القبول المبدئي والمواد التكميليه

الاستفسار عن الطالب الموفد على حساب الدوله:وهو هل يدرس الطالب المواد التكميليه وهي قبل الدبلوم والماجستير علي حسابه الخاص ام على حساب الدوله باعتباره موفد على حساب الدوله........وهل تحسب من فترة دراسة الماجستير.............ارجو المساعده.........والتوضيح........لاصحاب التجربه والخبره.....

بالنسبة للشق الاول من السؤال للاسف خيتى يكونن على حسابك انا توا كيف درتها الورقة متاع الدعم المالى الى فى السفارة ومكتوب فيها ان الدولة مش ملزمة بالمواد التكميلية متاع الطالب
بالنسبة للشق الثانى يجاوبك حد خبرة افضل

وهما مالهم علاقة بموادك المدة تحسب من تاريخ صرف المنحة

فعلا كلام الاخت كرست صحيح المده تحسب من تاريخ الصرف

المدة ثابتة في كل الاحوال..... سواء في مواد تكميلي او لا.....وهي محسوبة ضمن فترة الماجستير او الدكتوراه....مع ان فيها ظلم كبير طبعا للطالب..لكن الخطأ هنا يكون على عاتق الدولة المضيفة طبعا وسؤ تعاملها مع الطالب الموفد....

يعني انتوا كيف درتوا قريتوا المواد التكميليه وبعدين قدمتوا على التفويض........والا بعد صدور التفويض....قمتوا بدفع رسوم المواد التكميليه من منحتكم الشهريه....

لالا..المواد التكميلية بعد التفويض..لأن في رسوم دراسية يتم دفعها قبل دراسة المواد التكميلية...

وهده الرسوم الدراسيه يدفعها الطالب او الدوله......لاني فهمت من الكلام ان المواد التكميليه على حساب الطالب....مع العلم باني متقدمه لدراسة ماجستير جغرافيا.....والمشكله المواد التكميليه ماده بالفصل الاول وهدي هلبتنى....والثانيه بالفصل الثاني....

كيف على حساب الطالب؟؟؟ الدولة المانحة وهي ليبيا تتحمل كافة المصاريف....حتى قيمة معادلة الماجستير..الدولة تتحملها ....

يعني المواد التكميليه على حساب الدوله

مش عارف كتبت رد الباين ماظهر
خوى عبد الناصر حتى انا كيف الاخت كاميليا ضمن قرار الاوائل ودرت المعادلة وقالولى مش محتاجة لدراسة مواد اخرى وعطونى ورقة الدعم المالى وكان مكتوب فيها ان الدولة غير مسؤولة عن تكاليف المواد التكميلية وسالت الموظفة المسؤولة فى السفارة قالت لو فى المعادلة مواد تكميلية انتى تتحملى نفقتها والله اعلم

تكلفت المواد التكميله 200 دولار تدفعيهن بعد ما التفويض شى اكيد اصلا كيف تبى تجى لمصر وتبدى تقرى وتفتحى ملف بدون التفويض؟؟؟؟؟؟؟؟؟؟؟؟؟؟؟

يا اخت كرست المواد التكميليه انا القيتهن في القبول المبدئي مش في المعادله انتي عندك قبول مبدئي من جامعة الاسكندريه شوفيه

camelia rose كتب:

يا اخت كرست المواد التكميليه انا القيتهن في القبول المبدئي مش في المعادله انتي عندك قبول مبدئي من جامعة الاسكندريه شوفيه

عندى قبول مبدئ الحمد لله مافيه اى مواد

المواد التكميله حسب الكليه كل كليه تختلف عن الثانيه
بالنسبه للقبول المبدئ انواع يعنى فيه قبول يكون من الدراسات ويكون مشروط بموافقه القسم يعنى لازم بعد ما تجى تسجل يتقدمن اوراقك لمجلس القسم ويقعدن شهر عشان يديرو مجلس قسم ويقررو هل تقرا طول او باضافه مواد تكميليه وبالنسبه للاخت يلى عنده مواد تكميليه فهى عندها قبول نهائ وهو موافقه قسم يعنى لم تجيبه تسجل مباشره بدون انتظار موافقه قسم
ان شالله تكون الصوره وضحت

الحالم كتب:

المواد التكميله حسب الكليه كل كليه تختلف عن الثانيه
بالنسبه للقبول المبدئ انواع يعنى فيه قبول يكون من الدراسات ويكون مشروط بموافقه القسم يعنى لازم بعد ما تجى تسجل يتقدمن اوراقك لمجلس القسم ويقعدن شهر عشان يديرو مجلس قسم ويقررو هل تقرا طول او باضافه مواد تكميليه وبالنسبه للاخت يلى عنده مواد تكميليه فهى عندها قبول نهائ وهو موافقه قسم يعنى لم تجيبه تسجل مباشره بدون انتظار موافقه قسم
ان شالله تكون الصوره وضحت

ينى انا مرات يزدونى مواد لالا لا هذ

القبول يلى عندك فيه موافقه قسم ولا شنو قوللى شنو الصيغه متاعه توا نجاوبك

شكراا