معقولة هكي والله هلبا زودوها

السلام عليكم بعد التحية ...اليوم 33يوم علي تقديمي للتأشيرة الكندية معقولة هكي كان قدمت علي البريطانية راهوو توا في بريطانيا في حد عطلت معاه لهذه الدرجة علما بأني قدمت يوم 6_11 واليوم 9_12 وغدوا 34 يوم الرجاء المساعدة لأني مليت الحق

ان شاء خير ياخوى لكن حط فى بلك ان التاشيرة تاخد حولى 7 اسابيع فى المتوسط يعنى ممكن اكتر او اقل هدا حسب موقع السفارة انظر الربط التالى
http://www.cic.gc.ca/english/information/times/temp/students.asp


Africa and Middle East
Visa Office Processing Times
IN WEEKS
(based on a complete application package)
Abu Dhabi – United Arab Emirates 7
Accra – Ghana 4
Algiers – Algeria -
Amman – Jordan 6
Ankara – Turkey 12
Beirut – Lebanon 8
Cairo – Egypt 7
Dakar – Senegal 7
Harare – Zimbabwe -
Lagos – Nigeria 19
Nairobi – Kenya 9
Pretoria – South Africa 15
Rabat – Morocco 6
Riyadh – Saudi Arabia 5
Tel Aviv – Israel 5
Tunis – Tunisia 7

قالولي بعد 4 أسابيع يوصلك الكشف الطبي

بهالحالة يا عزالدين راح ايسير لك انهيار عصبي فوت الموضوع وخلليها على رب العالمين .. وانقول لك راهي اتعطل اتعطل وسع بالك وسع بالك وومل امرك لله هالقلق ايتعبك بدون اي فايدة بعدين معروفة البريطانية اسرع من الكندية

ربي يفرج عليك و الله نقولك شي لما تجي هني توا تحس بقيمة ليبيا يعني استمتع بايامك في ليبيا و لما ربي يأذن توا تتسخر الامور

هههههههههه كيف بنحس بقيمتها تي الراجل يتحمل عادي

طالما الراجل يتحمل علاش مش قادر تتحمل اجراءات التأشيرة و تصبر شوية ؟؟؟؟

في الموضوع هذا اني انأيد كلام اختي حنان عيش ايامك في ليبيا وعبي قدر ما تقدر ... راهو زاي ليبيا مافيش وتذكر هالكلام

عز الدين مافيش صبر بكل يا راجل خيرنا .... نعرف شباب اقسم بالله 6 شهور ما ردوش عليهم و علي حسابهم الخاص .... اصبر شوية و وكل امرك لربي زي ما قالولك الشباب و حتمشي الامور ان شاء الله ... هدا كان تبي كندا ..... كان مستعجل عدي قدم عالامريكية في يلي خداها في نفس اليوم

ربي يوفقك

والله خوفتوني علاش قلتوا تو تحسوا قيمة ليبيا شن المعيشة غادي صعبة هلبة والا غالية بالله قولونا خلي ناخدو احتياطنا