقولنا

ah.shrisher كتب:

السلام عليكم ورحمة الله زي ما وعدتكم اليوم مشيت لادارة البعثات ورقيت للدو الثاني ودخلت على مشرف الساحه الماليزيه في مكتبه وسئلته هل صحيح ان الساحه الماليزبه اغلت قال لي ليس لي علم بهذا الخبر ولكن الخبر الاكيد تلقاه عند مدير مكتب التنفيذ الاستاذ عبدالمنعم في الدور الاول وانا بدوري نزلت للدور الاول ودخلت على الاستاذ عبدالمنعم وسئلته نفس السؤال هل الساحه الماليزيه اغلقت قال لي هل صرحت انا بهذا الخبر قتله لا قالي هل وجدت هذا الخبر ملصق في ادارة البعثات قتله لا قالي هل وجدت الخبر هذا في الموقع الرسمي لادارة البعثات قتله برضوا لا قالي مالا امنين جبت الخبر هذا قتله وجدته مكتوب في النت قالي الكلام هذا مافيش منه واستمروا في اجراءاتكم اموركم واضحه وياريت اتفكونا من الاشاعات السوقيه هذه ومش كل حاجه تقروها في النت اتصدقوها هذا كل شئ وموفقين جميعا ان شاء الله

بارك الله فيك اخي الكريم على مجهودك وانشاء الله في ميزان حسناتك
وأرجو من إخوتنا الكرام عدم وضع أي خبر إلا بعد التأكد منه

الاخ سامي ارجوا الاطلاع على صندوق الرسائل الوارده امتاع حضرتك وشكرا

بارك الله فيك وجزاك الله الف خير
ويا خونا سامي انا ماحطيتش خبر انا نسئل كانك قريت السؤال كويس

ونا سألت صديقتي وقالت مافيش منه الكلام هذا وخصوصا الللي تم اجاءاته ومتوقف ع اخر الالجراءات واللي فيه الخير يجيبه ربي

صاحبتي الاسبوع اللي فات قدمت اوراقها للتفويض في ساحة ماليزيا